सावधान! हृदयाचे आरोग्य खराब झाल्यानंतर शरीरात दिसू लागतात ‘ही’ भयानक लक्षणे, दुर्लक्ष करणे ठरेल धोक्याचे

हार्ट अटॅक येण्याच्या काही दिवस आधी शरीरात अनेक बदल दिसून येतात. या बदलांकडे लक्ष देऊन आरोग्याची काळजी घेणे आवश्यक आहे. आज आम्ही तुम्हाला हार्ट खराब झाल्यानंतर शरीरात कोणती लक्षणे दिसतात, याबद्दल सांगणार आहोत.

बदललेल्या जीवनशैलीमुळे हल्ली कोणत्याही वयात हृद्यासंबंधित समस्या उद्भवू शकतात. त्यामुळे आरोग्याची योग्य काळजी घेणे आवश्यक आहे. हल्ली हार्ट अटॅक येण्याचे प्रमाण वाढेल आहे. हार्ट अटॅक आल्यानंतर शरीराला हानी पोहचून बऱ्याचदा मृत्यू सुद्धा होतो. त्यामुळे हार्ट अटॅक काही दिवस आधी शरीरात दिसणाऱ्या लक्षणांकडे दुर्लक्ष न करता तातडीने डॉक्टरांच्या सल्ल्याने योग्य ते उपचार करावे. यामुळे हार्ट अटॅक सारख्या गंभीर आजाराचा धोका टाळता येईल. आहारात सतत होणारे बदल, जंक फूडचे अतिसेवन, कामाचा वाढलेला तणाव, अपुरी झोप, सतत तिखट किंवा मसालेदार पदार्थांचे अतिसेवन केल्यामुळे शरीराला हानी पोहचण्याची शक्यता असते.(फोटो सौजन्य – iStock)

मासिक पाळी येण्याआधी सतत व्हाईट डिस्चार्ज होतो? निरोगी आरोग्यासाठी आहारात करा ‘या’ पदार्थांचे सेवन, गर्भाशय राहील स्वच्छ

बऱ्याचदा शरीरात दिसून येणाऱ्या लक्षणांकडे दुर्लक्ष केले जाते. मात्र हार्ट अटॅक येण्याच्या काही दिवस आधीपासूनच शरीरात अनेक गंभीर दिसून येतात. श्वासोच्छवास, त्वचेचा रंग, चालण्याची ताकद किंवा सतत थकवा, अशक्तपणा जाणवणे इत्यादी आरोग्यासंबंधित गंभीर लक्षणे दिसू लागतात. त्यामुळे आज आम्ही तुम्हाला हृदयाचे आरोग्य खराब झाल्यानंतर शरीरात कोणती लक्षणे दिसू लागतात, याबद्दल सविस्तर माहिती सांगणार आहोत. शरीरात दिसून येणाऱ्या या लक्षणांकडे दुर्लक्ष न करता आरोग्याची योग्य काळजी घ्यावी.

चालल्यानंतर सतत दम लागणे:

शरीरात वाढलेल्या कोलेस्टरॉलमुळे हृदयाच्या रक्तवाहिन्या ब्लॉक होऊन जातात. या रक्तवाहिन्या ब्लॉक झाल्यानंतर हृदयाकडे व्यवस्थित ऑक्सिजन पुरवठा न झाल्यामुळे किंवा रक्तप्रवाहात अडथळे निर्माण झाल्यामुळे हार्ट अटॅक येण्याची जास्त शक्यता असते. याशिवाय १० किंवा १५ मिनिटांपेक्षा जास्त वेळ चालल्यानंतर लगेच दम लागणे किंवा धाप लागणे इत्यादी समस्या उद्भवू लागतात. मात्र चालताना जर तुमच्या छातीमध्ये जडपणा जाणवतं नसेल तर तुमचे हृदय निरोगी आहे, असे समजले जाते.

रक्तदाब:

हार्ट अटॅक किंवा स्ट्रोक येण्याचे मुख्य कारण म्हणजे शरीराचा रक्तदाब वाढणे. शरीराचा रक्तदाब सामान्यपणे 120/80 च्या आसपास असेल आणि हृदयाचे ठोके 60–100 असेल तर तुमच्या हृदयाचे कार्य व्यवस्थित चालू आहे. पण तुमचा रक्तदाब १२० पेक्षा जास्त वाढल्यास शरीरात अनेक भयानक बदल होण्याची जास्त शक्यता असते. यामुळे बऱ्याचदा हृदयाच्या रक्तवाहिन्यांना इजा होण्याची जास्त शक्यता असते.

‘या’ भाजीचे सेवन केल्यामुळे रक्ताचा प्रत्येक थेंब होईल डायबिटीज फ्री! रोजच्या आहारात नियमित करा सेवन, शरीर राहील निरोगी

कोलेस्ट्रॉल:

मानवी शरीरात दोन प्रकारचे कोलेस्ट्रॉल आढळून येते. चान्गले कोलेस्ट्रॉल आणि वाईट कोलेस्ट्रॉल. शरीरात वाढलेले चांगले कोलेस्ट्रॉल शरीरात निरोगी पेशी तयार करतो, तर वाईट कोलेस्ट्रॉल वाढल्यानंतर हृदयाच्या रक्तवाहिन्यांना इजा होऊन हार्ट ब्लॉकेजची समस्या उद्भवण्याची शक्यता असते. शरीरात वाढलेले खराब कोलेस्ट्रॉल कमी करण्यासाठी ऑलिव्ह ऑईल, बदाम, बिया आणि फॅटी मासे इत्यादी पदार्थांचे सेवन करावे.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.