गोवा अग्निकांडानंतर सरकार ॲक्शन मोडवर! नाईट क्लब्ससाठी ‘मार्गदर्शक सूचना’ जारी; ‘हे’ नियम पाळणे बंधनकारक

Goa News: गोवा अग्निकांडानंतर SDMA ॲक्शन मोडवर आले असून नाईट क्लब, बार आणि रेस्टॉरंट्ससाठी कठोर सुरक्षा नियम जारी केले आहेत. फायर NOC आणि क्षमता मर्यादेचे उल्लंघन करणाऱ्यांवर DM Act, 2005 अंतर्गत कारवाई होणार.

• गोवा अग्निकांडानंतर SDMA ॲक्शन मोडवर!
• नाईट क्लब, बार, रेस्टॉरंट्ससाठी कठोर नियमावली जारी
• ‘या’ आदेशांचे उल्लंघन केल्यास थेट जेल!

Goa Nightclub Fire Accident: गोव्यातील नाईट क्लबमध्ये लागलेल्या आगीच्या घटनेनंतर, ज्यात २५ जणांचा दुर्दैवी मृत्यू झाला, गोवा राज्य आपत्कालीन व्यवस्थापन प्राधिकरणाने (State Disaster Management Authority – SDMA) कठोर भूमिका घेतली आहे. आपत्ती व्यवस्थापन अधिनियम २००५ च्या (DM Act, 2005) कलम २२(२)(h), २२(२)(i) आणि २४ अंतर्गत, SDMA ने राज्यातील सर्व नाईट क्लब्स, रेस्टॉरंट्स, बार, इव्हेंट व्हेन्यू आणि तत्सम आस्थापनांसाठी नवी मार्गदर्शक सूचना (Advisory) जारी केली आहे.

SDMA ने स्पष्ट केले आहे की, सर्व आस्थापनांना अग्निसुरक्षा, इलेक्ट्रिकल सुरक्षा, आपत्कालीन तयारी आणि संरचनात्मक सुरक्षा मानकांचे कठोरपणे पालन करणे अनिवार्य असेल.

See more

#WATCH | Fire at a restaurant in North Goa’s Arpora, claiming 25 lives | Goa CM Pramod Sawant says, “… The committee shall be constituted under the chairmanship of the Secretary of Revenue for conducting the audit of such clubs, business establishments, etc., which are… https://t.co/1Og3oQb0AA pic.twitter.com/bEdhMPitMZ — ANI (@ANI) December 7, 2025

हे देखील वाचा: Goa Club Fire Accident: गोव्यातील नाईट क्लबच्या दुर्घटनेचा थरारक Video आला समोर, महिला डान्स करत असतानाच छतावरू पडल्या काचा अन्…

नाईट क्लब्ससाठी SDMA चे प्रमुख आणि कठोर निर्देश

• मान्य फायर NOC: अग्निशमन सेवा विभागाने निर्धारित केलेल्या सर्व अटींचे पालन करून वैध फायर NOC (ना हरकत प्रमाणपत्र) बाळगणे आवश्यक.
• क्षमतेचे बंधन: अधिकृत क्षमता मर्यादेचे काटेकोरपणे पालन करणे; अतिरिक्त गर्दी न करणे आणि जास्तीत जास्त क्षमतेचा बोर्ड स्पष्टपणे प्रदर्शित करणे अनिवार्य.
• अग्निशमन यंत्रणा: सर्व स्मोक/हीट डिटेक्टर, अलार्म, स्प्रिंकलर, हायड्रंट, होज रील आणि फायर एक्सटिंग्विशर पूर्णपणे कार्यरत व वेळोवेळी सर्व्हिस केलेले असावेत.
• इलेक्ट्रिकल सुरक्षा: केवळ प्रमाणित इलेक्ट्रिकल वायरिंग आणि सुरक्षा उपकरणांचा वापर करणे; तात्पुरते, ओव्हरलोडेड किंवा असुरक्षित कनेक्शन त्वरित काढून टाकणे.
• बाहेर पडण्याचे मार्ग: सर्व आपत्कालीन बाहेर पडण्याचे मार्ग (Emergency Exits) आणि सुटकेचे मार्ग (Escape Routes) अडथळामुक्त ठेवावेत; चमकदार एक्झिट साइन, निकासी नकाशे आणि आपत्कालीन लाइटिंग सुनिश्चित करावी.
• कर्मचारी प्रशिक्षण: कर्मचाऱ्यांचे नियमित अग्निसुरक्षा प्रशिक्षण, प्रत्येक शिफ्टमध्ये फायर सेफ्टी अधिकाऱ्याची नियुक्ती आणि नोंदणीकृत इव्हॅक्युएशन ड्रिल (निकासी सराव) अनिवार्य असेल.
• अतिरिक्त आपत्कालीन उपाय: NDMA ने सुचवलेले आपत्कालीन उपाय प्रशिक्षणात समाविष्ट करणे, जसे की अत्यंत निकडीच्या वेळी चादरी बांधून तात्पुरती शिडी/दोरी बनवून खाली उतरण्याची पद्धत (सुरक्षित उंचीच्या स्थितीत).

कठोर कारवाईची चेतावणी

सर्व आस्थापनांना ७ दिवसांच्या आत आपले अंतर्गत सुरक्षा ऑडिट पूर्ण करून, त्याचा अहवाल जिल्हा प्रशासन, अग्निशमन सेवा किंवा SDMA च्या पथकांच्या तपासणीसाठी तयार ठेवण्याचे निर्देश देण्यात आले आहेत. SDMA ने स्पष्ट चेतावणी दिली आहे की, या मार्गदर्शक सूचनांचे उल्लंघन केल्यास कडक कारवाई केली जाईल, ज्यात आस्थापना बंद करणे, परवाना निलंबित/रद्द करणे आणि DM Act, 2005 च्या कलम ५१(b) व इतर संबंधित कायद्यांनुसार अभियोजन समाविष्ट असेल. हे निर्देश तात्काळ प्रभावाने लागू झाले आहेत.

नाईट क्लबच्या व्यवस्थापकाला अटक

गोवा येथील अग्निशमन आणि आपत्कालीन सेवा (Fire and Emergency Services) संचालक, नितीन व्ही. रायकर यांनी स्पष्ट केले की, क्लबकडे आग प्रतिबंधक उपायांसाठी आवश्यक असलेले NOC नव्हते. अग्निशमन विभागाने या क्लबला काम करण्यासाठी कधीही ‘फायर NOC’ जारी केले नव्हते. दुर्घटना घडल्यानंतर नाईट क्लबच्या व्यवस्थापकाला (Manager) अटक करण्यात आली आहे.

हे देखील वाचा: Goa Arpora fire : गोव्यातील अग्नितांडवावर PM मोदींकडून शोक व्यक्त; मृतांच्या वारसांना मिळणार 2 लाखांची मदत