Early Throat Cancer: ६८ वर्षीय रुग्णाला दुर्मिळ कर्करोगाचे निदान; आधुनिक शस्त्रक्रियेतून मिळाला दिलासा

Early Throat Cancer: हरियाणातील एका ६८ वर्षीय व्यक्तीला घशात सतत अस्वस्थता जाणवल्यानंतर तपासणीत घशाच्या खालच्या भागातील म्हणजेच हायपोफॅरिंक्समधील कर्करोगाचे सुरुवातीच्या टप्प्यात निदान झाले. या रुग्णासाठी रेडिएशन थेरपी किंवा केमोथेरपीसोबतच्या उपचारांऐवजी ट्रान्सओरल लेझर मायक्रोसर्जरी हा पर्याय

• कर्करोगाचे निदान
• पर्यायी उपचार
• शस्त्रक्रियेची पद्धत

हरियाणातील एका ६८ वर्षीय व्यक्तीला घशात सतत अस्वस्थता जाणवू लागली, तेव्हा या त्रासाचे निदान कर्करोग म्हणून होईल, अशी त्यांना कदाचित कल्पनाही नव्हती. तपासण्यांमध्ये घशाच्या खालच्या भागातील (हायपोफॅरिंक्स) कर्करोगाचे सुरुवातीच्या टप्प्यातील निदान झाले. हा घशाचा तो भाग आहे, जो स्वरयंत्राच्या (लॅरिंक्स) मागे असतो. जगातील अनेक भागांच्या तुलनेत भारतात हायपोफॅरिंजियल कर्करोगाचे प्रमाण तुलनेने अधिक आहे. तंबाखू आणि मद्यसेवन हे या कर्करोगाचे महत्त्वाचे जोखीम घटक आहेत. Early Throat Cancer:

रेडिएशन थेरपीसोबत केमोथेरपी

अशा प्रकारच्या कर्करोगासाठी रेडिएशन थेरपी हा एक महत्त्वाचा उपचार पर्याय आहे. या उपचारासाठी रुग्णांना अनेक आठवडे आठवड्यातून पाच दिवस कर्करोग उपचार केंद्रात जावे लागू शकते. काही प्रकरणांमध्ये रेडिएशन थेरपीसोबत केमोथेरपीदेखील दिली जाते. या उपचारांमुळे लक्षणीय दुष्परिणामही होऊ शकतात.

या प्रकरणात रुग्णाला उपचाराचा आणखी एक पर्याय देण्यात आला—ट्रान्सओरल लेझर मायक्रोसर्जरी (तोंडावाटे लेझरच्या साहाय्याने सूक्ष्म शस्त्रक्रिया), अशी माहिती हेड अँड नेक कॅन्सर इन्स्टिट्यूट ऑफ इंडिया (HNCII) येथील कन्सल्टंट सर्जिकल ऑन्कोलॉजिस्ट डॉ. कनव कुमार यांनी दिली.

ट्रान्सओरल लेझर मायक्रोसर्जरी म्हणजे नेमके काय?

ही कमीत कमी चिरफाड करून केली जाणारी शस्त्रक्रिया आहे. यामध्ये ऑपरेटिंग मायक्रोस्कोपच्या साहाय्याने तोंडावाटे कार्बन डायऑक्साइड (CO₂) लेझर वापरला जातो. मायक्रोस्कोपमुळे गाठीचे मोठे आणि स्पष्ट दृश्य दिसते. त्यामुळे आजूबाजूच्या शक्य तितक्या सामान्य ऊती सुरक्षित ठेवण्याचा प्रयत्न करत गाठ अत्यंत अचूकपणे काढता येते.

स्वरयंत्र (आवाज निर्माण करणारा भाग) आणि हायपोफॅरिंक्समधील काही सुरुवातीच्या टप्प्यातील कर्करोगांमध्ये या तंत्रामुळे बोलणे आणि गिळणे यांसारख्या महत्त्वाच्या कार्यांवर लक्षणीय परिणाम न करता कर्करोग काढणे शक्य होऊ शकते.

Jaw Cancer Surgery: “कर्करोगामुळे जबडा काढला… मग तो पुन्हा कसा तयार करतात? जाणून घ्या तज्ज्ञ काय सांगतात..

कर्करोग उपचार केंद्रापासून दूर

या शस्त्रक्रियेचा एक महत्त्वाचा व्यावहारिक फायदा म्हणजे, योग्य रुग्णांची निवड केल्यास अनेक आठवडे दररोज रुग्णालयात जाण्याची गरज टाळता येऊ शकते. एकाच शस्त्रक्रियेद्वारे कर्करोगावर उपचार करता येऊ शकतात. कर्करोग उपचार केंद्रापासून दूर राहणाऱ्या किंवा काम आणि कौटुंबिक जबाबदाऱ्यांमधून अनेक आठवडे वेळ काढणे शक्य नसलेल्या रुग्णांसाठी हा पर्याय विशेषतः फायदेशीर ठरू शकतो.

ही शस्त्रक्रिया मानेवर बाह्य चिरा न देता तोंडावाटे केली जाते. अनेक रुग्ण शस्त्रक्रियेनंतर लवकरच अन्न खाण्यास सुरुवात करू शकतात. तसेच, त्यांना दीर्घकाळ कृत्रिम पोषण किंवा श्वसनासाठी सहाय्याची आवश्यकता भासेलच असे नाही.

या उपचाराचा आणखी एक संभाव्य फायदा म्हणजे, निवडक रुग्णांमध्ये कर्करोग पुन्हा उद्भवल्यास दुसऱ्यांदा लेझर शस्त्रक्रिया करून उपचार करणे काही वेळा शक्य होते. याउलट, रेडिएशन थेरपीनंतर कर्करोग पुन्हा उद्भवल्यास उपचार अधिक गुंतागुंतीचे होऊ शकतात. कर्करोगाचे स्थान आणि त्याचा विस्तार यानुसार काही रुग्णांना मोठ्या शस्त्रक्रियेचीही आवश्यकता भासू शकते.

निवडण्यापूर्वी गाठीचे स्वरूप आणि रुग्णाच्या स्थितीचे काळजीपूर्वक

ट्रान्सओरल लेझर मायक्रोसर्जरी ही घशाच्या किंवा स्वरयंत्राच्या प्रत्येक प्रकारच्या कर्करोगासाठी योग्य असेलच असे नाही. शस्त्रक्रिया किंवा रेडिएशन थेरपी यांपैकी योग्य उपचार निवडण्यापूर्वी गाठीचे स्वरूप आणि रुग्णाच्या स्थितीचे काळजीपूर्वक मूल्यमापन करणे आवश्यक असते. या प्रक्रियेसाठी विशेष उपकरणे, ऑपरेटिंग मायक्रोस्कोप तसेच या तंत्रात प्रशिक्षित आणि अनुभवी शल्यचिकित्सकांची आवश्यकता असते.

हेड अँड नेक कॅन्सर इन्स्टिट्यूट ऑफ इंडिया (HNCII) येथे योग्य रुग्णांना हा उपचार उपलब्ध करून देण्यासाठी आवश्यक सुविधा आणि तज्ज्ञता उपलब्ध आहे.

Knee Pain: खाली बसताना किंवा उठताना गुडघ्यांमधून आवाज येतो? तरुण वयात गुडघ्यांमधील ग्रीस कमी होण्यास कारणीभूत ठरतात ‘या’ सवयी

“या प्रकरणात मानेवर बाह्य चिरा न देता तोंडावाटे कर्करोग काढण्यात आला. शस्त्रक्रियेनंतर रुग्णाला लवकरच अन्न खाणे शक्य झाले आणि शस्त्रक्रियेनंतर सुमारे २४ तासांनी, दुसऱ्या दिवशी सकाळी त्यांना रुग्णालयातून घरी सोडण्यात आले. त्यानंतरच्या तपासण्यांमध्ये त्यांची प्रकृती चांगली असल्याचे दिसून आले,” असे हेड अँड नेक कॅन्सर इन्स्टिट्यूट ऑफ इंडिया (HNCII) येथील कन्सल्टंट सर्जिकल ऑन्कोलॉजिस्ट डॉ. कनव कुमार यांनी सांगितले.

दैनंदिन जीवनात कमीत कमी व्यत्यय

या रुग्णासाठी या उपचाराचा अर्थ केवळ कर्करोग काढून टाकणे एवढाच नव्हता, तर बोलणे आणि गिळणे यांसारखी महत्त्वाची कार्ये शक्य तितकी जतन करण्यास मदत करणे आणि दैनंदिन जीवनात कमीत कमी व्यत्यय येऊ देत नेहमीच्या दिनचर्येकडे परतण्याची संधी उपलब्ध करून देणे हाही होता.