Lungs Cancer झाल्यानंतर पायांमध्ये दिसून येतात ‘ही’ महाभयंकर लक्षणे, वेळीच सावध होऊन घ्या योग्य ते औषध उपचार

कॅन्सर सारख्या गंभीर आजाराचे नाव ऐकल्यानंतर साऱ्यांच्या पायाखालील जमीन सरकते. शरीराच्या कोणत्याही अवयवाला कॅन्सरची लागण होऊ शकते. त्यामुळे आरोग्याची योग्य काळजी घेणे आवश्यक आहे. बऱ्याचदा जीवनशैलीत होणाऱ्या बदलांचा परिणाम संपूर्ण शरीरावर दिसून येतो. शरीरात अनेक बदल जाणवू लागतात. पण या बदलांकडे दुर्लक्ष केले जाते. असे न करता तातडीने औषध उपचार केल्यास गंभीर आजारांची शरीराला लागण होणार नाही.कॅन्सरची लागण झाल्यानंतर सुरुवातीच्या दिवसांमध्ये शरीरात अतिशय सामान्य बदल दिसतात. मात्र कालांतराने हे बदल आणखीनच गंभीर होतात. फुफ्फस शरीरातील अतिशय महत्वाचा अवयव आहे. यामुळे श्वास घेणे आणि श्वास सोडणे ही प्रक्रिया अतिशय जलद होते. पण फुफ्फुसांच्या कॅन्सरची लागण झाल्यास पायांमध्ये अनेक तीव्र लक्षणे दिसू लागतात. आज आम्ही तुम्हाला फुफ्फुसांचा कॅन्सर झाल्यानंतर पायांमध्ये कोणती लक्षणे दिसू लागतात, याबद्दल सविस्तर माहिती सांगणार आहोत. (फोटो सौजन्य – istock)

बऱ्याचशा पाय दुखणे किंवा पायांमध्ये वेदना वाढल्यानंतर सामान्य समजून दुर्लक्ष केले जाते. फुफ्फुसांचा कॅन्सर झाल्यानंतर शरीरात द्रव पदार्थ तसेच साचून राहतात. यामुळे शरीराच्या खालच्या अवयवांना सूज येणे किंवा जडपणा जाणवू लागतो. फुफ्फुसांमध्ये वाढलेल्या ट्यूमरमुळे रक्तवाहिन्या किंवा लिम्फ नलिकांमध्ये अनेक अडथळे निर्माण होतात. केमोथेरपीच्या साइड इफेक्टमुळे पायांना किंवा पंज्याना सूज येण्याची शक्यता असते.

फुफ्फुसाच्या कॅन्सरमुळे डीप व्हेन थ्रॉम्बोसिसचा धोका वाढून संपूर्ण शरीराला हानी पोहचते. पायांच्या आतील भागात रक्ताच्या गुठळ्या होण्यास सुरुवात होते, ज्यामुळे पायांमध्ये वेदना किंवा लालसरपणा दिसून येतो. रक्तात वाढलेल्या गुठळ्या फुफ्फुसांपर्यंत पोहचल्यानंतर कोणत्याही क्षणी मृत्यू होऊ शकतो. पायांमध्ये वाढलेल्या लालसरपणामुळे काहीवेळा थंडी ताप सुद्धा येतो.

कॅन्सर झाल्यानंतर केमोथेरपी उपचार पद्धत केली जाते. याचा परिणाम मज्जातंतूंवर होऊन शरीराच्या कोणत्याही अवयवात वेदना जाणवू लागतात. यामुळे  ‘पेरिफेरल न्युरोपॅथी’ सारख्या समस्या उद्भवू शकतात. हात पाय सुन्न पडणे, जळजळ होणे किंवा सुई टोचल्यासारख्या वेदना जाणवू लागतात . शरीराला ऑक्सिजन पुरवठा कमी झाल्यामुळे त्वचेच्या रंगात अनेक बदल दिसून येतात. यामुळे त्वचा काळी निळी होऊन रक्तभिसरणात अडथळे निर्माण होतात.

Web Title: After lungs cancer these horrible symptoms appear in the legs lungs cancer symptoms signs

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News  only on Navarashtra.com