जगभरातील सर्वच देशांना नव्या आजाराचा धोका! आफ्रिकेत इबोलाचा उद्रेक, जाणून घ्या गंभीर आजाराची लक्षणे आणि उपचार

आफ्रिकेत इबोलाचा उद्रेक वाढल्यामुळे भारतासह इतर सर्वच देशांमध्ये अलर्ट जारी करण्यात आला आहे. आफ्रिकेतील काँगो, दक्षिण सुदान आणि युगांडा येथे इबोला आजाराचा उद्रेक मोठ्या प्रमाणावर वाढल्यामुळे भारत सरकारने सर्व राज्ये आणि केंद्रशासित प्रदेशांना सतर्कतेचा इशारा दिला आहे. चला तर जाणून घेऊया इबोलाची लक्षणे आणि उपचार.

इबोला व्हायरसच्या पार्श्वभूमीवर WHO अलर्टवर.
इबोलाची गंभीर लक्षणे आणि उपचार.
इबोला होण्याची सविस्तर कारणे?

मागील काही वर्षांपूर्वी भारतासह जगभरातील सर्वच देशांमध्ये कोरोना विषाणूने हाहाकार माजवला होता. अतिशय धोकादायक विषाणू जगभरात पसरल्यामुळे सगळीकडे भीतीचे वातावरण निर्माण झाले होते. मात्र पुन्हा एकदा आफ्रिकेतील काँगो, दक्षिण सुदान आणि युगांडा येथे इबोला आजाराचा उद्रेक मोठ्या प्रमाणावर वाढला आहे. त्यामुळे भारत सरकारने सर्व राज्ये आणि केंद्रशासित प्रदेशांना सतर्कतेचा इशारा दिला आहे. महाराष्ट्रात कोणलाही इबोलासंबंधित लक्षणे दिसू लागल्यास तातडीने योग्य त्या उपाययोजना देण्याचे आवाहन करण्यात आले आहे. मुंबई महापालिकेकडून मुंबईतील सर्व पालिका रुग्णालयांतील निवासी डॉक्टरांसाठी मार्गदर्शक सूचनासुद्धा जारी करण्यात आल्या आहे. सध्या भारतात इबोलाचा कोणताही रुग्ण नाही, असे सुद्धा सांगण्यात आले आहे. इबोला व्हायरसच्या पार्श्वभूमीवर WHO अलर्ट देण्यात आला आहे. चला तर जाणून घेऊया आफ्रिकेत पसरलेल्या इबोला आजाराची गंभीर लक्षणे आणि त्यावरील उपचार.(फोटो सौजन्य – istock)

रात्रीच्या वेळी अचानक जाग येते? लिव्हरसबंधित गंभीर आजार झाल्यानंतर शरीरात दिसून येतात ‘ही’ लक्षणे, जाणून घ्या घरगुती उपाय

इबोला आजार कशामुळे होतो?

इबोला हा आजार इबोला विषाणू होतो. हा एक प्राणघातक झुनोटिक प्राण्यांपासून मानवात पसरणारा गंभीर आजार आहे. इबोला हा एक संसर्गजन्य आजार असून फळ खाणाऱ्या वटवाघळांमध्ये नैसर्गिकरीत्या आढळून येतो. एका बाधित व्यक्तीच्या शरीरातील रक्त, लाळ, घाम, उलटी, विष्ठा किंवा इतर स्त्रावांच्या संपर्कात आल्यामुळे इबोला होण्याची जास्त शक्यता असते. याशिवाय बाधित व्यक्तीने वापरलेले कपडे, अंथरुणावर पडलेले डाग किंवा निर्जंतुकीकरण न केलेल्या सुयांचा वापर केल्यामुळे सुद्धा इबोला होतो. इबोलाची लक्षणे वाढू लागल्यानंतर अंतर्गत रक्तवाहिन्यांना आणि आणि इतर अवयव हळूहळू नष्ट होऊन जातात.

इबोला आजाराची महाभयंकर लक्षणे?

• अचानक तीव्र ताप येणे.
• तीव्र डोकेदुखी आणि सांधे किंवा स्नायू दुखणे.
• घसा खवखवणे आणि प्रचंड अशक्तपणा किंवा थकवा जाणवणे.
• अंगावर लाल किंवा काळे पुरळ उठणे.
• जुलाब आणि उलट्या
• डोळे, नाक, कान, हिरड्या आणि गुदद्वारातून अनियंत्रित रक्तस्त्राव
• मानसिक गोंधळ, चक्कर येणे किंवा अति आक्रमकता वाढणे, यापैकी कोणतीही लक्षणे दिसू लागल्यास तातडीने डॉक्टरांच्या सल्ल्याने उपचार घेणे आवश्यक आहे.

Cold Water : थंड पाणी पिल्याने पोटाला नुकसान पोहचते का? तज्ञांकडून जाणून घ्या खरं सत्य

इबोलावरील उपचार पद्धती?

इबोलासारख्या गंभीर आजारापासून शरीराचा बचाव करण्यासाठी सर्वप्रथम आफ्रिकेतील प्रभावित भागांचा किंवा युगांडा, काँगोसारख्या देशांचा प्रवास करणे पूर्णपणे टाळावे. याशिवाय विषाणूची लागण झालेल्या व्यक्तीपासून सुरक्षित अंतर ठेवावे. अन्यथा हा विषाणू संपूर्ण जगभरात पसरू शकतो. गंभीर आजारांपासून स्वतःचा बचाव करण्यासाठी वैयक्तिक स्वच्छतेची काळजी घेणे फार आवश्यक आहे. तसेच कोणत्याही प्राण्यांच्या थेट संपर्कात जाऊ नये. यामुळे इबोलाची लागण होऊन आरोग्याला हानी पोहचेल.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.