महागाई काय कमी होईना, सर्वसामान्यांना दिलासा मिळेना ! तूर डाळीच्या किंमतीत 37 टक्क्यांनी झाली वाढ

महागाईवर नियंत्रण मिळवण्यासाठी केंद्र सरकार सर्वोतोपरी प्रयत्न करत असले तरी अद्याप मोदी सरकारला महागाई कमी करण्यात यश आलेले नाही. यादरम्यान किरकोळ महागाई दराचा आकडेवारी जाहीर करण्यात आली आहे.

नवी दिल्ली : महागाईवर नियंत्रण मिळवण्यासाठी केंद्र सरकार सर्वोतोपरी प्रयत्न करत असले तरी अद्याप मोदी सरकारला महागाई कमी करण्यात यश आलेले नाही. यादरम्यान किरकोळ महागाई दराचा आकडेवारी जाहीर करण्यात आली आहे. या आकडेवारीनुसार डिसेंबर 2023 मध्ये डाळ आणि त्यांचे काही इतर उत्पादनांच्या महागाईत 20.73 टक्क्यांची वाढ झाली आहे.

डिसेंबर 2023 मध्ये डाळींचा महागाई दर 20.73 टक्के होता. पण त्याच्या एक वर्षाआधी म्हणजे डिसेंबर 2022 मध्ये हा दर 3.15 टक्के होता. याचा स्पष्ट अर्थ असा की, केवळ एका वर्षाच्या कालावधीत डाळींच्या किरकोळ महागाई दरात 17.58 टक्के वाढ झाली आहे. डाळींच्या दरवाढीमुळे सामन्य लोकांचे बजेट कोलमडले आहे. वाणिज्य मंत्रालयद्वारे 15 जानेवारी 2024 ला डिसेंबर 2023 च्या घाऊक महागाई दराचे आकडे जाहीर करण्यात आले आहे.

२०२२ मध्ये तूर डाळीची किंमत ११०.८३ रुपये

किरकोळ महागाई असेल किंवा घाऊक महागाईमध्ये डाळींच्या महागाईत एका वर्षात 19.60 टक्क्यांची वाढ झाली आहे. सर्व डाळींपैकी तूर डाळीला सर्वाधिक मागणी आहे. याबाबतचा अहवाल ग्राहक व्यवहार मंत्रालयाने जारी केला आहे. त्यानुसार 14 जानेवारी 2024 रोजी किरकोळ बाजारात तूर डाळीची किंमत 151.88 रुपये प्रति किलो होती. वर्षभरापूर्वी तूर डाळीच्या किंमत प्रति किलो 110.83 रुपये होती. अवघ्या एका वर्षाच्या कालावधीत तूर डाळीच्या किमतीत 37 टक्क्यांनी वाढ झाली आहे.