Maharashtra Breaking News Today 02.11.2026
02 Nov 2026 11:40 AM (IST)
सांगली जिल्ह्यातील ईश्वरपूर शहरातून एक अत्यंत खळबळजनक आणि हत्येची भीषण घटना समोर आली आहे. कपड्याच्या दुकानात झालेला वाद आणि पूर्वी लग्न मोडल्याच्या कारणावरून झालेल्या वादातून दोघा नराधमांनी धारदार शस्त्रांनी वार करून ३१ वर्षीय तरुणाचा निर्घृण खून केला आहे. रविवारी (ता. १) रात्री पावणेबारा वाजण्याच्या सुमारास कामेरी नाका परिसरात हा थरारक प्रकार घडला असून, या घटनेमुळे ईश्वरपूरसह आंबेडकरनगर परिसरात एकच तणाव व खळबळ उडाली आहे.
02 Nov 2026 11:35 AM (IST)
सरकारी बँकेत नोकरी करण्याचे स्वप्न पाहणाऱ्या तरुणांसाठी बँक ऑफ बड़ौदाने (Bank of Baroda) नवीन भरती जाहीर केली आहे. बँकिंग क्षेत्रात करिअर करण्याची इच्छा असणाऱ्या उमेदवारांसाठी ही एक उत्तम संधी ठरू शकते. मात्र, ही भरती सामान्य लिपिक किंवा प्रोबेशनरी ऑफिसर (PO) पदांसाठी नसून, बँकेच्या आयटी (IT) विभागातील वरिष्ठ पदे भरण्यासाठी आहे.
02 Nov 2026 11:25 AM (IST)
बारामती शहरासह जिरायती पट्ट्यात आणि इंदापूर तालुक्याच्या बहुतांश भागात सोमवारी पहाटेपासून मुसळधार पावसाने अक्षरशः झोडपून काढले. बारामती शहरात सकाळी सात पर्यंत १५८ मिलिमीटर पावसाची नोंद झाली होती. त्यानंतरही सकाळी सव्वादहापर्यंत पावसाचा जोर कायम असल्याने एकूण पावसाची नोंद १७० मिलिमीटरच्या पुढे गेली असण्याची शक्यता व्यक्त होत आहे.
02 Nov 2026 11:15 AM (IST)
मध्य पूर्वेतील (Middle East) देशांमध्ये सुरू असलेल्या तीव्र तणावाचा थेट परिणाम आता जागतिक व्यापारी जहाजांवर आणि सागरी वाहतुकीवर होऊ लागला आहे. विशेषतः सामरिकदृष्ट्या अत्यंत संवेदनशील मानल्या जाणाऱ्या ‘होर्मुझच्या सामुद्रधुनी’ (Strait of Hormuz) मध्ये टँकर्सना लक्ष्य करण्याच्या घटनांमध्ये वाढ झाली आहे. मिळालेल्या ताज्या माहितीनुसार, इराणच्या इस्लामिक रिव्होल्यूशनरी गार्ड कॉर्प्स (IRGC) नेव्हीने दावा केला आहे की, एका सुपरटँकरसह दोन मोठे तेल टँकर प्रतिबंधित व अनधिकृत मार्गातून जात असताना नौदल सुरुंगांवर (Naval Mines) आदळले, ज्यामुळे त्यात शक्तिशाली स्फोट झाले.
02 Nov 2026 11:12 AM (IST)
जर्नलिस्ट्सविरोधातील गुन्ह्यांसाठी निर्बंध समाप्त करण्याच्या आंतरराष्ट्रीय दिनानिमित्त, प्रत्येक वर्षी 2 नोव्हेंबरला जगभरात जागरूकता वाढवली जाते. पत्रकारिता हा लोकशाहीचा मूलभूत आधार आहे, परंतु अनेक देशांमध्ये पत्रकारांना हिंसक हल्ले, धमक्या आणि हत्या यांचा सामना करावा लागतो. या समस्येचा सामना करण्यासाठी जागतिक स्तरावर एकत्र येणे आवश्यक आहे.
02 Nov 2026 10:55 AM (IST)
विज्ञान जगतातून एक अत्यंत मोठी आणि खळबळजनक बातमी समोर येत आहे. सहारा वाळवंटातील माली देशात संशोधकांना तब्बल ४.१ अब्ज वर्षे जुना मंगळाचा एक उल्कापिंड सापडला आहे. पृथ्वीवर आतापर्यंत सापडलेल्या मंगळाच्या (Mars) तुकड्यांमध्ये हा सर्वात जुना आणि महत्त्वाचा मानला जात आहे. विशेष म्हणजे, या उल्कापिंडाच्या कसून अभ्यास केल्यानंतर शास्त्रज्ञांना मंगळाच्या पृष्ठभागाखाली अब्जावधी वर्षांपूर्वी पाणी अस्तित्वात असल्याचा भक्कम पुरावा हाती लागला आहे. या नव्या संशोधनामुळे मंगळावर कधीतरी जीवसृष्टी किंवा अनुकूल परिस्थिती होती का, याविषयीच्या चर्चेला पुन्हा उधाण आले आहे.
02 Nov 2026 10:45 AM (IST)
बॉलिवूडचा किंग खान अर्थात अभिनेता शाहरुख खान आज, २ नोव्हेंबर रोजी आपला ६१ वा वाढदिवस साजरा करत आहे. शाहरुखचा वाढदिवस हा त्याच्या चाहत्यांसाठी एखाद्या उत्सवापेक्षा कमी नसतो. दरवर्षी देशभरातून चाहते मुंबईतील वांद्रे येथील बॅण्डस्टॅण्ड परिसरातील त्याच्या ‘मन्नत’ या निवासस्थानाबाहेर मोठ्या संख्येने गर्दी करतात. यंदाही शाहरुखच्या वाढदिवसानिमित्त ‘मन्नत’बाहेर जय्यत तयारी सुरू आहे. विशेष म्हणजे, यावेळी त्याच्या घराबाहेर लावण्यात आलेल्या एका मोठ्या स्क्रीनने चाहत्यांचे लक्ष वेधून घेतले आहे.
02 Nov 2026 10:35 AM (IST)
तुम्हाला देखील वारंवार रिचार्ज करायला कंटाळा येतो का? दर महिना रिचार्जची तारीख लक्षात ठेवणं फार कंटाळवाणं काम आहे. खरं तर प्रत्येक स्मार्टफोन यूजरला या समस्येचा सामना करावा लागतो. पण आता तुम्ही वर्षभराची व्हॅलिडिटी असलेला रिचार्ज प्लॅन खरेदी करून तुमची हि समस्या सोडवू शकता. असाच एक प्लॅन सरकारी टेलीकॉम कंपनी भारत संचार निगम लिमिटेड (BSNL) देखील त्यांच्या यूजर्ससाठी घेऊन आली आहे. कंपनीच्या या प्लॅनमध्ये यूजर्सना संपूर्ण वर्षभराची म्हणजेच 365 दिवसांची व्हॅलिडिटी ऑफर केली जाते. ज्यामुळे यूजर्सना दरमहिना रिचार्जची तारीख लक्षात ठेवण्याची गरज नसते.
02 Nov 2026 10:25 AM (IST)
अमेरिकेच्या राजकारणात (US News) आणि सुरक्षेत सध्या एक अत्यंत खळबळजनक घटना समोर आली आहे. अमेरिकेच्या सिक्रेट सर्व्हिसने राष्ट्राध्यक्ष डोनाल्ड ट्रम्प यांच्या फ्लोरिडातील प्रसिद्ध ‘मार-ए-लागो’ (Mar-a-Lago) निवासस्थानाजवळ तातडीने हवाई संरक्षण प्रणाली तैनात केली. ही सुरक्षा यंत्रणा बसवल्यानंतर अवघ्या काही तासांच्या आत, या ठिकाणापासून केवळ १४ किलोमीटर अंतरावर एक व्यावसायिक जेट विमान कोसळले. या भीषण दुर्घटनेत विमानातील सर्व ९ प्रवाशांचा व कर्मचाऱ्यांचा मृत्यू झाल्याची पुष्टी प्रशासनाकडून करण्यात आली आहे. या दुहेरी घटनांमुळे संपूर्ण अमेरिकेत मोठी खळबळ उडाली आहे.
02 Nov 2026 10:15 AM (IST)
अमेरिकेचे राष्ट्राध्यक्ष डोनाल्ड ट्रम्प गेल्या काही दिवसांपासून काही देशांवर मोठा टॅरिफ लावण्याच्या तयारीत आहेत. भारतासह चीनवरही अमेरिकेकडून टॅरिफ आकारला जाणार आहे. आगामी निवडणुकांच्या पार्श्वभूमीवर ट्रम्प प्रशासनाने काँग्रेसची मंजुरी न घेता व्यापारासह विविध मुद्द्यांवर कार्यकारी आदेश काढण्याची रणनीती आखली आहे. या घडामोडींमुळे भारतासह इतर देशांचे टेन्शन चांगलेच वाढले आहे.
02 Nov 2026 10:05 AM (IST)
मुंबईहून कोल्हापूरच्या दिशेने निघालेल्या महालक्ष्मी एक्स्प्रेसवर रविवारी मध्यरात्री दरोड्याची धक्कादायक घटना घडली आहे. प्रवासी गाढ झोपेत असताना चोरट्यांनी डाव साधत ऐवज लंपास केला. सातारा जिल्हा हद्दीत घडलेल्या या दरोड्याच्या घटनेने रेल्वे प्रवाशांच्या सुरक्षेचा प्रश्न पुन्हा एकदा ऐरणीवर आला आहे.
02 Nov 2026 09:55 AM (IST)
न्यूझीलंडचा संघ ४ नोव्हेंबरपासून भारताविरुद्ध तीन सामन्यांची एकदिवसीय मालिका खेळणार आहे. मात्र, या मालिकेपूर्वीच न्यूझीलंडला मोठा फटका बसला आहे. संघातील दोन महत्त्वाचे खेळाडू—स्टार अष्टपैलू रचिन रवींद्र आणि मधल्या फळीतील फलंदाज मार्क चॅपमन—दुखापतीमुळे या मालिकेतून बाहेर झाले आहेत. विशेष म्हणजे, दुखापतीमुळे हे दोन्ही खेळाडू भारताविरुद्धची पाच सामन्यांची टी-२० मालिकाही खेळू शकले नव्हते.
02 Nov 2026 09:45 AM (IST)
कोल्हापूर जिल्हा सहकारी दूध उत्पादक संघाच्या (गोकुळ) अध्यक्षपदाच्या निवडीवरून राजकीय वातावरण तापले आहे. नुकत्याच पार पडलेल्या पंचवार्षिक निवडणुकीत आमदार सतेज पाटील यांच्या नेतृत्वाखालील राजर्षी शाहू शेतकरी समविचारी आघाडीने १३ जागा जिंकून बहुमत मिळवले, तर महायुतीच्या आघाडीला १२ जागा मिळाल्या.
अध्यक्ष निवडीसाठी नियमानुसार १४ संचालकांच्या उपस्थितीचा कोरम आवश्यक असल्याने, महायुतीच्या १२ संचालकांनी सभेला अनुपस्थित राहून रणनीती आखली. यामुळे ही निवड लांबणीवर पडली आहे. याच वातावरणात समोर आलेल्या नवीन 'लेटर बॉम्ब'मुळे आणि घडामोडींमुळे राजकीय वर्तुळात तर्कवितर्कांना उधाण आले आहे.
02 Nov 2026 09:35 AM (IST)
दिवाळीनिमित्त घराची साफसफाई करण्यासाठी ऑनलाईन होम क्लिनिंग सर्व्हिस बुक करणे मुंबईतील एका महिलेला चांगलेच महागात पडले आहे. घरात स्वच्छता करण्यासाठी आलेल्या कर्मचाऱ्यांनीच सोन्या-चांदीच्या मौल्यवान दागिन्यांवर डल्ला मारल्याची धक्कादायक घटना समोर आली आहे. काम पूर्ण करून कर्मचारी निघून गेल्यानंतर घरातील दागिने गायब असल्याचे कुटुंबीयांच्या निदर्शनास आले. या घटनेमुळे परिसरात खळबळ उडाली होती; मात्र मालाड पोलिसांनी वेगाने तपास चक्र फिरवत या चोरीचा छडा लावून तीन कर्मचाऱ्यांना बेड्या ठोकल्या आहेत.
Maharashtra to World Breaking News :
भारताच्या पहिल्या बुलेट ट्रेनची झलक समोर आली असून रेल्वेमंत्र्यांनी कामाचा आढावा घेत पाहणी केली. केंद्र सरकारने कापूस आयातीवरील सीमाशुल्क सवलत ३१ डिसेंबरपर्यंत वाढवल्यामुळे बाजारात परदेशी कापसाची आवक वाढण्याची शक्यता वर्तवली जात आहे. यामुळे खुल्या बाजारात कापसाचे दर घसरले असून (यवतमाळच्या आर्णी बाजारात भाव ९,१०० रुपये प्रति क्विंटलवर आले आहेत), शेतकरी चिंतेत आहेत.सातारा जिल्हा मध्यवर्ती सहकारी बँक निवडणुकीच्या पार्श्वभूमीवर राजकीय घडामोडींना वेग आला असून, सहलीवर गेलेले मतदार थेट मतदान केंद्रांवर दाखल होत आहेत. या निवडणुकीत महायुतीच्या नेत्यांची प्रतिष्ठा पणाला लागली आहे.
राज्यात काही भागांत हवामान विभागाने पावसाची शक्यता वर्तवली असून, पुण्यात आणि लगतच्या जिल्ह्यांमध्ये ढगाळ वातावरण व पावसाच्या सरींवर लक्ष ठेवले जात आहे.बँकेच्या प्रस्तावित खाजगीकरणाविरोधात युनायटेड फोरम ऑफ आयडीबीआय ऑफिसर अँड एम्प्लॉइजच्या वतीने २ आणि ३ नोव्हेंबर रोजी देशव्यापी दोन दिवसांच्या लाक्षणिक उपोषण/आंदोलनाची हाक देण्यात आली आहे.ज्येष्ठ विधिज्ञांद्वारे न्यायालयात तोंडी उल्लेख (Oral Mentioning) करण्यासंदर्भातील सुप्रिम कोर्टाचे नवीन परिपत्रक आजपासून लागू झाले आहे, ज्यामध्ये तरुण व कनिष्ठ वकिलांना प्राधान्य देण्यास प्रोत्साहन देण्यात आले आहे.
.png "Videos"){kind=small}
