विनेश फोगाट-बजरंग पुनिया यांचा आज कॉंग्रेसमध्ये अधिकृत प्रवेश, हरियाणाच्या ‘या’ जागांवरून लढू शकतात निवडणूक

देशातील स्टार कुस्तीपटू बजरंग पुनिया आणि विनेश फोगट आज काँग्रेसमध्ये प्रवेश करणार आहेत. विनेश फोगट आणि बजरंग पुनिया शुक्रवारी दिल्लीत काँग्रेस अध्यक्ष मल्लिकार्जुन खरगे यांच्या नेतृत्वाखाली काँग्रेस पक्षात प्रवेश करणार आहेत.

हरियाणा विधानसभा निवडणुकीच्या पार्श्वभूमीवर राजकीय हालचालींना वेग आला आहे. याचदरम्यान कुस्तीपटू विनेश फोगट आणि बजरंग पुनिया हे दोन्ही तगडे कुस्तीपटू आज (6 सप्टेंबर) काँग्रेस पक्षात प्रवेश करणार आहे. हे दोन्ही बलाढ्य कुस्तीपटू काँग्रेस पक्षात सामील होऊ शकतात अशी अनेक दिवसांपासून अटकळ होती. याआधी दोघांनीही राहुल गांधी यांची भेट घेतली होती. विनेश फोगट आणि बजरंग पुनिया शुक्रवारी दिल्लीत काँग्रेस अध्यक्ष मल्लिकार्जुन खरगे यांच्या नेतृत्वाखाली काँग्रेस पक्षात प्रवेश करणार आहेत.

हरियाणातील भाजपचे ज्येष्ठ नेते अनिल विज यांनी विनेश फोगटबद्दल सांगितले की, विनेशला देशाच्या कन्येतून काँग्रेसची मुलगी व्हायचे असेल तर आमचा काय आक्षेप आहे. पैलवानांच्या विरोधाचा संदर्भ देत ते म्हणाले की, काँग्रेस पहिल्या दिवसापासून कुस्तीपटूंच्या मागे असून काँग्रेसच्या भडकावण्यामुळे आंदोलन सुरू आहे. तसेच हरियाणाच्या निवडणुकीच्या रणधुमाळीत काँग्रेस दोन्ही कुस्तीपटूंना उतरवण्याच्या तयारीत आहे. बजरंग पुनिया सोनीपत जिल्ह्यातील विधानसभेच्या जागेवरून निवडणूक लढवू शकतात, तर विनेश फोगट यांच्याकडे चरखी दादरी, जुलाना आणि बधडा येथून निवडणूक लढवण्याचा पर्याय आहे.

राहुल गांधी यांची घेतली भेट

बजरंग पुनिया आणि विनेश फोगट काँग्रेसमध्ये प्रवेश करणार असल्याच्या चर्चा अनेक दिवसांपासून सुरू होत्या. दरम्यान, बुधवारी या दोन्ही कुस्तीपटूंनी काँग्रेसचे दिग्गज नेते राहुल गांधी यांची भेट घेतली होती, त्यांची भेट सुमारे 15 मिनिटे चालली, त्यानंतर दोघांनीही काँग्रेसमध्ये प्रवेश केल्याची चर्चा जोर धरू लागली. मात्र, फोगट पक्षात प्रवेश करणार की नाही हे केंद्रीय निवडणूक समितीच्या बैठकीनंतर स्पष्ट केले जाईल, असे काँग्रेसने मंगळवारी सांगितले होते.

कोणत्या सीटवरून तिकीट मिळणार?

राजकीय वर्तुळात सुरू असलेल्या अटकळानुसार दादरीमधून विनेश फोगट यांना तिकीट दिले जाऊ शकते. त्याचवेळी बजरंग पुनिया हे बदलीमधून तिकीट मागत आहेत, परंतु काँग्रेसने त्यांना या जागेऐवजी जाट बहुल जागेवरून उमेदवारी देण्याचा विचार केला आहे.

विनेशने राजकारणात प्रवेश केला तर काय होईल?

विनेश फोगटच्या संभाव्य राजकीय प्रवेशामुळे हरियाणाच्या राजकारणात मोठा बदल होऊ शकतो. खाप पंचायती आणि शेतकरी यांच्याशी असलेले त्यांचे मजबूत संबंध त्यांना निवडणुकीत मोठा पाठिंबा मिळवू शकतात. आगामी विधानसभा निवडणुकीत विनेश फोगट यांची भूमिका हरियाणाच्या राजकारणाला महत्त्वाचे वळण देणारी ठरू शकते.

हरियाणात कधी होणार निवडणुका?

हरियाणा विधानसभेची निवडणूक ५ ऑक्टोबरला होणार आहे. तर ८ ऑक्टोबरला मतमोजणी होणार आहे. याआधी ही तारीख १ आणि ४ ऑक्टोबर होती पण निवडणूक आयोगाने त्यात बदल केला आहे. त्यामागील कारण देत आयोगाने स्पष्ट केले की, बिष्णोई समाजाचा मतदानाचा हक्क आणि परंपरा या दोन्हींचा आदर करण्यासाठी हा निर्णय घेण्यात आला आहे. बिष्णोई समाजाने आसोज अमावस्या उत्सवात सहभागी होण्याची जुनी परंपरा कायम ठेवली आहे. त्या दिवशी ते त्यांचे गुरू जंबेश्वर यांच्या स्मरणार्थ उत्सव साजरा करतात. राजस्थानच्या नोखा तालुक्यात गेल्या 490 वर्षांपासून सातत्याने या जत्रेचे आयोजन केले जाते.