Matthew Van Dyke: रक्तरंजित मोहिमांचा सूत्रधार भारताच्या ईशान्येला बनवणार होता ‘युक्रेन’; NIA च्या एका धाडीत चिरडला गेला डाव

NIA Arrest Matthew VanDykk: राष्ट्रीय तपास संस्थेने अमेरिकन नागरिक मॅथ्यू व्हॅनडाइकसह सहा युक्रेनियन नागरिकांना अटक केली आहे. व्हॅनडाइकने यापूर्वी लिबिया, सीरिया, इराक आणि व्हेनेझुएलामध्ये गुन्हे केले आहेत.

• NIA ची मोठी कारवाई
• ईशान्य भारतात दहशत माजवण्याचा कट
• धोकादायक पार्श्वभूमी

NIA Arrests Matthew VanDyke India : भारताच्या राष्ट्रीय तपास संस्थेने (NIA) एका अत्यंत गोपनीय आणि धाडसी मोहिमेअंतर्गत सात परदेशी नागरिकांना अटक करून देशावरील मोठे संकट टळले आहे. १३ मार्च रोजी करण्यात आलेल्या या कारवाईत एका कुख्यात अमेरिकन नागरिकासह सहा युक्रेनियन नागरिकांना बेड्या ठोकण्यात आल्या आहेत. या अटकेमुळे भारताच्या ईशान्येकडील राज्यांमध्ये अस्थिरता निर्माण करण्याचा एक आंतरराष्ट्रीय कट उघड झाला असून, तपास यंत्रणा आता या प्रकरणाच्या मुळाशी जाण्याचा प्रयत्न करत आहेत.

तीन विमानतळांवर एकाच वेळी छापे आणि अटक

एनआयएने ही कारवाई अत्यंत नियोजनबद्ध पद्धतीने केली. मुख्य आरोपी मॅथ्यू एरॉन व्हॅनडाइक याला कोलकाता विमानतळावर पकडण्यात आले, तर त्याच्या इतर युक्रेनियन साथीदारांना दिल्ली आणि लखनौ विमानतळांवरून ताब्यात घेण्यात आले. हे सर्व आरोपी पर्यटक व्हिसावर भारतात आले होते, मात्र त्यांचा खरा उद्देश पर्यटनाऐवजी भारताच्या संवेदनशील सीमावर्ती भागांमध्ये दहशतवादी कारवायांना खतपाणी घालणे हा होता. अटक केलेल्या सर्व आरोपींना दिल्लीतील पटियाला हाऊस न्यायालयाने ११ दिवसांची कोठडी सुनावली आहे.

जागतिक घडामोडी संबंधित बातम्या वाचण्यासाठी येथे क्लिक करा : North Korea: हुकूमशहाच्या देशात लोकशाहीची हत्या! 99.93% मतं मिळवून किम जोंग उन पुन्हा विजयी; मात्र 18 हजार मते विरोधात कशी?

कोण आहे हा मॅथ्यू व्हॅनडाइक?

४६ वर्षीय मॅथ्यू व्हॅनडाइक हा केवळ चित्रपट निर्माता किंवा संरक्षण तज्ञ नाही, तर तो एक व्यावसायिक भाडोत्री सैनिक (Mercenary) म्हणून ओळखला जातो. २०११ मध्ये लिबियाचा हुकूमशहा गद्दाफी याच्या विरोधात त्याने शस्त्र उचलले होते, जिथे त्याला ५ महिने तुरुंगवासही झाला होता. त्यानंतर त्याने सीरिया, इराक आणि रशिया-युक्रेन युद्धातही सक्रिय भूमिका बजावली. स्वतःची ‘सन्स ऑफ लिबर्टी इंटरनॅशनल’ नावाची संस्था चालवणारा मॅथ्यू जगभरातील बंडखोर गटांना लष्करी प्रशिक्षण देण्याचे काम करतो.

See more

American mercenary Matthew VanDyke, 6 Ukrainians arrested in India by NIA Six Ukrainians and a US citizen have been arrested by the NIA for entering restricted areas in Mizoram, crossing into Myanmar, and engaging with insurgent-linked groups. The anti-terror agency has alleged… — IndiaToday (@IndiaToday) March 17, 2026

credit – social media and Twitter

मिझोराममार्गे म्यानमार आणि ड्रोन युद्धाचे प्रशिक्षण

तपासात असे उघड झाले आहे की, हे आरोपी मिझोराममध्ये कोणत्याही कायदेशीर परवानगीशिवाय (RAP/ILP) दाखल झाले होते. तिथून त्यांनी म्यानमारमधील वांशिक सशस्त्र गटांशी संपर्क साधला. या गटांचे संबंध भारतातील ईशान्येकडील अतिरेकी संघटनांशी आहेत. मॅथ्यू आणि त्याचे साथीदार या बंडखोरांना ‘ड्रोन वॉरफेअर’ म्हणजेच ड्रोनच्या साहाय्याने हल्ले करणे, जॅमिंग तंत्र आणि आधुनिक शस्त्रे चालवण्याचे प्रशिक्षण देत होते. युरोपमधून मोठ्या प्रमाणात ड्रोन भारतात आणून ते बेकायदेशीर मार्गाने म्यानमारला पोहोचवण्याचे कामही हे नेटवर्क करत होते.

जागतिक घडामोडी संबंधित बातम्या वाचण्यासाठी येथे क्लिक करा : Russian Oil: चीनकडे जाणारे रशियन महाकाय तेल टँकर्स अचानक भारताकडे वळले; इराण युद्धाच्या भडक्यात भारतासाठी ‘जॅकपॉट’

भारताच्या सुरक्षेला गंभीर धोका

मिझोरामच्या मुख्यमंत्र्यांनी आणि शेजारील बांगलादेशच्या माजी पंतप्रधान शेख हसीना यांनीही यापूर्वी अशा परदेशी शक्तींच्या हस्तक्षेपाबाबत इशारा दिला होता. ईशान्य भारतात एक स्वतंत्र राज्य निर्माण करण्याचा किंवा या भागाला अस्थिर करण्याचा हा एक मोठा भू-राजकीय डाव असल्याचे बोलले जात आहे. एनआयए आता या सात परदेशी नागरिकांच्या स्थानिक मदतनीसांचा शोध घेत असून, त्यांच्या मोबाईल आणि इलेक्ट्रॉनिक उपकरणांची कसून तपासणी केली जात आहे.