या तीन पैकी कोणत्याही एका ड्रिंकचे नियमित सेवन करा, काचेसारखा चकाकेल चेहरा; शरीरालाही आतून ठेवेल स्वछ

Detox Drinks : अनेकांना हे ठाऊक नाही पण आपल्या त्वचेचे सौंदर्य हे आपल्या अंतर्गत स्वछतेवर अवलंबून असते. आहातज्ञांनी 3 डिटॉक्स ड्रिंक्स शेअर केले आहेत ज्याचे सेवन शरीरातील विषारी घटक बाहेर काढून त्वचा उजळण्यास मदत करतात.

• आहातज्ञांनी शेअर केलेत 3 डिटॉक्स ड्रिंक्स
• हे पेय शरीराला आतून स्वछ ठेवतील
• तसेच याचे नियमित सेवन आपल्या त्वचेचेही आरोग्य सुधारण्यास मदत करेल

आपला चेहरा चांगला दिसावा अशी सर्वांचीच इच्छा असते. चेहऱ्याचा रंग बदलणे आपल्या हातात नसले तरी चेहरा स्वच्छ आणि उजळदार ठेवणे आपल्या हातात आहे. चमकदार चेहरा दुरुनही कुणालाही आकर्षिक करतो. भारतात, पुरुष असोत किंवा महिला, सुंदर आणि देखणा चेहरा प्रत्येकाला हवाहवासा वाटत असतो. अनेकजण चेहरा उजवळ्यासाठी अनेक महागड्या मेकअप प्रोडक्टचा वापर करतात पण त्यातील अनेक रासायनिक घटक आपल्या चेहऱ्यासाठी घातक ठरु शकतात. अनेकांना ठाऊक नाही पण आपले साैंदर्य हे बऱ्याचदा आपल्या शरीराच्या आतील स्वच्छतेवर अवलंबून असते. आपले शरीर बाहेरुन स्वच्छ करुन काही फायदा नाही जर ते आतून घाण असेल. शरीराच्या आत घडत असलेल्या प्रत्येक गोष्टीचा परीणाम आपल्या बाहेरील त्वचेवर दिसून येत असतो, अशात शरीर आतून साफ करणे महत्त्वाचे ठरते.

१५ मिनिटांमध्ये चेहऱ्यावर येईल चमकदार ग्लो! चमचाभर तांदळाच्या पिठाचा ‘या’ पद्धतीने करा वापर, टॅनिंगवर सोप्या उपाय

तुमच्या त्वचेला केवळ बाह्य पोषणाचीच नव्हे तर अंतर्गत पोषणाची देखील आवश्यकता आहे. यासाठी काही हेल्दी ड्रिंक्सचा तुम्ही तुमच्या आहारात समावेश करु शकता. इंस्टाग्रामवर आहारतज्ज्ञ कशिश मेहता यांनी तीन प्रभावी हेल्ही डिटॉक्स ड्रिंक्सविषयीची माहिती शेअर केली आहे. या ड्रिंक्सचा आपल्या आहारात समावेश करुन तुम्ही तुमच्या त्वचेचे तसेच अंतर्गत शरीराचे आरोग्य सुधारु शकता. हे ड्रिंक्स शरीरातील अशुद्धता बाहेर काढून टाकण्यास मदत करतात. हे त्वचेसाठीही फायदेशीर ठरते.

See more

बीटाचा रस

बीटामध्ये असे काही पोषक घटक आढळून येतात जे आपल्या आरोग्यासाठी आणि त्वचेसाठी फायदेशीर ठरतात. यामुळे त्वचेला नैसर्गिक गुलाबी चमक येण्यास मदत होते आणि शरीरात रक्ताभिसरण सुरळीत चालू राहते. बीटाचे हे पेय तयार करण्यासाठी सर्वप्रथम बीट, त्यानंतर पुदिना आणि लिंबू एक ग्लास पाण्यात किंवा बाटलीत भरा. सर्व घटक नीट एकत्र करा आणि काही मिनिट असेच सर्व साहित्यांना भिजन ठेवा. रोज सकाळी तुम्ही या पाण्याचे सेवन करु शकता.

बडीशेप पाणी

व्हिटॅमिन ए आणि इतर पोषक तत्वे आढळून येतात जे त्वचा स्वच्छ करण्यास आणि त्वचेची जळजळ कमी करण्यास देखील मदत करतात. बडीशेपपासून हेल्दी ड्रिंक तयार करण्यासाठी बडीशेप, सेलेरी आणि किसलेले आले एकत्र करून त्यांना पाण्यात काहीवेळ भिजवून ठेवा. असं केल्याने या घटकांमधील पोषक घटक पाण्यात चांगले विघळले जातील.

800000000 लोकांची किडनी झालीये खराब…. शरीर ओरडून ओरडून देत असते ‘हे’ संकेत, वेळीच नाही ओळखले तर मृत्यू अटळ!

काकडी ज्यूस

काकडी शरीराला थंडावा मिळवून देण्याचे आणि हायड्रेट ठेवण्याचे काम करते. यापासून ड्रिंक तयार करण्यासाठी काकडी, चिया सीड्स आणि लिंबू पाण्यात घाला. काहीवेळ हे पाणी तसेच बाजूला ठेवा, जोपर्यंत बिया पाण्यात भिजून फुगत नाही. रोज सकाळी तुम्ही या पाण्याचे सेवन करू शकता, हे त्वचेला आराम देण्यास आणि त्वचा मऊ बनवण्यास मदत करते.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.