नवी दिल्ली : हिमाचल प्रदेशच्या भाजपच्या स्टार प्रचारक असलेल्या आणि आता मंडीच्या नवनिर्वाचित खासदार कंगना रनौतच्या (Kangana Ranaut) एका महिला जवानाने कानशिलात लगावली. चंदीगडच्या विमानतळावर हा संपूर्ण प्रकार घडला. कंगनाने शेतकऱ्यांविरोधात काहीतरी बोलल्याने हा प्रकार घडल्याचे सांगितले जात आहे.
कुलविंदर कौर असे या महिला जवानाचे नाव आहे. जेव्हा या जवानाने कानशिलात लगावली तेव्हा सीआयएसएफच्या महिला कर्मचाऱ्याला तत्काळ ताब्यात घेण्यात आले. चौकशीनंतर तिला निलंबितही करण्यात आले असून, सीआयएसएफने तिच्याविरुद्ध एफआयआरही नोंदवला आहे. आता या महिला जवानाला अटक करण्यात आली आहे.
कुलविंदर कौर आहे तरी कोण?
कुलविंदर कौर ही 35 वर्षीय महिला 15 वर्षांपासून सीआयएसएफमध्ये कार्यरत आहे. तिने तिच्या सेवेत चांगलं असं काम केलं आहे. तिचा पतीही सीआयएसएफचा जवान आहे. कुलविंदर कौर यांना दोन मुले आहेत. त्यांचा भाऊ शेर सिंग हा शेतकरी नेता असून, किसान मजदूर संघर्ष समितीमध्ये संघटन सचिव पदावर आहे. कुलविंदर कौर पंजाबमधील कपूरथला येथील रहिवासी आहे.
.png "Videos"){kind=small}
