नवी दिल्ली – गुजरातमधील सुरतमध्ये गुन्हे शाखेला मोठे यश मिळाले आहे. गुजरात क्राइम ब्रँचने सुरतच्या पांडेसरा भागात असलेल्या फ्लॅटमधून मोठ्या प्रमाणात एमडी ड्रग्ज जप्त केले आहे. गुन्हे शाखेने एका २४ वर्षीय व्यक्तीलाही अटक केली आहे, ज्याच्या फ्लॅटमधून गुन्हे शाखेच्या पथकाने १.८० कोटी रुपयांचे १.७९६ किलो एमडी ड्रग्ज जप्त केले आहे.
गुजरात क्राईम ब्रँचला सुरतच्या पांडेसरा भागात एमडी ड्रग्ज ठेवण्यात आल्याची गुप्त माहिती मिळाली होती. या छाप्यात १.७९७ किलो अमली पदार्थांसह एकाला अटक करण्यात आली असून ड्रग्सचा बाजारभाव १.८० कोटी रुपये आहे. सुरतचे सीपी अजय कुमार तोमर यांनी माहिती देताना सांगितले की, त्याच्याकडून ३ लाख रुपयांची रोकडही मिळाली आहे.
आरोपी तरुणाविरुद्ध अंमली पदार्थ आणि सायकोट्रॉपिक सबस्टन्स (एनडीपीएस) कायद्यांतर्गत गुन्हा दाखल करण्यात आला असून पुढील तपास सुरू आहे. विशेष म्हणजे सुरत पोलिसांना एक दिवसापूर्वीच मोठे यश मिळाले होते. सुरत पोलिसांनी दोन तरुणांना सुमारे १ किलो सोन्याची बिस्किटे आणि ६८ लाखांहून अधिक रोख रकमेसह पकडले होते.
.png "Videos"){kind=small}
