झारखंड : मागील काही दिवसांपासून झारखंड येथे स्पॅनिश येथील महिलेवर झालेल्या अत्याचाराची चर्चा सर्व स्तरावर सुरु आहे. भारतामध्ये या महिलेवर सामुहिक बलात्कार झाल्यामुळे सर्व जण रोष व्यक्त करत आहेत. हे प्रकरण जागतिक स्तरावर चर्चिले जाऊ लागल्यानंतर संबंधित स्पॅनिश पर्यटकाची भूमिका समोर आली आहे. या ब्लॉगर महिलेने एवढ्या मोठ्या घटनेनंतर देखील भारताची बाजू घेतली आहे. त्याचबरोबर टीकाकारांना सडेतोड उत्तर दिले आहे.
या स्पॅनिश महिलेने सोशल मीडियावर लिहिले आहे की, ‘स्पेन असो, ब्राझील, अमेरिका किंवा इतर कोणताही देश, जगातील प्रत्येक देशात अशा घटना घडतात. आम्ही भारतात होतो म्हणून असं झालं म्हणणं बंद करा. सोमवारी मुख्य जिल्हा न्यायाधीशांनी पीडितेची भेट घेऊन तिचा जबाब नोंदवला. पोलिसांनी आतापर्यंत तीन आरोपींना अटक केली आहे. उर्वरितांच्या शोध सुरू आहे. मुद्दा असा आहे की बलात्कार किंवा दरोडा. तुमच्यावर, तुमच्या भावावर, तुमच्या आईवर, तुमच्या मुलीवर किंवा कोणावरही होऊ शकतो,” असे मत त्या महिलेने मांडले आहे. तसेच या स्पॅनिश जोडप्याने सोशल मीडिया पोस्टमध्ये लिहिले आहे. जगातील कोणताही देशात अशा घटना घडत नाहीत असे नाही. स्पेनमध्येही असे अनेकदा घडले आहे. हे जगभर घडले आहे…स्पेन,ब्राझील,अमेरिका,सर्व देशांमध्ये घडले आहे…म्हणून आपण भारतात आहोत म्हणून हे घडले असे बोलू नका. अशा शब्दांत या जोडप्याने भारताची बाजू सावरली आहे.
त्याचबरोबर या जोडप्याने सोशल मीडियावर एका आरोपीचे छायाचित्र पोस्ट केले आणि त्याला शोधण्यात त्यांना आणि पोलिसांना मदत करण्याचे आवाहन केले. त्यांनी लिहिले की भारत एक ‘महान आणि भेट देण्यालायक देश’ आहे. प्रशासनाच्या सर्व सहकार्याबद्दल त्यांचे आभार. असे मत जोडप्याने सोशल मीडियावर व्यक्त केले आहे. पीडीजे टीमने त्याला फौजदारी प्रक्रिया संहितेच्या कलम 164 अंतर्गत त्याचे स्टेटमेंट रेकॉर्ड करण्यास मदत केली आणि झारखंड पोलिसांनी त्यांना 10 लाख रुपयांची भरपाई दिली आहे.
.png "Videos"){kind=small}
