नवी दिल्ली: एक फेब्रुवारीला केंद्रीय अर्थमंत्री निर्मला सीतारमण देशाचा अर्थसंकल्प(budget) सादर करतील. कोरोनामुळे या अर्थसंकल्पामध्ये काही खास घोषणा होण्याची शक्यता आहे. (budget 2021)कोरोना आणि लॉकडाऊनमुळे शिक्षण क्षेत्रामध्ये(expectations of education sector) अनेक बदल झाले. दिर्घ कालावधीसाठी शाळा आणि महाविद्यालये बंद होती. अजुनही अनेक ठिकाणी पुर्ण क्षमतेने शाळा सुरु झालेल्या नाहीत. ऑनलाईन शिक्षण(online education) अजुनही सुरु आहे. या पार्श्वभुमीवर शिक्षण क्षेत्रासाठी अर्थसंकल्पामध्ये काय तरतूद असणार हे पाहणे महत्त्वाचे ठरणार आहे.
[read_also content=”तरुणाईचे बजेटकडे लक्ष! स्टार्ट-अप्सना प्रोत्साहन मिळण्याची आशा https://www.navarashtra.com/latest-news/focus-on-youth-budget-hope-to-encourage-start-ups-82704.html”]
ऑनलाईन शिक्षणाच्या लाटेनंतर आता शिक्षण क्षेत्रामध्ये तांत्रिकदृष्ट्या अपग्रेडेशन करण्याबाबत तरतूद असू शकते. तसेच शाळा आणि महाविद्यालयांचे अस्तित्व टिकावे या उद्देशाने ऑफलाईन शिक्षणासाठी तरतूद असू शकते. तंत्रज्ञान विषयक गोष्टी स्वस्त करुन देण्यावर सरकारचा भर असू शकतो.
तज्ञांच्या मते सरकारने आधुनिक शिक्षण पद्धती आणि कोर्सेस सुरु केले पाहिजेत. तसेच ई-लर्निंगसाठी विद्यार्थ्यांना स्वस्तात डिव्हाईसेस उपलब्ध करुन दिली पाहिजेत. इंटरनेटचीही चांगली सोय करण्याची गरज आहे. ऑनलाईन शिक्षण घेताना तांत्रिक अडचणी येणार नाहीत, याची काळजी घ्यायला हवी.
सरकारने याआधीच शैक्षणिक धोरण जाहीर केले आहे. तसेच मनुष्यबळ विकास मंत्रालयाचे नाव बदलून शिक्षण मंत्रालय असे ठेवले आहे. कोरोनामुळे सरकारला शिक्षण क्षेत्राचे महत्व उमगले आहे. या पार्श्वभुमीवर सरकार शिक्षण क्षेत्रासाठी खास तरतूद करण्याची शक्यता आहे.
