मिळालेल्या माहितीनुसार, ही ट्रेन पंजाबहून बिहारकडे जात होती आणि पतियाळा येथे तिचा अपघात झाला. धुराचे लोट वेगाने पसरले आणि प्रवासी घाबरून खाली उतरू लागले. आगीचे अनेक भयानक व्हिडिओ सोशल मीडियावर समोर आले आहेत.
दिवाळीसाठी ट्रेन खचाखच भरलेल्या असतानाच हा अपघात घडला. कर्मभूमी एक्सप्रेसला लागलेल्या आगीमुळे प्रवाशांमध्ये चिंतेचे वातावरण आहे. मात्र, कोणतीही जीवितहानी झालेली नाही. सर्व प्रवासी वेळेवर खाली उतरले.
प्राथमिक माहितीनुसार, ही घटना सराई वंजारा गावाजवळ घडली. घटनास्थळावरून भीषण व्हिडिओ समोर आले आहेत, ज्यात सर्व बाजूंनी धुराचे लोट दिसत आहेत. प्रवासी घाबरले असून, ते भीतीने ट्रेनच्या बाहेर उभे आहेत.
धावत्या ट्रेनला लागलेल्या आगीमुळे प्रवाशांमध्ये घबराट पसरली. सुरुवातीला, अनेक प्रवासी आगीत सापडल्याचे वृत्त होते. आगीचे कारण आणि झालेल्या नुकसानीची सविस्तर माहिती अद्याप समोर आलेली नाही सणासुदीच्या दिवसांमुळे सध्या ट्रेनमध्ये प्रचंड गर्दी आहे, त्यामुळे अशा घटनेमुळे चिंता व्यक्त केली जात आहे.
पटियालाचे डीसी हिमांशू अग्रवाल यांनी कर्मभूमी एक्सप्रेसला लागलेल्या आगीबद्दल माध्यमांशी संवाद साधला. त्यांनी सांगितले की, आग पॅन्ट्रीमध्ये लागली. मात्र, कोणतीही जीवितहानी झालेली नाही.ट्रेनच्या काही डब्यांना आग लागल्याची माहिती मिळाली आहे. आग पॅन्ट्रीमध्ये सुरू झाली आणि इतर डब्यांमध्ये पसरली. फायर अलार्म वाजल्यानंतर सर्व प्रवाशांना सतर्क करण्यात आले आणि त्यांना ट्रेनमधून बाहेर काढण्यात आले. आतापर्यंत कोणतीही जीवितहानी झाल्याचे वृत्त नाही.
.png "Videos"){kind=small}
