कोंड्यामुळे सतत केस गळतात? तमालपत्राचा वापर करून घरीच बनवा नॅचरल हेअर सीरम, केसांची होईल झपाट्याने वाढ

केसांची गुणवत्ता खराब झाल्यानंतर ती सुधारण्यासाठी महिला बाजारात उपलब्ध असलेल्या केमिकल युक्त हेअर केअर प्रॉडक्टचा वापर करतात. मात्र असे न करता स्वयंपाक घरात उपलब्ध असलेल्या पदार्थांचा वापर केसांसाठी करावा. यामुळे केसांमध्ये नैसर्गिक चमक कायम टिकून राहते. आज आम्ही तुम्हाला तमालपत्राचा वापर करून हेअर सीरम बनवण्याची सोपी रेसिपी सांगणार आहोत. तमालपत्राचा वापर करून बनवलेले हेअर सीरम रात्री झोपण्याआधी नियमित केसांवर लावावे. यामध्ये असलेले नैसर्गिक गुणकारी घटक केसांच्या वाढीवर परिणाम करतात. चला तर जाणून घेऊया सविस्तर.

केसांसाठी फायदेशीर आहे घरगुती हेअर सिरम:

घरगुती हेअर सीरम बनवण्यासाठी सर्वप्रथम, मोठ्या टोपात ग्लासभर पाणी घेऊन त्यात मेथी दाणे आणि कलोंजी घालून उकळवून घ्यावी. त्यानंतर त्यात तमालपत्राची पाने घालून उकळावे. एक उकळी आल्यानंतर लवंग काड्या घालून टोपातील पाणी अर्धा होईपर्यंत उकळवून घ्या. त्यानंतर गॅस बंद करून पाणी थंड करावे. थंड झालेले पाणी गाळून स्प्रे बॉटलमध्ये भरून ठेवा. रात्री झोपण्याआधी नियमित हेअर सीरम केसांवर लावून हलकासा मसाज करा. यामुळे केसांमध्ये वाढलेला कोंडा नष्ट होईल आणि केसांची झपाट्याने वाढ होईल.

1 रुपयाही खर्च होणार नाही, चेहऱ्यावरील सर्व डाग होतील दूर… फक्त बाल्कनीतील या पानांचा वापर करा

घरगुती हेअर सीरम वापरण्याचे फायदे:

केसांच्या वाढीसाठी हेअर सीरम अतिशय फायदेशीर ठरते. हेअर सीरम नियमित लावल्यास आठवडाभरात सकारात्मक परिणाम दिसून येतील आणि केसांची झपाट्याने वाढ होईल. तमालपत्रामध्ये अँटी-बॅक्टेरियल गुणधर्म असतात, ज्यामुळे टाळूवर वाढलेला कोंडा आणि केसांमध्ये वाढलेली जळजळ कमी होण्यास मदत होते. याशिवाय मेथी दाण्यांमध्ये प्रथिने आणि निकोटिनिक ॲसिड भरपूर असते, यामुळे केस गळणे थांबते. केसांमधील रक्तभिसरण सुधारण्यासाठी लवंग केसांच्या मुळांपर्यंत पोषण देते.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.