RSS 100 years : ‘जे देशभक्त ते युद्धात अन् देशद्रोही ते संघात गेले…; कॉंग्रेसने संघशताब्दीदिनी RSS ला दाखवला आरसा

Congress on RSS : राष्ट्रीय स्वयंसेवक संघ शताब्दी वर्षे साजरे करत आहे. हाच मुहूर्त साधून कॉंग्रेसने संघावर जोरदार निशाणा साधला आहे. स्वातंत्र्यकाळापासून ते आत्तापर्यंतच्या घटनांचा दाखला देत कॉंग्रेसने ही टीका केली आहे.

Congress on RSS : नवी दिल्ली : राष्ट्रीय स्वयंसेवक संघ यंदाच्या वर्षी 100 वे वर्ष पूर्ती साजरी करत आहे. यानिमित्ताने पंतप्रधान नरेंद्र मोदी यांच्यासह केंद्रातील सत्तेमधील अनेक नेते कार्यक्रमांमध्ये सहभागी झाले आहेत. संघशताब्दी वर्षाच्या निमित्ताने कॉंग्रेसने देखील कोणीतीही कमी सोडलेली नाही. यानिमित्ताने कॉंग्रेसने सोशल मीडियावर पोस्ट लिहित राष्ट्रीय स्वयंसेवक संघावर गंभीर आरोप केले आहेत. यामध्ये इंग्रजांना भारत छोडो आंदोलनामध्ये मदत केल्याचा आरोप देखील कॉंग्रेसने केला आहे. यावरुन राजकीय वर्तुळामध्ये वाद निर्माण झाला आहे.

कॉंग्रेसने एक्स या सोशल मीडिया अकाऊंटवरुन संघावर टीका करणारी पोस्ट लिहिली आहे. यामध्ये त्यांनी संघावर इंग्रजांना मदत, महात्मा गांधींची हत्या,हिंदू मुस्लीम वाद निर्माण करण्याचा प्रयत्न केल्याचे आरोप करण्यात आले आहेत. कॉंग्रेसने आपल्या पोस्टमध्ये लिहिले आहे की, राष्ट्रीय स्वयंसेवक संघ ही एक फुटीर संघटना आहे. स्वातंत्र्याच्या वेळी त्यांच्या नेत्यांना तुरुंगात टाकण्यात आले नव्हते किंवा ब्रिटिशांनी त्यांच्यावर बंदी घातली नव्हती. १९४२ मध्ये ब्रिटिशांविरुद्धच्या भारत छोडो आंदोलनादरम्यान जेव्हा संपूर्ण देश तुरुंगात होता, तेव्हा राष्ट्रीय स्वयंसेवक संघ ब्रिटिशांना ही चळवळ दडपण्यास मदत करत होता. राष्ट्रीय स्वयंसेवक संघाच्या या विश्वासघाताविरुद्ध प्रत्येकाच्या तोंडून एक घोषणा होती जे देशभक्त होते ते युद्धात गेले आणि जे देशद्रोही होते ते संघात गेले, अशा घोषणा दिली जात असल्याचे म्हणत कॉंग्रेसने जोरदार हल्लाबोल केला.

राजकीय बातम्या वाचण्यासाठी क्लिक करा

पुढे कॉंग्रेसने लिहिले की, स्वातंत्र्यलढ्यात ज्या संघटनेचा एकही नेता तुरुंगात गेला नाही. अशी संघटना—जी महात्मा गांधी, भगतसिंग आणि चंद्रशेखर आझाद सारख्या देशभक्त आणि क्रांतिकारकांना अराजकतावादी म्हणत ब्रिटिश राजवटीच्या बाजूने काम करत राहिली. अशी संघटना—जी हिंदू आणि मुस्लिमांमध्ये जातीय तेढ निर्माण करून देशाचे दोन भाग करून देशाला पोकळ बनवत होती. अशी संघटना ज्याचे हात महात्मा गांधींच्या रक्ताने माखलेले आहेत. अशी संघटना ज्या तथाकथित नायकांनी ब्रिटिशांसाठी माहिती दिली आहे. त्या संघटनेचे नाव राष्ट्रीय स्वयंसेवक संघ किंवा आरएसएस आहे. आज, आरएसएस १०० वर्ष जुना आहे. परंतु या १०० वर्षांत, त्यांनी देशाला फायदा होईल असे एकही काम केलेले नाही, अशी टीका कॉंग्रेसने केली आहे.

See more

RSS देश को बांटने वाला संगठन: आजादी के वक्त जिसके नेता न जेल गए, न अंग्रेजों ने लगाया कभी प्रतिबंध 1942 में अंग्रेजों के खिलाफ शुरू हुए ‘भारत छोड़ो आंदोलन’ में जब पूरा देश जेल जा रहा था, तब RSS इस आंदोलन को दबाने में अंग्रेजों की मदद कर रहा था। RSS की इस गद्दारी पर एक नारा… — Congress (@INCIndia) October 1, 2025

आपल्या देशाचे दुर्दैव आहे की आरएसएससारख्या सांप्रदायिक आणि द्वेषपूर्ण संघटनेचे कार्यकर्ते थेट सरकार चालवत आहेत. सुरुवातीपासून संविधानाऐवजी मनुस्मृतीचा पुरस्कार करणारे लोक आता आपल्या देशात मुख्यमंत्री आणि पंतप्रधान बनत आहेत. अशा परिस्थितीत आपण त्यांच्याकडून सामाजिक, राजकीय आणि आर्थिक न्यायाची अपेक्षा कशी करू शकतो? आज देशाला राष्ट्रवादाचे मूलतत्त्व शिकवणाऱ्या आरएसएसने १९२५ मध्ये स्थापनेपासून कोणत्याही ब्रिटीशविरोधी चळवळींमध्ये (जसे की १९३० ची सविनय कायदेभंग चळवळ, १९४२ ची भारत छोडो चळवळ) भाग घेतला नाही. काँग्रेस, समाजवादी, कम्युनिस्ट आणि इतर क्रांतिकारी संघटनांवर वारंवार बंदी घालण्यात आली असली तरी, ब्रिटीश सरकारने कधीही आरएसएसवर बंदी घातली नाही. त्यांच्या कोणत्याही स्वयंसेवकांना कधीही तुरुंगात टाकण्यात आले नाही. जेणेकरून हे लोक बाहेर राहू शकतील आणि हिंदू-मुस्लिम द्वेषाने लोकांचे मन विषारी करू शकतील, असा आरोप कॉंग्रेसने केला.

महाराष्ट्रसंबंधित बातम्या वाचण्यासाठी क्लिक करा

पुढे ते म्हणाले की, स्वातंत्र्यापूर्वी १५ ऑगस्ट १९४७ रोजी देशाने भयानक रक्तपात पाहिला. लाखो लोक द्वेष आणि दंगलींच्या विळख्यात सापडून जिवंत मृतदेह बनले. गांधी आणि नेहरूंच्या सर्वोत्तम प्रयत्नांनंतरही, देशाचे दोन भाग झाले.  आता संविधानाची पाळी होती. इथेही संघाने संविधान नाकारले आणि मनुस्मृती लागू करण्याचा आग्रह धरला. संघाने एकही सदस्य संविधान सभेत पाठवला नाही. परंतु देशातील जनतेने नंतर संघाच्या सर्व योजना नाकारल्या आणि त्या अप्रासंगिक ठरवल्या. यामुळे संतप्त होऊन संघाच्या नथुराम गोडसेने राष्ट्रपिता महात्मा गांधी यांची गोळ्या घालून हत्या केली.

आजही, स्वातंत्र्यानंतर ७८ वर्षांनी, संघाचे एकमेव ध्येय म्हणजे देशात हिंदू-मुस्लिम तणाव पेटवून सत्ता काबीज करणे. ते देशाच्या संस्थांवर ताबा मिळवते आणि द्वेष आणि उन्माद पसरवते. परिस्थिती अशी आहे की आज सत्तेचा गैरवापर करून संघाने देश विकण्यास सुरुवात केली आहे. देशातील बहुतेक समस्यांचे मूळ संघ आहे असे म्हणणे अतिशयोक्ती ठरणार नाही. ज्या दिवशी ही संघटना देशाला पेटवणे आणि पोकळ करणे थांबवेल, त्या दिवशी अर्ध्याहून अधिक समस्या सुटतील, अशी अपेक्षा कॉंग्रेसने केली आहे. संघशताब्दीचा उत्सव सुरु असताना कॉंग्रेसच्या या पोस्टने भाजप अन् आरएसएसचा डिवचलं आहे.