नवी दिल्ली : तुम्ही अँड्रॉइड स्मार्टफोन (Android Smartphone) वापरत असाल तर तुमच्यासाठी ही बातमी महत्त्वाची आहे. सरकारने एक अॅडव्हायजरी जारी करून म्हटले आहे की, ‘डीएएएम’ व्हायरस (DAAM) तुमच्या मोबाईल फोनमधील सर्व प्रकारचा डेटा चोरत आहे. हा व्हायरस तुमच्या नकळत तुमचे कॉल रेकॉर्ड, पासवर्ड, कॉन्टॅक्ट लिस्ट, कॅमेरा डेटा यासह सर्व काही महत्त्वाची माहिती चोरत आहे. इंडियन कॉम्प्युटर इमर्जन्सी रिस्पॉन्स टीम म्हणजेच सीईआरटी-इनने ही माहिती दिली आहे. ही राष्ट्रीय सायबर सुरक्षा एजन्सी आहे.
सीईआरटी-इनच्या अॅडव्हायझरीमध्ये म्हटले आहे की, ‘डीएएएम’ व्हायरस इतका धोकादायक आहे की तो तुमच्या फोनच्या अँटीव्हायरस प्रोग्रामला बायपास करतो. याशिवाय, हे उपकरणांवर रॅन्समवेअर हल्ला करते. एजन्सीने म्हटले आहे की, अँड्रॉइड बोनेट थर्ड पार्टी वेबसाइट्सद्वारे किंवा अविश्वसनीय/अज्ञात स्त्रोतांकडून डाउनलोड केलेल्या अनुप्रयोगांद्वारे वितरित केले जाते.
अँटीव्हायरस प्रोग्रामला सहजपणे चकवा
ऍडव्हायझरीमध्ये असे म्हटले आहे की, हा व्हायरस डिव्हाइसवर एकदा मालवेअर डिव्हाइसची सुरक्षा तपासणी टाळण्याचा प्रयत्न करतो आणि एकदा त्यात यशस्वी झाल्यानंतर, तो संवेदनशील डेटा चोरण्यास, मोबाइलमध्ये केलेल्या क्रिया जाणून घेण्यास आणि कॉल रेकॉर्ड जाणून घेण्याचा प्रयत्न करतो. सरकारच्या अॅडव्हायझरीमध्ये असे नमूद केले आहे की, ‘डीएएएम’ व्हायरस फोन कॉल रेकॉर्ड करणे, कॉन्टॅक्ट नंबर हॅक करणे, कॅमेरे ऍक्सेस करणे, डिव्हाइस पासवर्ड बदलणे, स्क्रीनशॉट घेणे, एसएमएस चोरणे, फाइल डाउनलोड / अपलोड करणे इत्यादी प्रकारच्या चोऱ्या करण्यास सक्षम आहे.
असुरक्षित वेबसाइट्सला भेट देणं टाळा
सरकारने असुरक्षिक वेबसाइट्सला भेट देणे आणि लिंक्सवर क्लिक करणे टाळण्याचा सल्ला दिला आहे. ‘अँटी-व्हायरस’ आणि ‘अँटी-स्पायवेअर’ सॉफ्टवेअर डाउनलोड करू नका आणि ‘संशयास्पद क्रमांक असलेल्या फोन नंबरवरून संदेश प्राप्त झाल्यास त्याला प्रतुत्यर देऊ नका, असे एजन्सीने स्पष्ट सांगितले.
तसेच सीईआरटी-इनने आपल्या सल्ल्यामध्ये म्हटले आहे की, वापरकर्त्यांना लहान यूआरएल असलेल्या वेबसाइट्सपासून सावध राहण्यास सांगितले आहे. अलर्टनुसार, ‘बीटले’ आणि ‘टायनीयूआरएल’ हायपरलिंकसारख्या यूआरएल सह सावधगिरी बाळगा. वापरकर्त्यांना ते भेट देत असलेल्या वेबसाइटचे संपूर्ण डोमेन पूर्णपणे तपासण्याचा सल्ला देण्यात आला आहे. कोणत्याही अज्ञात लिंकवर क्लिक करणे टाळा.
