माफिया ब्रिजेश सिंह, 41 केसेस पण एकाही प्रकरणात दोषी नाही; तुरुंगात असताना आमदारही झाला; आज ‘मोस्ट वाँटेड’ यादीत

देशात गुन्हेगारीच्या घटनांमध्ये वाढ होत आहे. त्यात आता अनेक गुन्हेगारांची नावे समोर येत आहेत. आता ब्रिजेश सिंह (Brijesh Singh) या माफियाचे नाव पुढे आले आहे. ब्रिजेश सिंह याच्यावर 41 गुन्हे दाखल आहेत. मात्र, ब्रिजेश हा एकाही प्रकरणात दोषी आढळलेला नाही.

नवी दिल्ली : देशात गुन्हेगारीच्या घटनांमध्ये वाढ होत आहे. त्यात आता अनेक कुख्यात गुन्हेगारांची नावे समोर येत आहेत. आता ब्रिजेश सिंह (Brijesh Singh) या माफियाचे नाव पुढे आले आहे. ब्रिजेश सिंह याच्यावर 41 गुन्हे दाखल आहेत. मात्र, ब्रिजेश हा एकाही प्रकरणात दोषी आढळलेला नाही. सध्या ब्रिजेश सिंह याचा ‘मोस्ट वाँटेड’ गुन्हेगारांच्या (Most Wanted Criminals) यादीत समावेश आहे.

ब्रिजेश सिंह याचे नाव उत्तर प्रदेशच्या टॉप 25 मोस्ट वाँटेड गुन्हेगारांच्या यादीत समाविष्ट आहे. त्याच्यावर 41 प्रकरणे आहेत. 15 प्रकरणात त्याची निर्दोष मुक्तता करण्यात आली आहे. उर्वरित 26 प्रकरणे न्यायालयात आहेत. अनेक प्रकरणांमध्ये आजपर्यंत खटला सुरू होऊ शकला नाही. आतापर्यंत एकाही प्रकरणात तो दोषी आढळलेला नाही.

ब्रिजेशचे नाव ऐकून थरथर कापतात लोक

ब्रिजेशच्या कहाणी अत्यंत भीतीदायक अशी आहे. ब्रिजेशचे नाव ऐकून लोक अक्षरश: थरथर कापतात. त्याने गुन्हेगारी क्षेत्रात त्याचं नाव मोठं आहे. ब्रिजेशचं खरं नाव अरुण सिंह असे आहे.

ब्रिजेश सिंग छोटा राजनपर्यंत पोहोचला

ब्रिजेशने गुन्हेगारी विश्वात अल्पावधीतच मोठं नाव केलं. 1992 मध्ये ब्रिजेशने गुजरातमध्ये रघुनाथ यादव नावाच्या व्यक्तीवर गोळ्या झाडल्या. उपनिरीक्षक झाला यांनी त्याला पकडण्याचा प्रयत्न केला असता त्यांनाही गोळी लागली. झाला यांच्यावर गोळ्या झाडणाराही ब्रिजेशच असल्याचे पोलिसांचे म्हणणे आहे. नंतर तो छोटा राजनपर्यंत पोहोचला.

तुरुंगातून निवडणूक लढवून आमदार

ब्रिजेशने 2012 मध्ये चंदौलीच्या सय्यदराजा मतदारसंघातून विधानसभा निवडणूकही लढवली होती. परंतु, मनोज सिंग डब्ल्यू यांच्याकडून पराभव पत्करावा लागला. त्यानंतर 2016 मध्ये ब्रिजेशने शाहजहांपूर जेलमध्ये असताना स्वतंत्र वाराणसी मतदारसंघातून एमएलसीची निवडणूक लढवली आणि जिंकली.