स्पृहा जोशीसाठी चाहत्याची खास पोस्ट; म्हणाला, “ती फक्त अभिनेत्रीच नाही तर…”

'पुरुष' नाटकामुळे चर्चेत राहिलेली स्पृहा जोशी सध्या तिच्या अभिनयामुळे चाहत्यांमध्ये चर्चेत आहे. अभिनेत्रीच्या अभिनयाचे कौतुक तिच्या एका चाहत्याने इन्स्टाग्रामवर पोस्ट शेअर करत केले आहे.

इंडस्ट्रीतील आघाडीची अभिनेत्री, कवियित्री, गीतकार आणि निवेदिता स्पृहा जोशी कायमच इन्स्टाग्रामवर सक्रिय असते. तिने आपल्या वैविध्यपूर्ण भूमिकेंच्या जोरावर चाहत्यांमध्ये प्रसिद्धी मिळवली आहे. आपल्या कलागुणांच्या माध्यमातून प्रसिद्ध झालेल्या स्पृहाने नाटक, मालिका आणि चित्रपटांतून चाहत्यांच्या मनावर अधिराज्य गाजवले आहे. सध्या ‘पुरुष’ नाटकामुळे चर्चेत राहिलेली स्पृहा तिच्या अभिनयामुळे चाहत्यांमध्ये चर्चेत आहे. अभिनेत्रीच्या अभिनयाचे कौतुक तिच्या एका चाहत्याने केले आहे.

ओरीच्या हाती लागला प्रसिद्ध दिग्दर्शक भन्साळीचा चित्रपट; दीपिका पदुकोण दिसेल खास भूमिकेत!

 

See more

शेअर केलेल्या पोस्टमध्ये स्पृहाचा चाहता तिच्या अभिनयाचे कौतुक करताना म्हणतो,

“स्पृहा….. रंगभूमी ही नेहमीच आपल्या आयुष्याचा एक अविभाज्य भाग असते. पण एखादा कलाकार जेव्हा अनेक वर्षांनी आपल्या आवडत्या माध्यमावर परततो, तेव्हा तो क्षण एक वेगळाच आनंद देऊन जातो. स्पृहा जोशी, एक नावाजलेली अभिनेत्री आणि आपल्या अभिनयातून प्रेक्षकांच्या मनावर अधिराज्य गाजवणारी कलाकार, बऱ्याच काळानंतर रंगभूमीवर दिसली, आणि त्या क्षणाची अनुभूती अविस्मरणीय होती. काल नाट्यमंदिरात जाताना मन थोडं उत्सुक, थोडं भावूक होतं. स्पृहा ही केवळ एक अभिनेत्री नाही, तर ती आपल्या पिढीचा आवाज आहे, तिच्या सादरीकरणातून प्रत्येक वेळी काहीतरी वेगळं आणि हृदयस्पर्शी साकार होतं. नाटक सुरू झालं, आणि पहिल्याच दृश्यात स्पृहाला पाहून प्रेक्षकांच्या चेहऱ्यावरचा आनंद स्पष्ट दिसत होता. तिच्या आवाजातला तो भावनांचा प्रवाह, डोळ्यांतून व्यक्त होणारी तीव्रता आणि तिच्या संवादफेकीतील सहजता यामुळे पुन्हा एकदा रंगभूमीची जादू अनुभवायला मिळाली. एखाद्या दृश्यात ती हसवते, तर दुसऱ्याच क्षणी ती तुम्हाला विचार करायला लावते. तिच्या प्रत्येक हालचालीत, प्रत्येक शब्दात रंगभूमीवरील तिचं प्रेम जाणवत होतं. गेल्या काही वर्षांत तिने छोट्या आणि मोठ्या पडद्यावर खूप काम केलं. पण रंगभूमीवरचं तिचं अस्तित्व वेगळंच आहे. कारण तिथे कलेचं मोकळं आविष्कार असतो, आणि कलाकार-प्रेक्षक यांच्यातलं नातं थेट जोडतं. स्पृहानेही तो जिवंत संवाद प्रेक्षकांशी साधला. नाटक संपल्यानंतर प्रेक्षकांच्या चेहऱ्यावर उमटलेलं समाधान हे सगळं पाहून वाटलं की रंगभूमीवर ती परतली आहे आणि पुन्हा तीच जादू निर्माण झाली आहे. स्पृहा, तुझं रंगभूमीवर परतणं केवळ एक सादरीकरण नव्हतं, तर ते रंगभूमीवरचा आत्मा पुन्हा उजळवण्यासारखं होतं. तुला पुन्हा रंगभूमीवर पाहून खूप बरं वाटलं. आशा आहे, की तुझ्या अशा अनेक रंगमंचीय भूमिकांमधून प्रेक्षकांना अजून अनेक अविस्मरणीय अनुभव मिळतील. बऱ्याच काळानंतर स्पृहा तुला रंगभूमीवर पाहून बरं वाटलं.”