शुक्रवार, 4 सप्टेंबर 2026
Nishu Azad Case: 'CJP'चे संसद मार्ग पोलीस ठाण्याबाहेर आंदोलन; स्वतंत्र भारद्वाजविरोधात SC/ST ॲक्टनुसार गुन्हा दाखल
सोशल मीडिया इन्फ्लुएन्सर स्वतंत्र भारद्वाज यांच्या एका व्हायरल पॉडकास्टमुळे (Viral Podcast) देशभरात राजकारण तापण्याची शक्यता निर्माण झाली आहे. गेल्या महिन्यात झालेल्या’कॉकरोच जनता पार्टी’च्या (CJP) एका आंदोलनादरम्यान निशू आझाद नावाच्या तरुणीच्या वडीलांना बेदम मारहाण करून त्यांना गंभीर जखमी करण्यात आल्याचा प्रकार उघडकीस आला. स्वतंत्र भारद्वाज नावाच्या सोशल मिडिया इन्फ्ल्युएंजरने निशूचे वडील संजय कुमार यांच्यावर हल्ला केला होता. याबाबत खुद्द निशूनेच या धक्कादायक प्रकाराचा व्हिडीओ शेअर या प्रकाराची माहिती दिली.
निशूने या प्रकाराबाबत दिल्ली पोलिसांत तक्रार दाखल केली होती. पण भारद्वाज याच्यावर कोणतीही कारवाई न करता पोलिसांनी त्याला सोडून दिले. असे भारद्वाजने एका मुलाखतीत कबुली दिली. हा प्रकार लक्षात येताच निशूने पुन्हा एक व्हिडीओ पोस्ट करत थेट लोकसभा खासदार राहुल गांधी आणि कॉकरोच जनता पार्टीकडे आवाहन केले. या आवाहनानंतर आज सकाळीच कॉकरोच जनता पार्टीच्या शेकडो सदस्यांसह सीजेपी प्रवक्ता आशुतोष रांका आणि सौरव दास यांनी संसद मार्ग पोलिस ठाण्याबाहेर आंदोलन केले. स्वतंत्र भारद्वाज यांच्याविरोधात तातडीने प्रथम माहिती अहवाल (FIR) दाखल करण्याची मागणी केली. सीजेपीच्या आंदोलनानंतर निशू आझाद हिने दिल्ली पोलिसांच्या वरिष्ठ अधिकाऱ्यांची भेट घेऊन अधिकृत तक्रार दाखल केली.
दिल्लीत कॉकरोच जनता पक्षाने आयोजित केलेल्या २० जुलैच्या संसद मोर्चादरम्यान निशू आझादचे वडील संजय कुमार यांच्यावर हल्ला केल्याचा आरोप असलेला स्वतंत्र भारद्वाज आता मोठ्या अडचणीत आला आहे. त्याच्या कबुलीजबाबाचे व्हिडिओ सोशल मीडियावर व्हायरल झाल्यानंतर, सीजेपीचे प्रवक्ते आशुतोष रांका, सौरव दास आणि नगीना मतदारसंघाचे खासदार चंद्रशेखर आझाद यांनी शुक्रवार, ४ सप्टेंबर रोजी पार्लमेंट स्ट्रीट पोलीस ठाण्यात जाऊन तेथील पोलीस अधिकाऱ्यांची भेट घेतली. सुमारे दोन तास चर्चा झाल्यानंतर आरोपी स्वतंत्र भारद्वाजवर एससी/एसटी कायद्यांतर्गत गुन्हा दाखल केला जाईल. याव्यतिरिक्त, दिल्ली पोलीस संजय कुमार यांची पुन्हा वैद्यकीय तपासणी करतील. या वैद्यकीय तपासणीतून हत्येच्या प्रयत्नाचा गुन्हा दाखल करायचा की नाही हे ठरवले जाईल. तसेच, आरोपीची अटक सुनिश्चित केली जाईल. असेही दिल्ली पोलिसांनी म्हटले आहे.
‘संजय यांच्या डोक्याला गंभीर दुखापत’
CJPचे सहसंयोजक आशुतोष रांका यांनी जंतर-मंतरवरील आंदोलनादरम्यान CJP कार्यकर्ती निशू आझाद आणि तिचे वडील संजय यांच्यासोबत मारहाण झाल्याचा आरोप केला. या घटनेत संजय यांच्या डोक्याला दुखापत झाली. दिल्ली पोलिसांकडे आम्ही सातत्याने आरोपींना अटक करण्याची आणि त्यांच्यावर हत्येच्या प्रयत्नाचे कलम लावण्याची मागणी केली. मात्र, पोलिसांनी कारवाई केली नाही,” असा आरोप रांका यांनी केला.
आरोपींपैकी एका व्यक्तीचा व्हिडिओ सोशल मीडियावर व्हायरल झाल्याचा दावा करत, संबंधित व्यक्तीने हल्ल्याची कबुली दिल्याचा आरोपही त्यांनी केला. या प्रकरणात आरोपींना अटक करून कठोर कलमांखाली कारवाई करावी, अशी मागणी CJPने केली आहे.
दरम्यान, दिल्ली पोलिसांनी CJPचे आरोप फेटाळून लावले आहेत. 23 जून रोजी जंतर-मंतरवर झालेल्या आंदोलनादरम्यान झालेल्या कथित मारहाणप्रकरणाच्या तपासात कोणताही राजकीय हस्तक्षेप झालेला नाही, असे पोलिसांनी स्पष्ट केले. या प्रकरणातील आरोपी असलेल्या दोन्ही व्यक्तींविरोधात कायद्यानुसार कारवाई करण्यात आल्याचे दिल्ली पोलिसांनी सांगितले.
पोलिसांच्या माहितीनुसार, जंतर-मंतरवर झालेल्या झटापटीदरम्यान गाझियाबाद येथील 38 वर्षीय संजय कुमार यांच्या डोक्याला दुखापत झाली होती. या घटनेशी संबंधित सोशल मीडिया पोस्ट आणि आरोपींपैकी एका व्यक्तीचा व्हिडिओ मोठ्या प्रमाणावर प्रसारित झाल्यानंतर दिल्ली पोलिसांनी सोशल मीडियाच्या माध्यमातून आपली भूमिका स्पष्ट केली. दरम्यान, CJPकडून आरोपीच्या अटकेची आणि कठोर कलमांखाली कारवाईची मागणी केली जात असताना, दिल्ली पोलिसांनी मात्र संबंधित दोन्ही आरोपींविरोधात कायद्यानुसार कारवाई झाल्याचे स्पष्ट केले आहे.
