सुनेने नाकारली टी शर्ट-जीन्स घालण्याची सासूची इच्छा; पतीने केली पत्नीला बेदम मारहाण

सासू-सुनेचं भांडण हे कोणत्याही कुटुंबासाठी नवं नाही. पण उत्तर प्रदेशातून एक विचित्र घटना समोर आली आहे. साधेपणाचं जीवन जगणाऱ्या सुनेला मॉर्डन बनवणे सासूला चांगलेच महागात पडले. याच कारणावरून पतीने पत्नीला मारहाण केली होती. त्यामुळे या सर्व प्रकारानंतर महिलेने सासरच्या मंडळींविरोधात पोलिसांत तक्रार दिली.

नवी दिल्ली : सासू-सुनेचं भांडण हे कोणत्याही कुटुंबासाठी नवं नाही. पण उत्तर प्रदेशातून एक विचित्र घटना समोर आली आहे. साधेपणाचं जीवन जगणाऱ्या सुनेला मॉर्डन बनवणे सासूला चांगलेच महागात पडले. याच कारणावरून पतीने पत्नीला मारहाण केली होती. त्यामुळे या सर्व प्रकारानंतर महिलेने सासरच्या मंडळींविरोधात पोलिसांत तक्रार दिली.

उत्तर प्रदेशच्या एतमादपूर परिसरातील एका गावातील तरुणीचे काही महिन्यांपूर्वी शहरातील एका कुटुंबात लग्न झाले होते. तरुणीचा पती एका खासगी कंपनीत काम करतो. सासरे देखील आधुनिक विचारांचे आहेत. स्वतः पाश्चिमात्य संस्कृतीचे कपडे घालत असल्यामुळे सासरच्या मंडळींना सुनेने सुद्धा असंच राहिलं पाहिजे, असा त्यांचा आग्रह होता. वेस्टर्न कपडे घालण्यास सासरच्यांनी तरुणीला सांगितलं होतं. ‘माझी सासू मला जीन्स आणि टी-शर्ट घालायला सांगते. पण माझा जीन्स आणि टी-शर्टवर आक्षेप आहे. मला साडी नेसायला आवडते. यावरुन सासरचे लोक मला टोमणे मारतात’, असे मुलीने सांगितले.

साधी राहणी आवडणाऱ्या सुनेचा सासरच्यांशी जबरदस्त वाद झाला. ग्रामीण भागातून लग्न करून शहरात आलेल्या सुनेला सासरच्या मंडळींकडून जीन्स आणि टी-शर्ट घालायला सांगितले जात होते. पण सूनबाईला साडी नेसणेच पसंत होते. यावरुनच सासरचे लोक तिला सातत्याने टोमणे मारायचे. प्रकरण इतके वाढले की, याच कारणावरुन पतीने पत्नीला थेट मारहाणच केली. त्यानंतर संतापलेल्या सुनेने थेट पोलीस ठाणे गाठत तक्रार दिली.