बुधवार, 11 नोव्हेंबर 2026
Kulgam Terror Attack : कुलगाम पुन्हा हादरलं, दिवाळीच्या तोंडावर दहशतवाद्यांचा जवानांवर गोळीबार; तिघे जखमी, एकाची प्रकृती गंभीर, सौजन्य : आयएएनएस
जम्मू-काश्मीरमधील कुलगाम (Kulgam Terror Attack) जिल्ह्यात बुधवारी दुपारी दहशतवाद्यांनी केंद्रीय राखीव पोलीस दलाच्या (CRPF) नाक्यावर हल्ला केला. दुचाकीवरून आलेल्या अज्ञात हल्लेखोरांनी सुरक्षा जवानांवर अंदाधुंद गोळीबार केला आणि त्यानंतर घटनास्थळावरून पळ काढला. या हल्ल्यात सीआरपीएफचे तीन जवान जखमी झाले असून, त्यापैकी एका जवानाची प्रकृती गंभीर आहे.
जखमी जवानांना उपचारासाठी अनंतनाग येथील शासकीय वैद्यकीय महाविद्यालयाच्या (जीएमसी) रुग्णालयात दाखल करण्यात आले आहे.
सीआरपीएफच्या माहितीनुसार, बुधवारी दुपारी सुमारे २ वाजून १५ मिनिटांनी कुलगाम जिल्ह्यातील एका नाक्यावर तैनात असलेल्या जवानांवर दुचाकीवरून आलेल्या अज्ञात हल्लेखोरांनी गोळीबार सुरू केला. हा हल्ला अचानक झाल्याने जवानांना सावरण्याची संधी मिळाली नाही. गोळीबार केल्यानंतर हल्लेखोर घटनास्थळावरून पसार झाले.
घटनेची माहिती मिळताच सुरक्षा दलांनी परिसराची नाकेबंदी करून हल्लेखोरांच्या शोधासाठी व्यापक शोधमोहीम सुरू केली. या हल्ल्यात जखमी झालेल्या जवानांची नावे कॉन्स्टेबल राकेश दास, कॉन्स्टेबल संतोष चंद्रू आणि हेड कॉन्स्टेबल सोमवीर सिंह अशी आहेत.
राकेश दास हे आसामचे रहिवासी असून त्यांच्या पायाला गोळी लागली आहे. त्यांची प्रकृती स्थिर असल्याचे सांगण्यात आले. संतोष चंद्रू हे पश्चिम बंगालचे रहिवासी आहेत. त्यांच्या पोटात आणि मणक्याजवळ गोळ्या लागल्या आहेत. त्यांना तातडीने शस्त्रक्रियेसाठी नेण्यात आले असून त्यांची प्रकृती गंभीर आहे.
Weather Update: ‘तो’ पुन्हा येणार! बंगालच्या खाडीत पुन्हा वादळाचे संकट, 13 नोव्हेंबरला बदलणार हवामान
तिसरे जवान सोमवीर सिंह हे मध्य प्रदेशचे रहिवासी असून त्यांच्या डाव्या हाताला गोळी लागली आहे. त्यांची प्रकृतीही स्थिर असल्याची माहिती अधिकृत सूत्रांनी दिली.
दरम्यान, सुरुवातीला या हल्ल्यात दोन जवान जखमी झाल्याची माहिती समोर आली होती. मात्र, त्यानंतर अधिकृत सूत्रांनी तीन जवान जखमी झाल्याची पुष्टी केली.
या हल्ल्यानंतर जम्मू-काश्मीर आम आदमी पक्षाचे अध्यक्ष आणि डोडा मतदारसंघाचे आमदार मेहराज मलिक यांनी सुरक्षा व्यवस्थेवर प्रश्नचिन्ह उपस्थित केले. त्यांनी सोशल मीडिया प्लॅटफॉर्म ‘एक्स’वर प्रतिक्रिया देताना कुलगाममधील दिवसाढवळ्या झालेला दहशतवादी हल्ला हा जमिनीवरील सुरक्षा आणि गुप्तचर यंत्रणेच्या अपयशाचा स्पष्ट संकेत असल्याचे म्हटले.
तसेच जखमी जवान लवकर बरे व्हावेत, अशी सदिच्छाही त्यांनी व्यक्त केली. दरम्यान, हल्लेखोरांचा शोध घेण्यासाठी पोलीस आणि सुरक्षा दलांनी संपूर्ण परिसरात शोधमोहीम तीव्र केली आहे. हल्लेखोर कोण होते, ते कोणत्या दिशेने पसार झाले आणि हल्ल्यामागील नेमका उद्देश काय होता, याचा तपास सुरू आहे.
Ans: जम्मू-काश्मीरमधील कुलगाम जिल्ह्यात बुधवारी 11 नोव्हेंबर रोजी दुपारी सुमारे 2.15 वाजता हा हल्ला झाला.
Ans: या हल्ल्यात सीआरपीएफचे तीन जवान जखमी झाले आहेत.
Ans: हल्ल्यानंतर परिसराची नाकेबंदी करून पोलीस आणि सुरक्षा दलांनी हल्लेखोरांच्या शोधासाठी व्यापक शोधमोहीम सुरू केली आहे.
