Travel News : उत्तराखंडमधील अनोखे मंदिर, इथे देवाला चिठ्ठी लिहायला दूरदूरवरून येतात भाविक

Ancient Temple : भारताच्या उत्तराखंड राज्यात एक असे अनोखे मंदिर वसले आहे जिथे मनातील इच्छा-आकांशा चिठ्ठीवर लिहून देवाला अर्पण केल्या जातात. धार्मिक पर्यटनाची आवड असल्यास एकदा तरी या ठिकाणाला तुम्ही नक्कीच भेट द्यायला हवी.

• उत्तराखंडमधील अल्मोडा हे धार्मिक पर्यटनासोबतच निसर्गसौंदर्यासाठीही प्रसिद्ध आहे.
• येथील एका अनोख्या मंदिरात भाविक आपल्या मनातील इच्छा चिठ्ठीद्वारे व्यक्त करतात.
• अल्मोडामध्ये नंदा देवी मंदिर आणि १२४ मंदिरांचे संकुल असलेले जागेश्वर हेही पाहण्यासारखे ठिकाण आहे.

रोजच्या बोरींग जीवनाला कंटाळून जर तुम्ही कुठे चांगल्या ठिकाणी फिरण्याचा विचार करत असाल आणि तुम्हाला धार्मिक पर्यटनाची आवड असेल तर ही बातमी तुमच्या कामाची आहे. धार्मिक पर्टनासाठी भारतात अनेक सुंदर मंदिरे पाहायला मिळतील. प्रत्येक मंदिराची आपली अशी वेगळी खासियत असते. आता देवाच्या दर्शनासाठी गेल्यावर आपण मनात काही ना काही इच्छा आकांशा आवर्जून घेऊन जात असतो. देवाचे दर्शन घेत मनातल्या मनात या इच्छा देवासमोर मांडल्या जातात. पण तुम्हाला माहितीये का? उत्तराखंडमध्ये एक असे अनोखे मंदिर वसले आहे जिथे देवासमोर इच्छा व्यक्त केली जात नाही. इथे भाविक देवाला चिठ्ठी लिहून आपल्या मनातील इच्छा व्यक्त करतात.

जागतिक मानसिक आरोग्य दिन: मानसिक शांततेसाठी महाराष्ट्रातील सर्वोत्तम ५ ठिकाणे! निसर्गाच्या सान्निध्यात करा मायंड रिसेट

कुठे आहे हे मंदिर?

उत्तराखंडमधील अल्मोडा या ठिकाणी देवाचे हे अनोखे मंदिर वसले आहे. चिताई गोलू देवता मंदिर असे याचे नाव आहे. हिमालयाचे सुंदर दृष्य, जुने मंदिर आणि शांत वातावरणासाठी अल्मोडा लोकप्रिय आहे. भक्त मंदिर परिसरात घंटा अर्पण करतात आणि त्यावर आपल्या इच्छा लिहिलेल्या चिठ्ठ्या अर्पण करतात. अल्मोडापासून मंदिरापर्यंत जाण्यासाठी तुम्हाला स्थानिक टॅक्सीची मदत घ्यावी लागले. येथील डोंगरांमध्ये सूर्याेदय आणि सूर्यास्ताचे सुंदर दृष्य पाहता येते.

नंदा देवी मंदिर

अल्मोडा शहरात आणखी एक लोकप्रिय देवीचे मंदिर आहे ज्याचे नाव आहे नंदा देवी मंदिर. धार्मिक आणि सांस्कृतिक दोन्हींमध्ये याचे महत्त्व फार आहे. मंदिराची वास्तुकला आणि स्थानिक परंपरा या ठिकाणाला इतर पर्यटन ठिकाणांहून वेगळी बनवते.

एकाच ठिकाणी 124 मंदिरांचा संघ

अल्मोडापासून साधारण ३६ किमी अंतरावर जागेश्वर मंदिर संकुल पाहता येते. उत्तराखंड पर्यटन विभागानुसार, इथे एकाच ठिकाणी तब्बल १२४ मंदिरांचा संघ पाहायला मिळतो. तथापि, भारतीय पुरातत्व सर्वेक्षणाने संकुलातील अनेक मंदिरांना संरक्षित स्मारके म्हणून सूचीबद्ध केले आहे.

बाजूला सारा गोवा, यंदा भेट द्या रत्नागिरीला भेट… बीच, किल्ले ते रानमेव्यापर्यंत इथे मिळेल अनेक गोष्टींचा अनुभव

मुंबईहून अल्मोडा कसे जावे?

यासाठी तुम्ही विमान किंवा रेल्वे मार्गाचा वापर करु शकता. मुंबईहून दिल्लीपर्यंत रस्ते प्रवास खूप लांब आणि थकवणारा ठरेल. विमान प्रवासासाठी मुंबई एअरपोर्टवरुन तुम्ही पंतनगर विमानतळासाठी किंवा दिल्ली विमानतळासाठी फ्लाईट पकडू शकता. आता रेल्वे मार्गासाठी तुम्हाला मुंबईहून उत्तराखंडमधील काठगोदाम रेल्वे स्थानकासाठी ट्रेन पकडावी लागेल. काठगोदाम हे अल्मोड्याच्या सर्वात जवळचे रेल्वे स्टेशन आहे.