Nutrient Rich Ladoo: हिवाळ्यात कंबर आणि गुडघेदुखीच्या त्रासाने हैराण झाला आहात? मग रोज खा ‘हा’ पौष्टिक लाडू, हाडे होतील मजबूत

थंडीच्या दिवसांमध्ये हाडांच्या वेदनांपासून सुटका मिळवण्यासाठी आहारात पौष्टिक लाडूचे सेवन करावे. या लाडूच्या सेवनामुळे आरोग्य सुधारण्यासोबतच हाडे मजबूत होतात आणि स्नायूंना ऊर्जा मिळते.

Nutrient Rich Ladoo: राज्यासह संपूर्ण देशभरात सगळीकडे थंड वारे वाहू लागले आहेत. थंडीच्या दिवसांमध्ये शरीराची जास्त काळजी घेण्याचा सल्ला कायमच दिला जातो. या दिवसांमध्ये हाडांमध्ये वेदना, कंबर दुखी, स्नायूंमध्ये वेदना इत्यादी अनेक समस्या वाढू लागतात. या दिवसांमध्ये शरीराला जास्त पोषणाची आवश्यकता असते त्यामुळे आहारात वेगवेगळ्या पौष्टिक आणि शरीरास सहज पचन होणाऱ्या पदार्थांचे सेवन करावे. कंबरदुखीसोबतच शरीरात थकवा आणि अशक्तपणा सुद्धा वाढू लागतो. शारीरिक आरोग्य बिघडल्यानंतर रोजच्या आयुष्यातील कामे करताना सुद्धा खूप जास्त थकल्यासारखे वाटते. त्यामुळे आहारात वेगवेगळ्या पदार्थांचे सेवन करावे. आज आम्ही तुम्हाला थंडीच्या दिवसांमध्ये कंबरदुखी आणि गुडघेदुखीच्या वेदनांपासून आराम मिळवण्यासाठी कोणत्या लाडूचे सेवन करावे, याबद्दल जाणून घेऊया सविस्तर माहिती.(फोटो सौजन्य – istock)

Firecracker Burn First Aid: दिवाळीत फटाक्यांमुळे हात भाजला आहे? घाबरून न जाता ‘हे’ घरगुती उपाय केल्यास तातडीने मिळेल आराम

थंडीच्या दिवसांमध्ये नियमित एक लाडू खाल्ल्यास शरीराला आवश्यक पोषण मिळेल. या लाडूचे सेवन केल्यामुळे शरीरातील हाडे मजबूत आणि ताकदवान होण्यास मदत होईल. सकाळच्या नाश्त्यात अनेकांना चहा बिस्कीट किंवा इतर तेलकट पदार्थ खाण्याची खूप जास्त सवय असते. पण त्याऐवजी नियमित एक लाडू खाल्ल्यास शरीराला आवश्यक पोषण मिळेल.

लाडू बनवण्यासाठी लागणारे साहित्य:

काजू
बदाम
खसखस
तूप
मगज बी
अक्रोड
तीळ
भोपळ्याच्या बिया
सुक खोबर
खजूर
वेलची पावडर

लाडू बनवण्याची कृती:

पौष्टिक लाडू बनवण्यासाठी सर्वप्रथम, कढई गरम करून त्यात सुक्या खोबऱ्याचा किस भाजून घ्या. भाजलेला खोबऱ्याचा किस थंड करण्यासाठी ठेवा. त्यानंतर त्यात काजू, बदाम, खसखस, भोपळ्याच्या बिया, अक्रोड, मगज बी वेगवेगळे भाजून घ्या. त्यानंतर कढईमध्ये तूप गरम करून त्यात खजूर घाला आणि मंद आचेवर मिक्स करा. खजूर पूर्णपणे विरघळून गेल्यानंतर मंद आचेवर ठेवून द्या. भाजून घेतलेले सर्व साहित्य मिक्सरच्या भांड्यात टाकून बारीक वाटून घ्या आणि खजूरच्या मिश्रणात टाका. त्यानंतर त्यात वेलची पावडर, खसखस आणि तीळ घाला. तयार केलेले मिश्रण व्यवस्थित मिक्स करून झाल्यानंतर हाताला तूप लावा आणि तुमच्या आवडीनुसार लाडू बनवा. तयार केलेले लाडू काचेच्या बरणीमध्ये भरून ठेवा. जेणेकरून लाडू खराब होणार नाहीत.

लाडूमध्ये असलेले आळशी, तीळ आणि अक्रोड शरीराला ऊर्जा देतात. दैनंदिन आहारात लाडूसोबतच संतुलित आहार, भरपूर पाणी, शारीरिक हालचाल करणे सुद्धा तितकेच आवश्यक आहे. थंडीच्या दिवसांमध्ये आहारात उष्ण पदार्थांचे सेवन करावे. या पदार्थांच्या सेवनामुळे शरीराला ऊर्जा मिळते आणि थंडीच्या दिवसांमध्ये आरोग्य चांगले राहते. अळशीच्या बियांमध्ये असलेले फॅटी ऍसिड मेंदूच्या आरोग्यासाठी गुणकारी ठरते.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.