बुधवार, 21 ऑक्टोबर 2026
अबुधाबी : पंतप्रधान नरेंद्र मोदींच्या हस्ते आज संयुक्त अरब अमिरातीमधील पहिल्या हिंदू मंदिराचे उद्घाटन करण्यात आले. पंतप्रधान नरेंद्र (Prime Minister Narendra Modi) आज (14 फेब्रुवारी) संयुक्त अरब अमिरातीमधील (Abu Dhabi) पहिलं हिंदू मंदिर असलेल्या अबुधाबीमध्ये बोचासनवासी अक्षर पुरुषोत्तम स्वामीनारायण संस्थेच्या Bochasanwasi Akshar Purushottam Swaminarayan Sanstha (BAPS) हिंदू मंदिराचे लोकार्पण केले. मंदिर लोकार्पणापूर्वी पंतप्रधान मोदी यांनी मंदिर परिसरात आभासी गंगा आणि यमुना नद्यांमध्ये जल अर्पण केले आणि नंतर मंदिराच्या प्रार्थना करण्यासाठी मार्गस्थ झाले.
VIDEO | PM Modi inaugurates the BAPS Hindu Mandir in Abu Dhabi. pic.twitter.com/Z0aLjT4PRz — Press Trust of India (@PTI_News) February 14, 2024
“BAPS मंदिर भारत आणि युएईसाठी सौहार्द, शांतता आणि सहिष्णुतेच्या मूल्यांसाठी एक चिरस्थायी अभिवादन असेल,” असे पंतप्रधान मोदी यांनी मध्य पूर्व देशाच्या भेटीपूर्वी दिलेल्या निवेदनात म्हटले आहे. आज BAPS हिंदू मंदिराचा अभिषेक सोहळा पार पडला.
#WATCH | Prime Minister Narendra Modi performs Aarti at the Bochasanwasi Akshar Purushottam Swaminarayan Sanstha (BAPS) Mandir in Abu Dhabi. pic.twitter.com/TfG2z9sohx — ANI (@ANI) February 14, 2024
अबू धाबीमध्ये 27 एकरच्या जागेवर गुलाबी वाळूच्या दगडातील मंदिर आहे, जे मध्य पूर्वेतील सर्वात मोठे मंदिर आहे. इस्लाम हा UAE चा अधिकृत धर्म असताना, देशात सुमारे 36 लाख भारतीय कामगार राहतात. मंदिराच्या उद्घाटन समारंभासाठी आलेल्या पाहुण्यांच्या यादीत भारतीय सरकारी अधिकारी, बॉलीवूड तारे आणि अब्जाधीश अंबानी कुटुंबातील सदस्यांचा समावेश होता. यावेळी अबुधाबीचे वरिष्ठ अधिकारीही उपस्थित होते.
VIDEO | PM Modi greeted by saints as he arrives at the main entrance of the BAPS Hindu Mandir in Abu Dhabi. #BAPSHinduMandir #PMModiInUAE pic.twitter.com/3dp6PI6Qpg — Press Trust of India (@PTI_News) February 14, 2024
अलीकडील काळात पंतप्रधान मोदींच्या हस्ते उद्घाटन होणारे हे दुसरे मोठे धार्मिक स्थळ आहे. जानेवारीमध्ये, त्यांनी अयोध्येतील भव्य राम मंदिराच्या अभिषेक समारंभाचे अध्यक्षपद भूषवले, जे 16 व्या शतकातील मशिदीच्या जागेवर बांधले गेले होते. यासाठी प्रदीर्घ न्यायालयीन लढाई झाली होती.
