पंतप्रधान नरेंद्र मोदी (pm narendra modi ) शनिवारी अयोध्येच्या विकासाला नवी उड्डाणे देणार आहेत. पंतप्रधानांच्या हस्ते येथील महर्षि वाल्मिकी आंतरराष्ट्रीय विमानतळ (Maharishi Valmiki International Airport) आणि 15,700 कोटी रुपयांच्या प्रकल्पांचं उद्घाटन होणार आहे. पुनर्विकसित अयोध्या धाम जंक्शन रेल्वे स्थानक राष्ट्राला समर्पित करण्यासोबतच ते देशातील विविध स्थानकांवरून चालणाऱ्या 6 वंदे भारत आणि 2 अमृत भारत ट्रेनला हिरवा झेंडा दाखवतील.
[read_also content=”कॅनडातील आणखी एका खलिस्तानीला गृह मंत्रालयाने दहशतवादी घोषित केलं, कोण आहे हा लखबीर सिंग लांडा? https://www.navarashtra.com/india/whio-is-khalistani-lakhbir-singh-landa-canada-declared-as-terrorist-nrps-493409.html”]
पंतप्रधान पुनर्विकसित अयोध्या धाम जंक्शन रेल्वे स्टेशनचंही उद्घाटन करणार आहेत. तसेच श्री माता वैष्णो देवी कटरा-नवी दिल्ली, अमृतसर-नवी दिल्ली, कोईम्बतूर-बंगळुरू, मंगळुरू-मडगाव, जालना-मुंबई आणि अयोध्या-आनंद विहार टर्मिनल तसेच अयोध्या-दरभंगा आणि मालदा टाउन दरम्यान 6 वंदे भारत एक्सप्रेस गाड्या बेंगळुरू दरम्यान 2 अमृत भारत ट्रेनला हिरवी झेंडी दाखवणार आहे. NH-27 च्या लखनौ-अयोध्या विभागाचे किमी 8.000 ते किमी 121.600 EPC मोडमध्ये रुंदीकरण, NH-27 वरील अयोध्या बायपासचे किमी 121.600 ते 144.0200 किमी रुंदीकरण या कामाची पायभरणीही करणार आहे.
दरम्यान, एअर इंडिया एक्स्प्रेसने सांगितले की ते 17 जानेवारीपासून अयोध्या ते बेंगळुरू आणि कोलकाता यांना जोडणारी थेट उड्डाणे सुरू करणार आहेत. या महिन्याच्या सुरुवातीला, एअरलाइनने अयोध्या आणि दिल्ली दरम्यान थेट उड्डाणाची घोषणा केली होती.
.png "Videos"){kind=small}
