चारशे रुपयांमध्ये सिलिंडर, 15 लाखांचा आरोग्य विमा; जाणून घ्या बीआरएसचा निवडणूक जाहीरनामा

तेलंगणा विधानसभा निवडणुकीच्या (Telanga Election) पार्श्वभूमीवर सत्ताधारी बीआरएससह विरोधी पक्ष काँग्रेस व भाजपकडून जोरदार तयारी सुरू आहे. दरम्यान, राज्याचे मुख्यमंत्री आणि बीआरएसचे प्रमुख के. चंद्रशेखर राव (K. Chandrashekhar Rao) यांनी आपल्या पक्षाचा जाहीरनामा प्रसिद्ध केला आहे.

हैदराबाद : तेलंगणा विधानसभा निवडणुकीच्या (Telangana Election) पार्श्वभूमीवर सत्ताधारी बीआरएससह विरोधी पक्ष काँग्रेस व भाजपकडून जोरदार तयारी सुरू आहे. दरम्यान, राज्याचे मुख्यमंत्री आणि बीआरएसचे प्रमुख के. चंद्रशेखर राव (K. Chandrashekhar Rao) यांनी आपल्या पक्षाचा जाहीरनामा प्रसिद्ध केला आहे.

जाहीरनामा प्रसिद्ध करताना मुख्यमंत्री के. चंद्रशेखर राव म्हणाले, आम्ही पुन्हा सत्तेत आल्यास प्रति कुटुंब 10 लाख रुपयांच्या अनुदानासह ‘दलित बंधू’ योजना सुरू ठेवणार आहे. तेलंगणातील 93 लाख बीपीएल कुटुंबांना केसीआर विमा योजनेअंतर्गत 5 लाख रुपयांचा विमा मिळेल. तर सामाजिक पेन्शन पाच हजार रुपये प्रति महिना केली जाईल. सध्याच्या 2016 रुपयांत हळूहळू वाढवून पाच हजार रुपये प्रति महिना केले जाईल.

तसेच अपंगांसाठी सामाजिक सुरक्षा पेन्शनपर्यंत वाढविली जाईल. ही रक्कम सहा हजार रुपयांपर्यंत असेल. याशिवाय, रायथू बंधू योजना हळूहळू वाढवून प्रतिवर्ष 16 हजार रुपये केली जाईल, सध्या त्याची रक्कम 10 हजार रुपये आहे. याशिवाय सर्व बीपीएल कुटुंबांना 400 रुपयांना गॅस सिलिंडर आणि सर्व पात्र लोकांना 15 लाखांचे आरोग्य कवच देण्याचे आश्वासनही बीआरएसने दिले आहे.