मोठी बातमी! राजस्थानचे CM भजनलाल शर्मांना जीवे मारण्याची धमकी; हत्या करून सुटकेसमध्ये…

राजस्थानमधून एक मोठी बातमी समोर येत आहे. क्रीडा सचिव नीरज पवन यांची क्रूरपणे हत्या करून त्यांचे तुकडे करत सुटेकसमध्ये भरण्यात येतील अशी धमकी देण्यात आली आहे.

जयपूर: राजस्थानमधून एक मोठी बातमी समोर येत आहे. राजस्थानचे मुख्यमंत्री भजनलाल शर्मा यांना ईमेल द्वारे जीवे मारण्याची धमकी प्राप्त झाली आहे. अशीच धमकी क्रीडा विभागाचे सचिव नीरज पवन यांना देखील धमकी मिळाली आहे. जीवे मारण्याच्या धमकीचा एक ईमेल प्राप्त झाला आहे.

प्राप्त झालेल्या ईमेलमध्ये जो मजकूर होता तो अत्यंत गंभीर स्वरूपाचा आहे. क्रीडा सचिव नीरज पवन यांची क्रूरपणे हत्या करून त्यांचे तुकडे करत सुटेकसमध्ये भरण्यात येतील अशी धमकी देण्यात आली आहे. तसेच ईमेलमध्ये अनेक गोष्टी लिहिण्यात आल्या आहेत. मी पकडलो गेलो तर मानसिक आरोग्य खराब असल्याचे कारण देत मी सुटून जाईन. त्याने त्याचे मानसिक आरोग्य ठीक नसल्याचे खोटे सर्टिफिकेट देखील तयार केले असल्याचे समजते आहे. इमेलमधून पोलिसांना देखील आव्हान देण्यात आले आहे. तुम्ही मला कधीच पकडू शकत नाही असे आव्हान पोलिसांना देण्यात आले आहे.

भाजप नेत्या नवनीत राणा यांना पाकिस्तानातून जीवे मारण्याची धमकी

भारत आणि पाकिस्तानमधील सध्याच्या तणावपूर्ण वातावरण असताना, भाजप नेत्या आणि माजी खासदार नवनीत राणा यांना पाकिस्तानकडून जीवे मारण्याची धमकी मिळाली आहे. ही धमकी पाकिस्तानच्या वेगवेगळ्या फोन नंबरवरून देण्यात आली आहे. नवनीत राणा यांनी या प्रकरणी मुंबईतील खार पोलिस ठाण्यात तक्रार दाखल केली आहे, त्यानंतर पोलिसांनी तपास सुरू केला आहे.

Navneet Rana : “हिंदू शेरनी तुझे उड़ा देंगे…”, भाजप नेत्या नवनीत राणा यांना पाकिस्तानातून जीवे मारण्याची धमकी

मिळालेल्या माहितीनुसार, भाजप नेत्या नवनीत राणा यांना पाठवलेल्या धमकीच्या संदेशात असे म्हटले आहे की, ““हिंदू शेरनी हनुमान चालीसा पढ़ने वाली तू थोड़े दिन की मेहमान है, जल्दी उड़ने वाली है”,अशी धमकी आंतरराष्ट्रीय क्रमांकांवरून नवनीत राणा यांना मिळाली आहे. मुंबई पोलिस इतर एजन्सींच्या मदतीने या प्रकरणाचा तपास करत आहेत. महाराष्ट्रातील अमरावतीच्या माजी खासदार नवनीत राणा यांना पाकिस्तानकडून धमक्या येण्याची ही पहिलीच वेळ नाही. गेल्या वर्षीही त्याला त्याच्या व्हॉट्सअॅप नंबरवर एका व्हिडिओ क्लिपद्वारे पाकिस्तान आणि अफगाणिस्तानमधून जीवे मारण्याच्या धमक्या मिळाल्या होत्या.

तसेच दोन दिवसांपूर्वी नवनीत राणा यांनी ‘ऑपरेशन सिंदूर’ नंतर पाकिस्तानवर जोरदार टीका केली होती, ज्यात म्हटले होते की, “त्यांनी तुमच्या घरात घुसून तुम्हाला मारले आहे, त्यांनी तुमची कबर खोदली आहे. तुमचे वडील मोदी दिल्लीच्या तख्तावर बसले आहेत. आम्ही तुम्हाला एक एक करून मारू.” त्यांनी पंतप्रधान नरेंद्र मोदी यांचे उघडपणे कौतुक केले आणि सांगितले की त्यांनी जगाला ‘घरात घुसून मारणे’ म्हणजे काय ते दाखवून दिले आहे. सध्या, पोलिस हे प्रकरण गांभीर्याने घेत आहेत आणि त्याचा तपास करत आहेत आणि धमकी देणाऱ्या लोकांची ओळख पटविण्यासाठी संबंधित एजन्सींशी संपर्क साधत आहेत.