लखनऊ : कैसरबाग कोर्ट परिसरात गँगस्टर संजीव महेश्वरी जीवाची (Sanjiv Maheshwari Jiva) गोळ्या घालून हत्या करण्यात आली. जीवाच्या सुरक्षेसाठी 10 पोलीस कर्मचारी तैनात होते. तरीदेखील वकिलाच्या वेशभूषेत आलेल्या हल्लेखोराने जीवावर हल्ला चढवला. संजीव जीवा हा मुख्तार अन्सारीचा (Mukhtar Ansari) निकटवर्तीय असल्याची माहिती दिली जात आहे.
संजीव महेश्वरी जीवा याच्यावर भाजप नेते ब्रह्मदत्त द्विवेदी यांच्या हत्येचा आरोप होता. त्यात कोर्ट परिसरात झालेल्या या गोळीबारात पाच अन्य जखमी झाले आहेत. संजीव हा पश्चिम उत्तर प्रदेशातील कुख्यात गँगस्टर होता. या प्रकरणी पोलिसांनी एका हल्लेखोराला ताब्यात घेतले आहे. या घटनेनंतर कोर्ट परिसरात दहशत पसरली होती. वकिलांनीही दिवसाढवळ्या झालेल्या गोळीबारावर चिंता व्यक्त केली. हल्लेखोराने संजीववर हल्ला केला. घटनेनंतर पोलिसांनी मृतदेह शवविच्छेदनासाठी पाठविला आहे.
दुपारी दोनच्या सुमारास हल्ला
मुख्तार अन्सारी टोळीचा शूटर संजीव माहेश्वरी उर्फ जीवा (संजीव जिवा) याला लखनऊ जिल्हा कारागृहातून सकाळी साडेअकरा वाजता सत्र न्यायालयात पाठवण्यात आले. त्याच्या सुरक्षेत 10 पोलीस होते. यामध्ये दोन एसआय, पाच कॉन्स्टेबल आणि तीन हेड कॉन्स्टेबल यांचा समावेश होता. दुपारी दोनच्या सुमारास पोलिस बंदोबस्तात 10 सशस्त्र पोलिस तैनात असतानाही कोर्टात त्याची हत्या झाली.
दोन डझन खटले दाखल
संजीववर दोन डझन खटलेही दाखल होते. त्यापैकी 17 प्रकरणात संजीवची सुटका करण्यात आली आहे. त्याच्या टोळीत 35 सदस्य असल्याचे समजते. संजीववर कारागृहात असतानाही गँग ऑपरेट केल्याचा आरोप होता. काही दिवसांपूर्वीच त्याची मालमत्ता प्रशासनाने जप्त केली होती.
.png "Videos"){kind=small}
