पंतप्रधान मोदींच राज्यांना ‘एक पोलीस, एक गणवेश’ चे आवाहन

Follow Us:

Follow Us:

पंतप्रधान नरेंद्र मोदी आज राज्यांच्या गृहमंत्र्यांच्या चिंतन शिबिराला उपस्थित होते. व्हिडिओ कॉन्फरन्सिंगद्वारे त्यांनी या शिबिराला उपस्थिती लावली असून त्यांनी उपस्थितांना संबोधित करताना देशभरातील पोलीस व्यवस्थेबाबत राज्यांना एक महत्वाची सूचना केली आहे. पंतप्रधानांनी देशातील सर्व राज्यांना आणि केंद्रशासित प्रदेशांना ‘एक देश, एक पोलीस, एक गणवेश’ ही व्यवस्था आणण्याबाबत चर्चेचं आवाहन केलं आहे.

पोलीस हा राज्यसूची अतंर्गत असणारा प्रश्न आहे. त्यामुळं प्रत्येक राज्यानं आपापल्या पोलिसांसाठी वेगवेगळा गणवेश डिझाईन केलेला आहे. मात्र, ‘एक देश, एक पोलीस, एक गणवेश’ या संकल्पनेवर चर्चा सुरु व्हावी, असं आवाहन PM मोदी यांनी यावेळी केलं. दरम्यान, या व्यवस्थेचे फायदे देखील पंतप्रधानांनी सांगितले आहेत. मोदी म्हणाले की, एकतर गणवेशासाठी मोठ्या प्रमाणावर एकाच वेळी गणवेशाचं कापड तयार होणार असल्यानं ते दर्जेदार असेल. त्याचबरोबर कॅप, बेल्ट यासाठी एकाच वेळी मोठी मागणी असेल. देशातील कोणताही नागरिक कोणत्याही भागात जाईल तेव्हा त्याला कळेल की, हा पोलीसवाला आहे. त्यामुळं ‘एक पोलीस, एक गणवेश’ ही संकल्पना महत्वाची आहे. फक्त त्यांच्या गणवेशावर संबंधित राज्याचा टॅग किंवा नंबर असू शकतो, असंही पंतप्रधानांनी सांगितलं.

संरक्षण दलासाठी देखील यापूर्वी ‘वन रँक, वन पेन्शन’, ‘एक नेशन, वन कार्ड’, ‘वन नेशन, वन गोल्ड रेट’ ही सिस्टीमही केंद्राकडून लागू करण्यात आली आहे. आता यामध्ये ‘वन नेशन, वन पोलीस, वन युनिफॉर्म’ या योजनेचा समावेश होण्याची शक्यता आहे.

Web Title: Prime minister modi appeal to the states is one police one uniform

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com