Devendra Fadnavis: देवेंद्र फडणवीसांची राहुल गांधींवर जोरदार टीका; म्हणाले, “सलीम जावेद यांच्याशी संपर्क…’

पुणे: काँग्रेसचे खासदार राहुल गांधी यांनी भारतीय निवडणूक आयोगावर (ईसीआय) सडकून टिका करत मतदाराची चोरी झाली असल्याचं सांगितल.याबाबत राज्याचे मुख्यमंत्री देवेंद्र फडणवीस यांना विचारलं असता ते म्हणाले की अलीकडच्या काळात राहुल गांधी यांनी सलीम जावेद यांच्याशी संपर्क साधून त्यांच्याकडून स्क्रिप्ट लिहून घेतली आहे. ही स्क्रिप्ट अतिशय मनोरंजनात्मक आहे आणि ती सगळीकडे म्हणत आहे पण याच्याने मनोरंजना पलीकडे काहीच होत नाहीये. सगळ्या गोष्टी त्या कपोकल्पीत मांडत आहे, असे या वेळी मुख्यमंत्री देवेंद्र फडणवीस म्हणाले.

पुण्यातील यशवंतराव चव्हाण विकास प्रशासन प्रबोधिनी येथे आयोजित विविध कार्यक्रमासाठी मुख्यमंत्री देवेंद्र फडणवीस प्रमुख पाहुणे म्हणून उपस्थित होते.यावेळी या कार्यक्रमाला राज्याचे उपमुख्यमंत्री अजित पवार हे देखील उपस्थित होते.यावेळी मुख्यमंत्री देवेंद्र फडणवीस यांना याबाबत विचारलं असता त्यांनी आपलं मत व्यक्त केलं.

यावेळी मुख्यमंत्री देवेंद्र फडणवीस म्हणाले की राहुल गांधी एकीकडे म्हणत आहे की वोटर लिस्ट मध्ये प्रोब्लेम आहे आम्ही देखील एवढ्या वर्षांपासून सांगत आहोत.राहुल गांधी यांना कॉम्प्रिवेंसी रिव्हिजन माहीत नसून त्यांना केवळ आपल्या हरण्याच काहीतरी कारण शोधायचं आहे आणि त्याने ते काढलं आहे.

काल झालेल्या इंडिया आघाडीच्या बैठकीत शेवटच्या रांगेत उद्धव ठाकरे, आदित्य ठाकरे आणि संजय राऊत बसल्याचं दिसत असून यावर टिका केली जात आहे.याबाबत मुख्यमंत्री देवेंद्र फडणवीस यांना विचारलं असता ते म्हणाले की आमच्याकडे तर ते नेहेमी पहिल्या रांगेत राहिले तसेच आमच्याकडे आमच्यापेक्षाही पाहिले ते राहिले. तिथं त्यांचं काय मान सन्मान आहे हे आपल्या लक्षात आलं आहे. भाषणात खूप म्हणायचं की दिल्ली समोर मान झुकणार नाही दिल्ली समोर पायघड्या टाकणार नाही पण दिल्लीत काय परिस्थिती आहे ते ही सत्तेत नसताना हे पाहून खूप दुःख होत असल्याचं यावेळी मुख्यमंत्री देवेंद्र फडणवीस म्हणाले.