सौजन्य फोटो - सोशल मिडीया
हेही वाचा: मोठी बातमी ! माजी मुख्यमंत्री अशोक चव्हाण यांच्यासह चार आमदारांना मारण्याची धमकी; ‘तो’ फोन आला अन्…
बामणगाव येथील नाक्यावर भाजी विक्रीचा व्यवसाय करणाऱ्या सुशील ठाकूर यांचा आरांश हा धाकटा मुलगा होता. सोमवारी दुपारी दीड वाजण्याच्या सुमारास आरांश नेहमीप्रमाणे आपल्या घराच्या अंगणात खेळत होता. खेळता-खेळता त्याने अचानक एक फुगा गिळला, जो त्याच्या घशात जाऊन अडकला. काही क्षणांतच आरांशचा श्वास गुदमरू लागला आणि त्याला श्वास घेण्यास तीव्र त्रास होऊ लागला. मुलाची ही जीवघेणी अवस्था पाहून घाबरलेल्या पालकांनी तातडीने अलिबाग जिल्हा सामान्य रुग्णालयात नेण्यासाठी रुग्णवाहिका बोलावली.
रुग्णवाहिकेतून आरांशला रुग्णालयात नेले जात असताना, बेलकडे-अलिबाग मार्गावर सुरू असलेल्या रस्ताच्या कामामुळे रस्त्यावर वाहनांच्या लांबच लांब रांगा लागल्या होत्या. ‘माझ्या लेकराचा श्वास कोंडतोय, कोणीतरी रस्ता द्या हो…’ असा हदय पिळवटून टाकणारा आक्रोश आरांशचे आई-वडील रुग्णवाहिकेतून करत होते. रुग्णवाहिकेचा सायरन सतत वाजत असूनही वाहतूककोंडीतून मार्ग काढण्यासाठी तिथे कोणीही उपलब्ध नव्हते. तब्बल दीड तासानंतर रुग्णवाहिकेला पुढे जायला रस्ता मिळाला; परंतु तोपर्यंत खूप उशीर झाला होता. दुपारी चार वाजता रुग्णवाहिका रुग्णालयात पोहोचताच डॉक्टरांनी तपासणी करून आरांशला मृत घोषित केले.
हेही वाचा: मार्केटयार्ड परिसरात रिक्षेतून एमडी विक्रीचा डाव उधळला; तिघे ताब्यात; 7 लाखांचा मुद्देमाल जप्त
या दुर्दैवी घटनेमुळे संपूर्ण रायगड जिल्ह्यातून तीव्र संताप व्यक्त केला जात आहे. कालपर्यंत ज्या घरात चिमुकल्याच्या बोबड्या बोलांनी आणि खेळण्यांनी आनंद भरला होता, तिथे आता केवळ आई-वडिलांचा हंबरडा ऐकू येत आहे. या घटनेची सखोल वैद्यकीय आणि प्रशासकीय चौकशी करावी, तसेच संबंधित रस्ता ठेकेदार आणि दोषी प्रशासनावर सदोष मनुष्यवधाचा गुन्हा दाखल करावा, अशी संतप्त मागणी स्थानिकांकडून आणि नागरिकांकडून केली जात आहे.
Ans: अलिबाग तालुक्यातील बामणगाव येथील आरांश सुशील ठाकूर (वय १ वर्ष ८ महिने) या चिमुकल्याने खेळता-खेळता फुगा गिळल्याने तो घशात अडकला. त्याला रुग्णालयात नेताना रुग्णवाहिका वाहतूककोंडीत दीड तास अडकल्याने वेळेवर उपचार न मिळाल्याने त्याचा मृत्यू झाला.
Ans: बेलकडे-अलिबाग मार्गावर रस्त्याचे काम सुरू असल्याने वाहनांच्या लांबच लांब रांगा लागल्या होत्या. मार्ग काढण्यासाठी जागा नसल्याने रुग्णवाहिका तब्बल दीड तास अडकून पडली.
Ans: या घटनेची सखोल वैद्यकीय व प्रशासकीय चौकशी करून संबंधित रस्ता ठेकेदार आणि दोषी प्रशासकीय अधिकाऱ्यांवर सदोष मनुष्यवधाचा गुन्हा दाखल करावा, अशी मागणी स्थानिकांनी केली आहे.






