Rail Neer Price: उद्यापासून रेल्वे स्टेशनवर पाणी स्वस्त; ‘रेल नीर’च्या किमतीत कपात, जाणून घ्या नवे दर

जीएसटीच्या नव्या दरानुसार रेल्वे प्रवाशांसाठी एक चांगली बातमी आहे. रेल्वेने ‘रेल नीर’ च्या किमतीत एक रुपयाची घट केली आहे. जाणून घ्या नवे दर आणि जर कोणी जास्त पैसे घेतल्यास कुठे तक्रार कराल याची माहिती.

Updated On: Sep 21, 2025 | 06:59 PM
Rail Neer (Photo Credit - X)

Rail Neer (Photo Credit - X)

Follow Us
Follow Us:
  • उद्यापासून रेल्वे स्टेशनवर पाणी स्वस्त
  • ‘रेल नीर’च्या किमतीत कपात
  • जाणून घ्या नवे दर
Rail Neer Price: देशात जीएसटीच्या नव्या दरांची अंमलबजावणी आज मध्यरात्रीपासून (रविवार, १२ वाजेपासून) होणार आहे. त्यामुळे सोमवारपासून म्हणजेच २२ सप्टेंबरपासून याचा फायदा लोकांना मिळणार आहे. जीएसटी कमी झाल्यामुळे अनेक उत्पादनांच्या किमती कमी होणार आहेत. याच पार्श्वभूमीवर भारतीय रेल्वेने आपल्या ‘रेल नीर’ (Rail Neer) या बाटलीबंद पाण्याची किंमत एक रुपयाने कमी केली आहे. हे नवे दर २२ सप्टेंबरपासून लागू होणार आहेत.

‘रेल नीर’च्या दरात घट; जाणून घ्या नवे दर

रेल्वे बोर्डाने जारी केलेल्या आदेशानुसार, ‘रेल नीर’ च्या सर्व बाटल्यांच्या किमतीत एक रुपयाची कपात करण्यात आली आहे. या आदेशात म्हटले आहे की, आता ‘रेल नीर’च्या एक लिटर बाटलीची किंमत १५ रुपयांवरून १४ रुपये आणि ५०० मिलीलीटरच्या बाटलीची किंमत १० रुपयांवरून ९ रुपये करण्यात आली आहे.


यासोबतच, रेल्वे परिसर आणि गाड्यांमध्ये विकल्या जाणाऱ्या आयआरसीटीसी/रेल्वेने सूचीबद्ध केलेल्या इतर कंपन्यांच्या बाटलीबंद पाण्याची कमाल किरकोळ किंमत (MRP) सुद्धा कमी करण्यात आली आहे. त्यामुळे, आता कोणत्याही ब्रँडची एक लिटर पाण्याची बाटली १४ रुपयांपेक्षा जास्त आणि ५०० मिलीलीटरची बाटली ९ रुपयांपेक्षा जास्त किमतीत विकता येणार नाही.

PM Narendra Modi Speech: पंतप्रधान मोदींची मोठी घोषणा; भारतात उद्यापासून ‘जीएसटी बचत उत्सव’, देशाला आत्मनिर्भर बनवण्याचे आवाहन

जास्त पैसे घेतल्यास काय कराल?

जर कोणताही विक्रेता किंवा दुकानदार ‘रेल नीर’ किंवा इतर बाटलीबंद पाण्याच्या बाटलीसाठी जास्त पैसे घेत असेल, तर तुम्ही पुढील प्रकारे तक्रार करू शकता:

  • १. सर्वात आधी विक्रेत्याला जास्त पैसे घेण्याचे कारण विचारा.
  • २. समाधानकारक उत्तर न मिळाल्यास, रेल्वेच्या ग्राहक सेवा केंद्रांवर तक्रार नोंदवा.
  • ३. तुम्ही IRCTC ग्राहक सेवा क्रमांक १३९ (रेल्वे हेल्पलाइन नंबर) वर कॉल करूनही तक्रार करू शकता.
  • ४. रेल्वे स्टेशन मास्तरशी थेट संपर्क साधून तक्रार नोंदवा.
  • ५. तुम्ही Rail Madad App किंवा रेल्वेच्या तक्रार पोर्टलवर ऑनलाइन तक्रार दाखल करू शकता.
तक्रार करताना पाण्याच्या बाटलीचा फोटो, तुम्ही घेतलेली पावती आणि स्टेशनचे नाव देणे आवश्यक आहे, जेणेकरून तुमच्या तक्रारीवर त्वरित कारवाई केली जाईल.

Web Title: Rail neer price cut new rates railway station

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News  only on Navarashtra.com

Published On: Sep 21, 2025 | 06:59 PM

Topics: