Bihar Elections 2025: बिहारच्या मोकामामध्ये मतदानावेळी उफाळला हिंसाचार; याचठिकाणी झाला होता दुलारचंदचा हत्याकांड

Bihar Elections 2025: बिहारमध्ये मतदानावेळी अनेक मतदान केंद्रावर गोंधळ झाल्याचे दिसून आले आहे. बसवंचक गावातील मतदान केंद्राबाहेर दोन गटांमध्ये मारामारी झाल्याचे दिसून आले.

Bihar Elections 2025: मोकामा: बिहार विधानसभा निवडणुकीची रणधुमाळी सुरु आहे. बिहारमध्ये पहिल्या टप्प्यातील मतदान प्रक्रिया पार पडली आहे. पहिल्या टप्प्यातील १८ जिल्ह्यांमधील १२१ जागांसाठी आज मतदान होत आहे. पहिल्या टप्प्यात, बिहारमधील ३७.५ दशलक्ष मतदार १,३१४ उमेदवारांचे भवितव्य ठरवतील, ज्यामध्ये सर्व राजकीय पक्षांचे आणि अपक्ष उमेदवारांचा समावेश आहे. मतदानावेळी अनेक मतदान केंद्रावर गोंधळ झाल्याचे दिसून आले आहे. बसवंचक गावातील मतदान केंद्राबाहेर दोन गटांमध्ये मारामारी झाल्याचे दिसून आले.

पहिल्या टप्प्यात मोकामा विधानसभा मतदारसंघातही मतदान होत आहे. या निवडणुकीत मोकामा मतदारसंघ चर्चेचा विषय राहिला आहे. या जागेवर जेडीयूकडून अनंत सिंह आणि आरजेडीकडून सूरज भान सिंह यांच्या पत्नी वीणा देवी निवडणूक लढवत आहेत. जनसुराज पक्षाने पीयूष प्रियदर्शी यांना उमेदवारी दिली आहे. दरम्यान, मोकामा विधानसभा मतदारसंघातील बसवंचक गावातील मतदान केंद्राबाहेर दोन गटांमध्ये संघर्ष झाल्याचे माहिती समोर आली आहे.

राजकीय बातम्या वाचण्यासाठी क्लिक करा

मोकामा विधानसभा मतदारसंघातील बसवनचक गावात एका मतदान केंद्राबाहेर दोन गटांमध्ये हाणामारी झाली. काही दिवसांपूर्वी याच परिसरामध्ये दुलार चंद यांची हत्या झाली होती. हाणामारीनंतर लोकांनी दोन्ही पक्षांना समजावून परिस्थिती शांत केली. दुलार चंद यांच्या हत्येपासून ही जागा चर्चेचा विषय बनली आहे हे लक्षात घेण्यासारखे आहे.

न घाबरता मतदान करा: वीणा देवी

मोकामा येथील आरजेडी उमेदवार वीणा देवी म्हणाल्या, “आम्ही देवाला पाहिले आहे. आम्ही सर्वांना न घाबरता किंवा संकोच न करता बाहेर येऊन मतदान करण्याचे आवाहन करतो.” दरम्यान, बिहार निवडणुकीत लखीसराय येथे मतदान केल्यानंतर केंद्रीय मंत्री गिरीराज सिंह यांनी एक मोठे विधान केले, ज्यामुळे राजकीय हालचाली वाढल्या आहेत. ते म्हणाले, “जर कोणी बुरखा घालून गेला तर त्यांची तपासणी केली जाईल. हा पाकिस्तान नाही, जिथे शरिया कायदा पाळला जाईल.” असे देखील वीणा देवी म्हणाल्या आहेत.

बिहार राजकारणाच्या अपडेट जाणून घेण्यासाठी क्लिक करा 

गिरीराज सिंह काय म्हणाले?

गिरीराज सिंह म्हणाले, “बिहारच्या सनातन ओळखीशिवाय भारताची कोणतीही ओळख नाही. ती पाकिस्तानात असू शकते, पण हजारो मशिदींमध्ये नाही. आम्ही भारतात कोणालाही रोखले नाही. स्वातंत्र्याच्या वेळी आमच्याकडे ३,००० मशिदी होत्या आणि आज ३,००,००० आहेत. पाकिस्तानमध्ये हजारो मंदिरे उद्ध्वस्त झाली आहेत. जर श्रद्धेचे केंद्र भारतात नसेल तर ते कुठे असेल?” कट्टाच्या व्हिडिओवरही गिरीराज सिंह म्हणाले, जो मुलगा तेजस्वी भैया इथे आहे असे म्हणत आहे, कट्टा इथे आहे, तर तो जंगलराज आहे, नाही का? असा सवाल गिरीराज सिंह यांनी उपस्थित होते.