केंद्र सरकारचा मोठा निर्णय! वाहतूक-लॉजिस्टिक्ससाठी स्वतंत्र प्राधिकरण, १० वर्षांचा मास्टर प्लॅन होणार तयार

देशातील वाहतूक आणि लॉजिस्टिक्स व्यवस्था अधिक सक्षम व एकसंध करण्यासाठी केंद्र सरकारने मोठा निर्णय घेतला आहे. यासाठी ‘इंटिग्रेटेड ट्रान्सपोर्ट अँड लॉजिस्टिक्स अथॉरिटी’ म्हणजेच ITLA स्थापन करण्यात येणार आहे.

केंद्र सरकारचा मोठा निर्णय! वाहतूक-लॉजिस्टिक्ससाठी स्वतंत्र प्राधिकरण, १० वर्षांचा मास्टर प्लॅन होणार तयार

Follow Us:

Follow Us:

• ITLA कडून रस्ते, रेल्वे, बंदरे, विमान वाहतूक आणि जलमार्गांचा समावेश असलेला १० वर्षांचा राष्ट्रीय वाहतूक मास्टर प्लॅन तयार केला जाणार आहे.
• ५०० कोटी रुपये किंवा त्याहून अधिक खर्चाच्या केंद्रीय पायाभूत प्रकल्पांचे तांत्रिक मूल्यांकन आणि देखरेख ITLA करणार आहे.
• ई-वे बिल, फास्टॅग, वाहन नोंदणी आणि GPS यांसारखी माहिती एकत्र करून राष्ट्रीय वाहतूक डेटा भांडार तयार केले जाणार आहे.

चिंताजनक ! जगाचा आपत्कालीन तेलसाठा संपतोय; साठ्यात होतेय झपाट्याने घट

मास्टर प्लान तयार

आयटीएलए ही देशातील एकात्मिक वाहतूक आणि लॉजिस्टिक्स नियोजनासाठी सर्वोच्च संस्था म्हणून काम करणार आहे. संशोधन, प्रकल्पांचे तांत्रिक मूल्यांकन, धोरणात्मक मार्गदर्शन, प्रकल्पाची देखरेख, माहिती विश्लेषण आणि परिणामांचे मूल्यांकन ही प्रमुख जबाबदारी या संस्थेवर असेल, आयटीएलएकडून किमान १० वर्षाचा राष्ट्रीय वाहतूक मास्टर प्लॅन तयार केला जाणार आहे. यात रस्ते, रेल्वे, बंदरे, सागरी वाहतूक, नागरी विमान वाहतूक, अंतर्देशीय जलमार्ग, किनारी वाहतूक, शहरी वाहतूक आणि लॉजिस्टिक्सचा समावेश असेल, असे सांगण्यात आले आहे.’

राष्ट्रीय वाहतूक डेटा भांडार तयार केले जाणार

• ५०० कोटी रुपये किंवा त्याहून अधिक खर्चाच्या केंद्रीय पायाभूत प्रकल्पांचे तांत्रिक मूल्यांकन आयटीएलए करणार आहे. प्रकल्पांच्या अंमलबजावणीवर देखरेख ठेवण्यासोबतच प्रकल्प पूर्ण झाल्यानंतर त्याच्या परिणामांचे मूल्यांकनही केले. जाईल.
• तसेच राष्ट्रीय वाहतूक डेटा भांडार तयार केले जाणार आहे. यात ई-वे बिले, फास्टंग, वाहन नोंदणी, जीपीएस आणि शहरी वाहतूक व्यवस्थेतील माहिती एकत्र केली जाईल. या माहितीच्या आधारे मालवाहतुकीचा प्रवाह आणि वाहतुकीचे विश्लेषण करता येणार आहे.
• आयटीएलए राष्ट्रीय लॉजिस्टिक्स धोरणाच्या आढाव्यातही मदत करणार असून प्रशिक्षण, कौशल्यविकास, संशोधन आणि नवकल्पनांना प्रोत्साहन देणार आहे. सरकारच्या मते, या निर्णयामुळे वाहतूक व्यवस्था अधिक कार्यक्षम होऊन लॉजिस्टिक्सचा खर्च कमी करण्यास मदत होईल.

(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)

Web Title: Central government itla integrated transport logistics authority national transport master plan nb

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com