pm modi uttarakhand visit aerial survey with cm dhami
PM Modi Uttarakhand aerial survey : दुपारी ४ वाजता पंतप्रधान मोदी देहरादून येथील जॉली ग्रँट विमानतळावर दाखल होतील. तेथून लगेचच ते लष्कराच्या हेलिकॉप्टरमधून हवाई पाहणीसाठी निघतील. सुमारे ४५ मिनिटे चालणाऱ्या या सर्वेक्षणादरम्यान पंतप्रधान मोदी उत्तरकाशी, चमोली, रुद्रप्रयाग, जोशीमठ, धराली, थराली यांसारख्या सर्वाधिक बाधित भागांवरून हवाई फेरफटका मारतील. या दौऱ्यात उत्तराखंडचे मुख्यमंत्री पुष्कर सिंह धामी स्वतः पंतप्रधानांसोबत असतील. केंद्र आणि राज्य सरकारच्या वरिष्ठ अधिकाऱ्यांची उपस्थितीही या पाहणीत असेल.
गेल्या पाच महिन्यांत राज्यात झालेल्या नैसर्गिक आपत्तींमध्ये ७९ जणांचा मृत्यू झाला आहे, तर ९० हून अधिक लोक आजही बेपत्ता आहेत. अनेकांचे घरदार उद्ध्वस्त झाले, तर शेकडो कुटुंबे तात्पुरत्या निवाऱ्यांत राहत आहेत. आतापर्यंत या आपत्तीत राज्याचे तब्बल ५७०० कोटी रुपयांपेक्षा जास्त नुकसान झाल्याचे प्राथमिक अंदाज सांगतात. या परिस्थितीचा सविस्तर अहवाल राज्य सरकारने आधीच केंद्राला सादर केला आहे. त्याचप्रमाणे, नुकतेच केंद्राचे एक विशेष पथक उत्तराखंडला आले होते. त्यांनीही बाधित भागांचा प्रत्यक्ष आढावा घेऊन केंद्र सरकारला अहवाल दिला आहे. आता स्वतः पंतप्रधानांनी दौरा करण्याचे ठरवल्याने स्थानिक जनतेत दिलासा आणि अपेक्षांची भावना आहे.
जागतिक घडामोडी संबंधित बातम्या वाचण्यासाठी येथे क्लिक करा : KP Sharma Oli : भारतासमोर नतमस्तक न झाल्यामुळे सत्तेला मुकलो; राम जन्मभूमीबाबतही ‘ओली’ यांचे धक्कादायक वक्तव्य
पंतप्रधान मोदी यांचा हा दौरा केवळ पाहणीसाठी नसून, आपत्तीग्रस्तांना दिलासा देणारा ठरेल, अशी आशा व्यक्त होत आहे. कारण पंतप्रधानांनी यापूर्वीच मुख्यमंत्री पुष्कर सिंह धामी यांना राज्यातील पुनर्वसन आणि मदतकार्यांसाठी केंद्र सरकारकडून सर्वतोपरी मदतीचे आश्वासन दिले होते. हवाई पाहणीनंतर पंतप्रधान मोदी मुख्यमंत्री धामी, सर्व कॅबिनेट मंत्री आणि वरिष्ठ अधिकाऱ्यांसोबत बैठक घेणार आहेत. या बैठकीत राज्यातील पुनर्वसन कार्य, केंद्र सरकारकडून मिळणारी मदत, पायाभूत सुविधा उभारणी आणि आपत्ती व्यवस्थापनाच्या दीर्घकालीन आराखड्यावर सविस्तर चर्चा होण्याची अपेक्षा आहे.
Prime Minister @narendramodi to conduct an aerial survey of the disaster-affected areas of #Uttarakhand today. After the aerial survey, PM Modi to chair a high-level review meeting with officials. File Photo pic.twitter.com/NBnxIg8ITe — All India Radio News (@airnewsalerts) September 11, 2025
credit : social media
उत्तराखंडमधील लोक या आपत्तीनंतर खूप मोठ्या मानसिक, आर्थिक आणि सामाजिक संकटातून जात आहेत. घरदार उद्ध्वस्त झालेले कुटुंबीय आजही बेपत्ता असलेल्या आपल्या प्रियजनांची वाट पाहत आहेत. अशा वेळी देशाचे सर्वोच्च नेतृत्व त्यांच्या जवळ पोहोचत असल्याने त्यांना दिलासा मिळेल. जनतेमध्ये असा विश्वास आहे की पंतप्रधान मोदी यांच्या हस्तक्षेपामुळे मदतकार्यांना गती मिळेल, नुकसानग्रस्तांना अधिक आर्थिक मदत मिळेल आणि आगामी काळात राज्याच्या पायाभूत सुविधा अधिक सक्षम होतील.
जागतिक घडामोडी संबंधित बातम्या वाचण्यासाठी येथे क्लिक करा : Nepal Unrest : India-Nepal सीमा सील, मैत्री बस सेवा बंद; भारताने घेतला कठोर निर्णय
पंतप्रधानांच्या भेटीच्या पार्श्वभूमीवर उत्तराखंड प्रशासनाने कडक सुरक्षा व्यवस्था केली आहे. विमानतळापासून ते सर्व हवाई मार्गांपर्यंत सुरक्षेचे काटेकोर नियोजन करण्यात आले आहे. उत्तराखंडमधील आपत्तीग्रस्त जनता आज पंतप्रधान मोदींकडे मोठ्या आशेने पाहत आहे. त्यांच्या भेटीमुळे आपत्तीग्रस्त भागातील परिस्थितीवर अधिक गंभीरतेने चर्चा होईल, तसेच पुनर्वसन व मदतकार्यांना गती मिळेल.
.png "Videos"){kind=small}
