सेलिब्रिटींच्या आवडीचा, हेल्दी पण टेस्टी; कर्नाटकाचा पारंपरिक पदार्थ ‘रागी मुड्डे’ घरी कसा तयार करायचा?

Ragi Mudde Recipe : रागी मुड्डे खाल्ल्यावर पोटभर तृप्ती मिळते, शरीराला ताकद मिळते आणि दिवसभर शरीरात ऊर्जा राहते. ग्रामीण परंपरेतील हा पारंपरिक पदार्थ आज शहरी लोकांमध्येही लोकप्रिय होत आहे.

भारतीय आहारपद्धतीत पारंपरिक आणि पौष्टिक पदार्थांना नेहमीच विशेष स्थान आहे. त्यात कर्नाटक आणि महाराष्ट्रातील ग्रामीण भागात प्रसिद्ध असलेला रागी मुड्डे म्हणजेच नाचणी मुड्डे हा एक उत्तम आणि आरोग्यदायी पदार्थ आहे. नाचणी म्हणजे रागी ही धान्ये प्राचीन काळापासून शेतकऱ्यांचा व सामान्य लोकांचा मुख्य आहार राहिली आहे. यामध्ये कॅल्शियम, लोह, फायबर आणि प्रोटीन भरपूर प्रमाणात असल्यामुळे हाडे मजबूत होतात, शरीराला ताकद मिळते आणि पचनासही मदत होते.

उपवासाच्या दिवशी कुरकुरीत पदार्थ खाण्याची इच्छा झाल्यास सोप्या पद्धतीमध्ये बनवा चविष्ट उपवासाची करंजी, नोट करा रेसिपी

रागी मुड्डे म्हणजे नाचणीच्या पिठापासून बनवलेला गोलसर व मऊसर भाकरसारखा गोळा. हा गोळा सहसा सांबर, रस्सा, तूप किंवा ताकासोबत खाल्ला जातो. दक्षिण भारतात तर हा पदार्थ दररोजच्या जेवणात असतो. खास करून मेहनतीची कामे करणाऱ्या लोकांना हा पदार्थ दिवसभर उर्जावान ठेवतो. शिजवताना थोडी काळजी घेतली तर हा पदार्थ अगदी सहज तयार होतो. शिवाय तुम्हाला जाणून हे आश्चर्य वाटेल की, ही टॉलिवूडच्या अनेक सेलेब्रिटींचा हा आवडीचा पदार्थ आहे, यात अनेक पोषक घटक आढळतात ज्यामुळे याचे सेवन आपल्या आरोग्यासाठी फायद्याचे ठरते. चला जाणून घेऊया यासाठी लागणारे साहित्य आणि कृती.

साहित्य

• १ कप नाचणी पीठ
• २ कप पाणी
• १/२ चमचा मीठ
• १ चमचा तूप

संध्याकाळच्या नाश्त्यासाठी परफेक्ट रेसिपी; तुम्ही कधी मॅगी चाट खाल्ली आहे का?

कृती :

• यासाठी सर्वप्रथम एका भांड्यात २ कप पाणी गरम करून त्यात मीठ टाका.
• पाणी उकळायला लागल्यावर थोडेसे पाणी बाजूला काढून ठेवा.
• आता उकळत्या पाण्यात थोड्या थोड्या प्रमाणात नाचणीचे पीठ टाका.
• पिठ टाकताना चमच्याने याला सतत ढवळत रहा जेणेकरून गुठळ्या होणार नाहीत.
• घट्टसर मिश्रण झाल्यावर झाकण ठेवून मंद आचेवर २-३ मिनिटे शिजू द्या.
• गॅस बंद करून त्यात थोडेसे तूप घालून नीट मिसळा.
• आता हाताला पाणी लावून या मिश्रणाचे गोलसर रागी गोळे (मुड्डे) बनवा.
• हे गोळे म्हणजेच तुमचे मुड्डे आहेत.
• याला गरमागरम सांबर किंवा कोणत्याही रस्स्यासोबत खाण्यासाठी सर्व्ह केले जाऊ शकते.
• ही डिश कॅल्शियम, लोह आणि अँटिऑक्सिडंट्सने भरलेली आहे ज्यामुळे ते हाडे मजबूत करण्यास, वजन कमी
• करण्यास आणि पचनक्रिया सुधारण्यास मदत करते.
• नाचणी ग्लुटन फ्री असल्याने याचे सेवन मधुमेहाच्या रुग्णांसाठी फायद्याचे ठरते.