Travel News : पिंकपासून ब्लू आणि ऑरेंजपर्यंत… या ठिकाणांच्या नावात दडलीये रंजक कहाणी

City Unique Name : तुम्हाला माहितीये का? देशात असे काही अनोखे शहरं आहेत ज्यांना पिंक, ब्लू आणि ऑरेंज सिटी म्हणून नाव मिळालेलं आहे. शहराचा इतिहास आणि तेथील खासियत पाहता त्यांना हे नाव देण्यात आलं. यात तुमच्या शहराचा तर समावेश नाही? जाणून घ्या सविस्तर.

• भारतातील अनेक शहरांना त्यांच्या वैशिष्ट्यांनुसार रंगांवर आधारित टोपणनावे मिळाली आहेत.
• जयपूर, जोधपूर, सुरत, नागपूर आणि तिरुवनंतपुरम या शहरांची अशी खास ओळख आहे.
• या शहरांच्या नावामागे इतिहास, संस्कृती, व्यवसाय आणि नैसर्गिक सौंदर्याची रंजक कहाणी आहे.

भारतातील प्रत्येक शहराची आपली अशी वेगळी कहाणी असते. देशात अशी काही शहरे आहेत ज्यांना रंगांवरुन एक खास नाव मिळालं आहे. शहरांची आपली नावे प्रचलित असली तरी नव्याने मिळालेली ही नावे लोकांमध्ये अधिक लोकप्रिय मानली जातात. शहरांना तेथील खासियतमुळे ही नावे मिळालेली आहेत. एकाला पिंक सिटी हे नाव मिळालं तर दुसऱ्याला ऑरेंज सिटी… आज आपण या लेखात शहरे आणि त्यांना मिळालेल्या या रंजक नावांची कहाणी जाणून घेणार आहोत.

Navratri 2026 : या ठिकाणी आहेत देवीच्या 9 रूपांची मंदिरे, नवरात्रीत भरते भक्तांची गर्दी

पिंक सिटी – जयपुर

राजस्थानची राजधानी जयपूरला पिंक सिटी या नावाने ओळखले जाते. याचा इतिहास १८७६ सालापासून सुरु होतो. सांगितले जाते की, महाराजा सवाई राम सिंह द्वितीयने वेल्सचा राजकुमार प्रिंस अल्बर्ट एडवर्ड आणि क्वीन व्हिक्टोरिया यांच्या भव्य स्वगातासाठी संपूर्ण शहराला टेराकोटा गुलाबी रंगाने रंगवले होते आणि तेव्हापासूनच याला पिंक सिटी हे नाव पडले.

ब्लू सिटी – जोधपुर

जोधपूर हे भारतातील असे शहर आहे ज्याला ब्लू सिटी या नावाने ओळखले जाते. इथे तुम्ही गेल्यावर तुम्हाला अधिकतर ठिकाणे ही निळ्या रंगात रंगवलेली दिसून येतील. असे म्हटले जाते की, घरांना निळा रंग देण्याची सुरुवात ब्राह्मणांनी सुरू केली होती. असे करण्यामागे त्यांचा मूळ उद्देश स्वत:ला एक वेगळी ओळख देणे हा होता. पुढे ही प्रथा इथे आणखी वाढत गेली.

डायमंड सिटी – सूरत

गुजरातमधील सुरत या शहराला डायमंड सिटी या नावाने ओळखले जाते. जगभरात हिऱ्यांसाठी सुरत हे शहर नावाजलेले आहे. खरंतर, या शहरात १९०० च्या दशकात हिरे कापण्याचे आणि पॉलिश करण्याचे काम सुरु झाले होते आणि पुढे जाऊन हा व्यावसाय इथे वेगाने वाढू लागला.

फेस्टिव्ह सिजनमध्ये रेल्वेने प्रवास करताय? 1 ऑक्टोबरपासून लागू झालेत हे नवे नियम

ऑरेंज सिटी – नागपुर

महाराष्ट्रातील नागपूर हे शहर गोड आणि रसाळ संत्र्यांसाठी जगभर लोकप्रिय आहे. दरवर्षी इथे लाखो टन संत्र्यांचे उत्पादन घेतले जाते. यामुळे हे शहर भारतातील सर्वात मोठी संत्र्यांची घाऊक बाजारपेठ बनले आहे. संत्र्यांना इंग्रजीत म्हणतात ऑरेंज आणि यावरुन नागपूर शहराला ऑरेंज सिटी हे नाव पडलं.

एव्हरग्रीन सिटी – तिरुवनंतपुरम

केरळ राज्याची राजधानी तिरुवनंतपुरम हे शहर भारतातील एव्हरग्रीन सिटी म्हणून ओळखले जाते. शहराला हे नाव महात्मा गांधीनी दिलं असून येथील हिरवळ आणि नैसर्गिक साैंदर्य पाहून शहराला हे नाव देण्यात आलं आहे.