Omar Abdullah Marriage: घटस्फोटानंतर तीन महिन्यांनी उमर अब्दुल्ला यांनी थाटला संसार; पत्रकार निधी राजदान यांच्याशी केला विवाह

Omar Abdullah Marriage: जम्मू-काश्मीरचे मुख्यमंत्री ओमर अब्दुल्ला यांनी पत्रकार निधी राजदान यांच्याशी विवाह केल्याची घोषणा सोशल मीडियावर केली आहे. दोघांचे फोटो शेअर करत त्यांनी नव्या प्रवासाची सुरुवात झाल्याचे म्हटले. पायल अब्दुल्ला यांच्याशी घटस्फोट झाल्यानंतर तीन महिन्यांनी ही घोषणा करण्यात आली आहे.

• जम्मू-काश्मीरचे मुख्यमंत्री ओमर अब्दुल्ला विवाहबंधनात
• पत्रकार निधी राजदान यांच्याशी केला विवाह
• निधी राजदान यांच्यासोबत लग्नाची सोशल मीडियावर घोषणा

Omar Abdullah Marriage: जम्मू-काश्मीरचे मुख्यमंत्री आणि नॅशनल कॉन्फरन्सचे नेते उमर अब्दुल्ला यांनी ज्येष्ठ पत्रकार निधी राजदान यांच्याशी विवाह केला आहे. ३१ ऑक्टोबर रोजी उमर अब्दुल्ला यांनी सोशल मीडिया प्लॅटफॉर्म ‘एक्स’वर निधी राजदान यांच्यासोबतचे काही फोटो शेअर करत आपल्या नव्या आयुष्याची घोषणा केली. ‘कालपासून एका नव्या प्रवासाची सुरुवात झाली’, असे कॅप्शन त्यांनी या फोटोंना दिले आहे. निधी राजदान यांनाही त्यांनी या पोस्टमध्ये टॅग केले. निधी राजदान यांनीही हे फोटो सोशल मीडियावर शेअर केले. त्यांच्या पोस्टलाही मोठा प्रतिसाद मिळत आहे.

पायल अब्दुल्ला यांच्याशी जुलैमध्ये झाला होता घटस्फोट

उमर अब्दुल्ला यांच्या आयुष्यातील या नव्या पर्वाची चर्चा त्यांच्या पहिल्या विवाहाच्या पार्श्वभूमीवरही होत आहे. ओमर अब्दुल्ला आणि पायल अब्दुल्ला यांचा विवाह १९९४ मध्ये झाला होता. या दाम्पत्याला जाहिर आणि जमीर अशी दोन मुले आहेत. दोघेही अनेक वर्षांपासून वेगळे राहत होते.

La Nina Effect: आता हे काय नवीन! तुफान पाऊस, वादळी वाऱ्यांची शक्यता; एल निनोनंतर ला निनाचे संकट

या विवाहसंबंधातील वाद सर्वोच्च न्यायालयात पोहोचला होता. ३१ जुलै २०२६ रोजी सर्वोच्च न्यायालयाने भारतीय संविधानाच्या अनुच्छेद १४२ अंतर्गत विशेष अधिकारांचा वापर करून ओमर अब्दुल्ला आणि पायल अब्दुल्ला यांचा विवाह परस्पर संमतीने संपुष्टात आणला. दोन्ही बाजूंनी आपापसातील मतभेद मिटवून प्रलंबित खटले मागे घेण्यास सहमती दर्शवली होती.

A new journey began yesterday 💍@Nidhi https://t.co/BXbdLq2d1H — Omar Abdullah (@OmarAbdullah) October 31, 2026

पत्रकारितेतील ओळख असलेल्या निधी राजदान यांच्यासोबत नवा प्रवास

निधी राजदान या देशातील परिचित पत्रकार आणि वृत्तनिवेदिका आहेत. त्यांनी अनेक वर्षे एनडीटीव्हीमध्ये काम केले असून राष्ट्रीय राजकारण आणि चालू घडामोडींवरील वृत्तांकनासाठी त्या ओळखल्या जातात. आता ओमर अब्दुल्ला यांच्यासोबतच्या विवाहामुळे त्या पुन्हा एकदा चर्चेत आल्या आहेत. मर अब्दुल्ला यांनी सोशल मीडियावर फोटो शेअर केल्यानंतर त्यांचे समर्थक, राजकीय नेते आणि चाहत्यांकडून शुभेच्छांचा वर्षाव होत आहे. त्यांच्या आयुष्यातील या नव्या सुरुवातीची सध्या राजकीय आणि माध्यमविश्वात चर्चा रंगली आहे.

AAP Candidate List: AAP चा निवडणुकीसाठी मोठा निर्णय! पहिल्या उमेदवार यादीत कोणाला संधी? 40 उमेदवारांची यादी जाहीर