ICC ने महिला T20 विश्वचषकाचे नवीन वेळापत्रक केले जारी; संपूर्ण शेड्यूल पाहा

ICC ने महिला T20 विश्वचषकाचे नवीन वेळापत्रक जाहीर केले, ज्यामध्ये भारत 6 ऑक्टोबर रोजी पाकिस्तानशी खेळणार आहे. यापूर्वी ही स्पर्धा बांगलादेशमध्ये होणार होती, मात्र आता ती दुबई आणि शारजाहमध्ये होणार आहे. या स्पर्धेला 3 ऑक्टोबरपासून सुरुवात होणार असून अंतिम सामना 20 ऑक्टोबरला दुबईत होणार आहे.

Women T20 World Cup 2024 Schedule : आंतरराष्ट्रीय क्रिकेट परिषदेने (ICC) सोमवारी आगामी महिला T20 विश्वचषक स्पर्धेचे सुधारित वेळापत्रक जाहीर केले, त्यानुसार भारतीय महिला संघ 6 ऑक्टोबर रोजी कट्टर प्रतिस्पर्धी पाकिस्तानशी भिडणार आहे. आयसीसी महिला टी-20 विश्वचषक 3 ऑक्टोबरपासून सुरू होणार आहे. पूर्वी ते बांगलादेशात करायचे होते. परंतु तेथील राजकीय अशांततेमुळे अनेक खेळाडूंनी सुरक्षेचा प्रश्न उपस्थित केल्यानंतर आता ते दुबई आणि शारजाह येथे आयोजित केले जात आहे.

एकूण 23 सामने खेळवले जाणार

या दोन ठिकाणी एकूण 23 सामने खेळवले जाणार आहेत. स्पर्धेतील गट अ गटात गतविजेत्या ऑस्ट्रेलियासह भारत, न्यूझीलंड, पाकिस्तान आणि श्रीलंका यांच्यासोबत समान राहतील. ब गटात दक्षिण आफ्रिका, इंग्लंड, वेस्ट इंडिज, बांगलादेश आणि स्कॉटलंड यांचा समावेश आहे. या स्पर्धेत प्रत्येक संघ चार गट सामने खेळणार आहे. प्रत्येक गटातील अव्वल दोन संघ 17 आणि 18 ऑक्टोबर रोजी उपांत्य फेरीत प्रवेश करतील आणि अंतिम सामना 20 ऑक्टोबर रोजी दुबईमध्ये खेळला जाईल.

अंतिम फेरीसाठी ‘राखीव दिवस’ ठेवण्यात आला

उपांत्य फेरी आणि अंतिम फेरीसाठी ‘राखीव दिवस’ ठेवण्यात आला आहे. श्रीलंका आणि स्कॉटलंड या वर्षाच्या सुरुवातीला अबू धाबी येथे झालेल्या आयसीसी महिला टी-२० विश्वचषक पात्रता स्पर्धेद्वारे स्पर्धेसाठी पात्र ठरले. स्पर्धेपूर्वी 28 सप्टेंबर ते 1 ऑक्टोबर या कालावधीत 10 सराव सामने खेळवले जातील.
स्पर्धेचे वेळापत्रक खालीलप्रमाणे आहे.

३ ऑक्टोबर, गुरुवार, बांगलादेश विरुद्ध स्कॉटलंड, शारजा
गुरुवार ३ ऑक्टोबर, पाकिस्तान विरुद्ध श्रीलंका, शारजा

४ ऑक्टोबर, शुक्रवार, दक्षिण आफ्रिका विरुद्ध वेस्ट इंडिज, दुबई
4 ऑक्टोबर,  शुक्रवार, भारत विरुद्ध न्यूझीलंड, दुबई
५ ऑक्टोबर,  शनिवार, बांगलादेश विरुद्ध इंग्लंड, शारजा
५ ऑक्टोबर,  शनिवार, ऑस्ट्रेलिया विरुद्ध श्रीलंका, शारजा
६ ऑक्टोबर,  रविवार, भारत विरुद्ध पाकिस्तान, दुबई
६ ऑक्टोबर,  रविवार, वेस्ट इंडीज विरुद्ध स्कॉटलंड, दुबई
7 ऑक्टोबर,  सोमवार, इंग्लंड विरुद्ध दक्षिण आफ्रिका, शारजाह
8 ऑक्टोबर,  मंगळवार, ऑस्ट्रेलिया विरुद्ध न्यूझीलंड, शारजा
९ ऑक्टोबर,  बुधवार, दक्षिण आफ्रिका विरुद्ध स्कॉटलंड, दुबई
९ ऑक्टोबर,  बुधवार, भारत विरुद्ध श्रीलंका, दुबई
10 ऑक्टोबर, गुरुवार, बांगलादेश विरुद्ध वेस्ट इंडिज, शारजाह
11 ऑक्टोबर,  शुक्रवार, ऑस्ट्रेलिया विरुद्ध पाकिस्तान, दुबई
12 ऑक्टोबर, शनिवार, न्यूझीलंड विरुद्ध श्रीलंका, शारजाह
12 ऑक्टोबर,  शनिवार, बांगलादेश विरुद्ध दक्षिण आफ्रिका, दुबई
13 ऑक्टोबर,  रविवार, इंग्लंड विरुद्ध स्कॉटलंड, शारजा
13 ऑक्टोबर,  रविवार, भारत विरुद्ध ऑस्ट्रेलिया, शारजाह
14 ऑक्टोबर,  सोमवार, पाकिस्तान विरुद्ध न्यूझीलंड, दुबई
15 ऑक्टोबर,  मंगळवार, इंग्लंड विरुद्ध वेस्ट इंडिज

दुबई 17 ऑक्टोबर, गुरुवार, पहिली उपांत्य फेरी
दुबई 18 ऑक्टोबर,  शुक्रवार, दुसरी उपांत्य फेरी
शारजाह 20 ऑक्टोबर, रविवार, अंतिम, दुबई.