सुकमामध्ये सुरक्षा दलाला मोठे यश! १६ नक्षलवाद्यांचे आत्मसमर्पण; ६ जणांवर होते २५ लाखांचे बक्षीस

केंद्र सरकारने नक्षलवाद समूळ नष्ट करण्यासाठी आपली मोहीम अधिक तीव्र केली आहे. गेलया काही दिवसांत सुरक्षा दलाने शेकडो नक्षलवाद्यांना यमसदनी धाडले आहे.

छत्तीसगडमध्ये सुरक्षा दलाला मोठे यश (फोटो- सोशल मिडिया)

Follow Us:

Follow Us:

सुकमा: केंद्र सरकारने नक्षलवाद समूळ नष्ट करण्यासाठी आपली मोहीम अधिक तीव्र केली आहे. गेलया काही दिवसांत सुरक्षा दलाने शेकडो नक्षलवाद्यांना यमसदनी धाडले आहे. दरम्यान आज छत्तीसगडमध्ये सुरक्षा दलांना मोठे यश मिळाले आहे. सुकमा हा प्रदेश नक्षलवाद्यांचा गड समजला जातो. मात्र याच सुकमा जिल्ह्यातून १६ नक्षलवाद्यांनी पोलिसांसमोर समर्पण केले आहे.

ज्या १६ नक्षलवाद्यांनी समर्पण केले त्यामध्ये २ कुख्यात नक्षलवाद्यांचा समावेश आहे. १६ मधील ६ नक्षलवाद्यांवर २५ लाखांचे बक्षीस जाहीर करण्यात आले होते. याशिवाय एका महिला आणि पुरुष मावोवाद्यावर लाखांचे बक्षीस ठेवण्यात आले होते. १६ नक्षलवाद्यांमध्ये अनेक कुख्यात नक्षलवादी समाविष्ट आहेत. ज्यांचा अनेक देशविरोधी कारवायांमध्ये सहभाग होता.

नियाद नेलला नार योजना आणि आत्म समर्पण नीती अंतर्गत या १६ नक्षलवाद्यांनी सरेंडर केले आहे. १६ नक्षलवाद्यांनी एसपी किरण चव्हाण, एसएसपी उमेश गुप्ता आणि सीआरपीएफचे अनेक अधिकारी उपस्थित होते.

छत्तीसगडमध्ये सुरक्षा दलांना मोठे यश

छत्तीसगडमधील नारायणपूर जिल्ह्यात सुरक्षा दलांनी नक्षलवाद्यांवर मोठी कारवाई केली आहे. अबुझहमदमध्ये सुरक्षा दलांनी वरिष्ठ नक्षलवादी कमांडरना घेरले आहे. नारायणपूर, दंतेवाडा, विजापूर आणि कोंडागाव या चार जिल्ह्यांमधून जिल्हा राखीव रक्षकांनी (DRG) ही कारवाई केली. या कारवाईत आतापर्यंत २६ हून अधिक नक्षलवादी ठार झाल्याचे वृत्त समोर आले आहे. जंगली भागामध्ये सुरक्षा दल आणि नक्षलवाद्यांमध्ये मोठी चकमक झाली.

Chhattisgarh Naxal killed : छत्तीसगडमध्ये सुरक्षा दलांना मोठे यश; अबुझहमदमध्ये 26 हून अधिक नक्षलवादी ठार

छत्तीसगडचे उपमुख्यमंत्री विजय शर्मा म्हणाले की, नक्षलग्रस्त नारायणपूर-बिजापूर जिल्ह्यातील सीमावर्ती भागात सुरक्षा दल आणि नक्षलवाद्यांमध्ये झालेल्या चकमकीत २६ हून अधिक नक्षलवादी ठार झाले.  छत्तीसगडमधील नक्षलग्रस्त नारायणपूर जिल्ह्यात सुरक्षा दल आणि नक्षलवाद्यांमध्ये चकमक सुरू आहे. पोलिस अधिकाऱ्यांनी सांगितले की, जिल्ह्यातील अबुझहमद भागात सुरक्षा दल आणि नक्षलवाद्यांमध्ये चकमक सुरू आहे.

Web Title: Sisxteen naxalists surrender in sukma district front of police 25 lakh price money

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com