बुधवार, 4 नोव्हेंबर 2026
कुठल्याही अपघात (Accident) झाल्यास मोठा आजार (Disease) जडल्यास योग्य उपचार घेण्यासाठी आपण रुग्णालयात जातो मात्र, अशावेळी आपल्याकडे आरोग्य विमा (Health Insurance) असेल तर फार फायद होतो. हा विचार करुन गुजरात येथील एका व्यक्तिच्या कुटुंबातील सदस्याने रुग्णालयात उपचार घेतले मात्र, विमा कंपनीने ऐनवेळी पैसै भरण्यास नकार दिल्याने प्रकरण ग्राहक मंचाकडे गेले. नेमकं काय प्रकरण आहे बघुया.
[read_also content=”वन डे वर्ल्ड कपनंतर रोहित शर्मा याच्याकडून कॅप्टन्सी काढून घेणार?, सुनील गावस्करांची काय भविष्यवाणी ? https://www.navarashtra.com/sports/will-captaincy-be-withdrawn-from-rohit-sharma-after-odi-world-cup-nrps-376202.html”].
वडोदरा ग्राहक मंचाने वैद्यकीय विम्याशी संबंधित प्रकरणी मोठा निर्णय दिला आहे. फोरमच्या म्हणण्यानुसार, वैद्यकीय विम्याचा दावा करण्यासाठी, एखाद्या व्यक्तीला रुग्णालयात दाखल केले गेले आहे किंवा त्याला केवळ 24 तासांसाठी दाखल केले पाहिजे असे नाही. ग्राहक मंचाच्या वतीने वैद्यकीय विमा कंपनीला रुग्णाला पैसे देण्याचे आदेश दिले आहेत.
वडोदरा येथील रमेशचंद्र जोशी यांनी 2017 मध्ये ग्राहक मंचात नॅशनल इन्शुरन्स कंपनीविरोधात तक्रार दाखल केली होती. जोशी यांनी दावा केला की त्यांच्या पत्नीला 2016 मध्ये डर्माटोमायोसिटिस झाला होता आणि त्यांना अहमदाबादमधील लाइफकेअर इन्स्टिट्यूट ऑफ मेडिकल सायन्स अँड रिसर्च सेंटरमध्ये दाखल करण्यात आले होते. जोशी यांच्या पत्नीला उपचारानंतर दुसऱ्या दिवशी घरी सोडण्यात आले. टाईम्स ऑफ इंडियाच्या वृत्तानुसार, यानंतर जोशी यांनी कंपनीला 44,468 रुपयांचे बिल भरण्यास सांगितले होते. मात्र विमा कंपनीने जोशी यांचा दावा फेटाळला. याविरोधात जोशी यांनी ग्राहक मंचात तक्रार केली होती. विमा कंपनीने कलम ३.१५ चा हवाला देऊन जोशी यांचा अर्ज फेटाळला होता. सतत २४ तास रुग्ण दाखल होत नसल्याचा कंपनीचा युक्तिवाद होता.
यानंतर जोशी यांनी वैद्यकीय विमा कंपनीविरोधात ग्राहक मंचाकडे धाव घेतली. त्यांनी सर्व कागदपत्रे मंचासमोर सादर केली. 24 नोव्हेंबर रोजी सायंकाळी 5.38 वाजता पत्नीला दाखल करण्यात आल्याचा दावा त्यांनी केला. तर 25 नोव्हेंबर 2016 रोजी सायंकाळी 6.30 वाजता त्यांना डिस्चार्ज देण्यात आला.
त्याचवेळी, रुग्णाला 24 तासांपेक्षा कमी कालावधीसाठी रुग्णालयात दाखल करण्यात आले असे गृहीत धरले तरी चालेल, असे मंचाने म्हटले आहे. तरीही ती वैद्यकीय विम्याचा दावा करण्यास पात्र आहे. आज आधुनिक युगात पद्धती आणि औषधे विकसित झाली आहेत, अशा परिस्थितीत डॉक्टर त्यानुसार उपचार करतात.
