कुणी मेलं आहे का? मजूरांना उडवल्यानंतर आलिशान लॅम्बोर्गिनी चालकाचा माज, Video आला समोर

Lamborghini Car Accident in Noida : नोएडा सेक्टर 94 मध्ये भरधाव लॅम्बोर्गिनी आलिशान गाडीने बांधकाम मजुरांना धडक दिली. यामध्ये दोन मजूर गंभीर जखमी झाले आहेत.

नोएडा : पादचारी जाणाऱ्या लोकांच्या जीवाला काही मोल आहे का नाही असा प्रश्न निर्माण झाला आहे. आलिशान गाड्यांमधून फिरणाऱ्या लोकांनी याबाबत विचार करण्यासारखी परिस्थिती निर्माण झाली आहे. सध्या सोशल मीडिया नोएडामधील एका मुजोर चालकाचा व्हिडिओ व्हायरल होत आहे. यामध्ये नोएडा सेक्टर 94 मध्ये भरधाव लॅम्बोर्गिनी आलिशान गाडीने मजुरांना धडक दिली. यामध्ये दोन मजूर गंभीर जखमी झाले आहेत. मात्र कोणी मेलंय का असे म्हणत चालकाने त्याची गुर्मी दाखवून दिली आहे.

लॅम्बोर्गिनी कारने बांधकाम कामगारांना उडवलं

पोलिसांनी दिलेल्या माहितीनुसार, नोएडा सेक्टर 94 मध्ये हा अपघात झाला. रविवारी संध्याकाळी भरधाव जाणाऱ्या एका लाल रंगाच्या लॅम्बोर्गिनी कारने बांधकाम कामगारांना उडवले. अपघात झालेल्या रस्त्याला लागूनच असणाऱ्या एका इमारतीसाठी हे मजूर काम करत होते. यामध्ये दोन मजूर गंभीर जखमी झाले आहेत. अपघातात जखमी झालेल्या एका कामगाराने सांगितले की, लक्झरी गाडी जास्त वेगाने जात होती.

राजकीय बातम्या वाचण्यासाठी क्लिक करा

छत्तीसगडमधील दोन कामगार या अपघातात जखमी झाले आहेत आणि त्यांना जवळच्या रुग्णालयात दाखल करण्यात आले आहे आणि त्यांची प्रकृती धोक्याबाहेर असल्याचे सांगण्यात आले आहे. त्यांच्या पायांना फ्रॅक्चर झाले आहे, असे पोलिसांनी सांगितले. मात्र सध्या सोशल मीडियावर त्या गाडी चालवणाऱ्या व्यक्तीचा व्हिडिओ व्हायरल होत आहे. यामध्ये चालक कोणी मेलं तर नाही ना, असे गुर्मीमध्ये म्हणत आहे. यामुळे आलिशान गाडीचालकाची असंवेदनशीलता दिसून येत आहे. नेटकऱ्यांनी देखील यावर तीव्र शब्दांत नाराजी व्यक्त केली आहे.

नोएडामधील अपघाताचा व्हिडिओ व्हायरल

अपघातानंतर तिथे जमलेल्या लोकांच्या गर्दीने या अपघाताचे फोटो आणि व्हिडिओ शूट केले आहेत. सोशल मीडियावर याचे अनेक व्हिडिओ सध्या व्हायरल होत आहे. सोशल मीडियावर व्हायरल झालेल्या या व्हिडिओमध्ये मजूर कारचा दरवाजा उघडून आत बसलेल्या चालकाला जाब विचारत आहेत. “क्या भाई, स्टंट ज्यादा सीख लिये हो? “तुमको पता हे यहाँ कितने लोग मर गए?” असाही प्रश्न एका मजुरानं विचारला. कारचा चालक “इथे कुणी मेलंय का?” असा उलट प्रश्न करताना दिसत आहे. तसेच मी तर हळूच एक्सलरेटर दाबला होता, असे देखील चालक म्हणाला, या अपघाताचा व्हिडिओ सध्या सोशल मीडियावर तुफान व्हायरल होत आहे.

See more

Accident today evening in Noida’s Sector 94: Lamborghini crashes & runs over 3 people at 140 kmph speed. Driver asks “Koi Mar Gaya Kya?”
These rich people know that they wil come out easily with Money Power & by writing an Essay.
Shameless People.#Accident #NoidaAccident #Noida pic.twitter.com/zcvkyDVTUi

— Prof Shrinath Rao K 🇮🇳 (@ProfSRK) March 30, 2025

महाराष्ट्रसंबंधित बातम्या वाचण्यासाठी क्लिक करा

पोलिसांनी या चालकाला ताब्यात घेतलं आहे.  दीपक असे या चालकाचे नाव आहे. तो अजमेरचा रहिवासी आहे. अपघातात जखमी झालेल्या एका मजुराचा मुलगा गंगाराम याच्या तक्रारीवरून दीपकविरोधात न्यायसंहितेच्या कलम २८१ (बेदरकारपणे वाहन चालवणे) व कलमन १२५ब (मानवी जीविताला धोका) या कलमांखाली गुन्हा दाखल करण्यात आला आहे.