बाजूला सारा गोवा, यंदा भेट द्या रत्नागिरीला भेट… बीच, किल्ले ते रानमेव्यापर्यंत इथे मिळेल अनेक गोष्टींचा अनुभव

महाराष्ट्रातील निसर्गरम्य ठिकाणांना भेट देण्याचा विचार करत असाल, तर रत्नागिरी उत्तम पर्याय ठरू शकतो. सुंदर समुद्रकिनारे, ऐतिहासिक वास्तू आणि हिरवागार परिसर यामुळे कुटुंबासोबत फिरण्यासाठी हे ठिकाण खास आहे.

• रत्नागिरीतील ऐतिहासिक किल्ला आणि समुद्राच्या संगमाचे सुंदर दृश्य पर्यटकांना आकर्षित करते.
• निळाशार समुद्र, सुंदर सूर्यास्त आणि फोटोग्राफीसाठी येथील किनारे लोकप्रिय आहेत.
• इतिहासाची आवड असणाऱ्यांसाठी प्राचीन वास्तू, संग्रहालय आणि शहराचे विहंगम दृश्य पाहण्याची संधी आहे.

सुट्टीच्या दिवशी कुटुंबासोबत कुठे फिरायला जाण्याचा बेत आखत असाल तर रत्नागिरीहून सुंदर ठिकाण तुमच्यासाठी नाही. महाराष्ट्र फिरायचं तर यात रत्नागिरीचा समावेश करायलाच हवा. आपला साधेपणा, नैसर्गिक साैंदर्य आणि रानमेव्यासाठी रत्नागिरी लोकप्रिय आहे. इथे समुद्रकिनारा, धबधबे आणि हिरवीगार वनराई पाहायला मिळते.

जर तुमच्या रोजच्या गर्दीतून निवांत मोकळा वेळ काढून तुम्हाला कोणत्या शांत ठिकाणाला भेट द्यायची असेल तर हे ठिकाण तुमच्यासाठी परफेक्ट ठरेल. जुने वाडे आणि आजूबाजूला पसरलेले हिरवळ वातावरण मनाला सुखद अनुभव देऊन जाते. कुटुंबासोबत तुम्ही रत्नागिरीला भेट देऊ शकता.

Travel News : ट्रॅफिकमध्ये अडकलाय आणि ट्रेन सुटणार आहे? टेन्शन घेऊ नका, रेल्वे देते बोर्डिंग स्टेशन बदलण्याची संधी

जयगढ किल्ला

शहरपासून साधारण ४० किलोमीटर अंतरावर जयगढ गावात हा किल्ला वसलेला आहे. १६ व्या शतकात बांधलेला हा ऐतिहासिक किल्ला येथील प्रमुख ठिकाणांपैकी एक आहे. १३ एकर परिसरात पसरलेला हा किल्ला विजापूरच्या सुलतानाने शास्त्री नदी आणि अरबी समुद्राच्या संगमावर बांधला होता. किल्ला आता पडगळीला आला असला तरी याच्या आजूबाजूचा परिसर आजही फिरण्याजोगा आहे. किल्ल्यासोबतच तुम्ही आंग्रे बंदराला आणि दीपगृहालाही भेट देऊ शकता.

आरे-वारे बीच

रत्नागिरीतील गणपतीपुळे हे ठिकाण तर सर्वांनाच ठाऊक आहे. रत्नागिरीला गेल्यावर लोक गणपतीपुळेला आवर्जून भेट देतात. इथे जातानाच रसत्यात तुम्हाला एक समुद्रकिनारा लागले. गणपतीपुळ्यापासून ८ किलोमीटर अंतरावर हे आहे. विशेष म्हणजे, आरे आणि वारे या गावांजवळ असलेले हे दोन्ही समुद्रकिनारे एकाच पर्वताच्या दोन वेगवेगळ्या बाजूंना वसलेले आहेत. इथे तुम्ही सूर्यास्ताचे सुंदर दृष्य पाहू शकता आणि समुद्रकिनारी चांगले फोटोज देखील क्लिक करु शकता.

Travel News : पिंकपासून ब्लू आणि ऑरेंजपर्यंत… या ठिकाणांच्या नावात दडलीये रंजक कहाणी

थिबाव पॅलेस

इतिहासप्रेमींसाठी हे ठिकाण मस्ट व्हिजिट आहे. २७ एकर परिसरात पसरलेला हा तीन मजली महाल ब्राह्मी शैलीत बांधलेला आहे. याच्या आजूबाजूला सुंदर बागा पाहायला मिळतात. महालाच्या आत लाकडी मजले, काचेच्या खिडक्या आणि प्राचीन शिल्पकला पाहयला मिळते. या महालाचे आता एका संग्रहालयात रुपांतर करण्यात आले आहे. इथे तुम्हाला अनेक कलावस्तू पाहायला मिळतील. थिबा पॉईंटवरून रत्नागिरीचे मनमोहक दृष्य पाहायला मिळते.