“… नाहीतर तुमचीसुद्धा आजीसारखीच गत करू”; भाजप नेत्याची थेट राहुल गांधींना धमकी

विरोधी पक्षनेते राहुल गांधी हे काही दिवसांपूर्वी अमेरिका दौऱ्यावर होते. यावेळी त्यांनी एका मुलाखतीमध्ये शीख समुदायाबद्दल एक वक्तव्य केले होते. त्या वक्तव्यामुळे शीख समाजामध्ये संताप निर्माण झाला आहे. दरम्यान यावरून आता राजकारण तापले आहे.

विरोधी पक्षनेते राहुल गांधी हे काही दिवसांपूर्वी अमेरिका दौऱ्यावर होते. यावेळी त्यांनी एका मुलाखतीमध्ये शीख समुदायाबद्दल एक वक्तव्य केले होते. त्या वक्तव्यामुळे शीख समाजामध्ये संताप निर्माण झाला आहे. दरम्यान यावरून आता राजकारण तापले आहे. काँग्रेसने एक व्हिडीओ शेअर केला आहे. दिल्लीतील भाजप नेते आणि माजी आमदार हे राहुल गांधी यांना जीवे मारण्याची धमकी देत आहेत, असा एक व्हिडीओ काँग्रेसने शेअर केला आहे. राहुल गांधींच्या विधानाचा निषेध म्हणून शीख समाजाने सोनिया गांधी यांच्या निवासस्थानाबाहेर निदर्शने केली. या निदर्शनादरम्यान भाजप नेते तरविंदर सिंग मारवाह यांनी राहुल गांधींना उघडपणे धमकी दिल्याचा आरोप काँग्रेसने केला आहे .

दिल्ली भाजपचे नेते आणि माजी आमदार तरविंदर सिंग मारवाह यांनी राहुल गांधी यांना जीवे मारण्याची धमकी दिल्याचा आरोप काँग्रेसने केला असून, त्याबद्दलचा एक व्हिडीओ सोशल मीडियावर पोस्ट करण्यात आला आहे. तरविंदर सिंग मारवाह यांच्यावर कारवाई करण्याची मागणी काँग्रेसने केली आहे. काँग्रेसने तरविंदर सिंग मारवाह यांच्या वक्तव्यावर आक्षेप घेतला आहे.

See more

दिल्ली BJP का नेता और पूर्व विधायक, तरविंदर सिंह मारवाह ने आज प्रदर्शन के दौरान कहा:

“राहुल गांधी बाज आ जा, नहीं तो आने वाले टाइम में तेरा भी वही हाल होगा जो तेरी दादी का हुआ”

BJP का ये नेता खुलेआम देश के नेता प्रतिपक्ष की हत्या की धमकी दे रहा है.@narendramodi जी, अपने… pic.twitter.com/tGisA5dfNu

— Congress (@INCIndia) September 11, 2024

काय म्हणाले तरविंदर सिंग मारवाह?

दिल्लीचे माजी आमदार आणि भाजप नेते तरविंदर सिंग मारवाह यांनी सोनिया गांधी यांच्या निवासस्थानासमोरील निदर्शनामध्ये एक वक्तव्य केले. त्यात ते म्हणाले, ”राहुल गांधी वेळीच सावध व्हा. नाहीतर येणाऱ्या काळात तुमची देखील तुमच्या आजीसारखीच गत होईल.” अशा इशारा तरविंदर सिंग मारवाह यांनी दिला. हा व्हिडीओ काँग्रेसने सोशल मीडियावर शेअर केला आहे . तसेच काँग्रेसने मोदींना टॅग करून कारवाईची मागणी केली आहे. तसेच हे प्रकरण अतिशय गंभीर आहे. तुमच्या पक्षाच्या द्वेषाच्या फॅक्टरीचं हे प्रॉडक्ट आहे, असे काँग्रेसने म्हटले आहेच. यावर कारवाई करावीच लागेल , अशी मागणी काँग्रेसने केली आहे.

काय म्हणाले होते राहुल गांधी?

अमेरिकेतील एका कार्यक्रमात राहुल गांधी यांच्या शीख समाजावरील विधानामुळे हा वाद निर्माण झाला आहे. एखाद्या शीख व्यक्तीने भारतात पगडी किंवा हातात कडे घालावे की नाही, एखादी शीख व्यक्ती गुरुद्वारामध्ये जाऊ शकते की नाही. यासाठी ही लढाई असून, केवळ याच नाही तर सर्व धर्मांसाठी आहे, असे विधान राहुल गांधी यांनी केले होते.