संग्रहित फोटो
संग्रहित फोटो

शेतकरी आंदोलनादरम्यान शुभकरण सिंग यांच्या मृत्यूबाबत पोस्टमॉर्टम रिपोर्टमध्ये महत्त्वाचे खुलासे झाले आहेत. पाच डॉक्टरांच्या पथकाने आपल्या अहवालात म्हटले आहे की, शुभकरणच्या डोक्यातून गोळीचे अनेक तुकडे सापडले आहेत.

    नवी दिल्ली : शेतकरी आंदोलनादरम्यान शुभकरण सिंग यांच्या मृत्यूबाबत पोस्टमॉर्टम रिपोर्टमध्ये महत्त्वाचे खुलासे झाले आहेत. पाच डॉक्टरांच्या पथकाने आपल्या अहवालात म्हटले आहे की, शुभकरणच्या डोक्यातून गोळीचे अनेक तुकडे सापडले आहेत.

    शुभकरणच्या डोक्याला दोन जखमा आढळून आल्याचे अहवालात म्हटले आहे. त्यापैकी एक त्याच्यासाठी जीवघेणी ठरली तसेच मेंदूच्या दोन्ही गोलार्धांमधून अनेक गोळ्या सापडल्या असल्याचे अहवालात नमूद करण्यात आले.

    21 फेब्रुवारी रोजी हरियाणा-पंजाब सीमेवर खानौरीजवळ शुभकरण सिंग या तरूण शेतकऱ्याचा मृत्यू झाला होता. शेतकऱ्यांनी त्याला शहीदाचा दर्जा दिला आहे.

    रबर बुलेटचा वापर केल्याचा आरोप

    आंदोलक शेतकऱ्यांवर हरियाणा पोलिसांनी रबर बुलेट आणि अश्रूधुराचा वापर केल्याचा आरोप शेतकऱ्यांनी केला आहे. शुभकरणचा काही मिनिटांतच मृत्यू झाला.

    फौजदारी गुन्हा नोंदवण्याची मागणी

    शिरोमणी अकाली दल (एसएडी) ने सोमवारी शुभकरण सिंग यांच्या हत्येप्रकरणी हरियाणाचे गृहमंत्री अनिल विज, राज्याचे पोलीस महासंचालक (डीजीपी) आणि इतर सर्व पोलीस अधिकाऱ्यांवर फौजदारी गुन्हा नोंदविण्याची मागणी केली.