भारती सिंग मुलाला देते ‘या’ पदार्थांपासून बनवलेले होममेड ड्रायफ्रूट चॉकलेट, जाणून घ्या चॉकलेट बनवण्याची रेसिपी

भारती सिंग तिच्या लहान मुलाला डार्क चॉकलेट खाण्यास देण्याऐवजी घरी बनवलेले हेल्दी होममेड ड्रायफ्रूट चॉकलेट खाण्यास देते. लहान मुलांच्या निरोगी वाढीसाठी ड्रायफ्रूट खाणे फायदेशीर आहे. जाणून घ्या चॉकलेट बनवण्याची सोपी रेसिपी

लहान मुलांपासून मोठ्यांपर्यंत सगळ्यांचं चॉकलेट खायला खूप आवडते. अनेकदा चॉकलेट पाहिल्यानंतर ते खाण्याचा मोह आवरत नाही. चॉकलेट खाणे आरोग्यासाठी अतिशय पौष्टिक आहे. दैनंदिन आहारात आठवड्यातून एकदा किंवा दोनदा डार्क चॉकलेटचे सेवन करावे. लहान मुलं बाहेर फिरायला गेल्यानंतर किंवा इतर वेळी चॉकलेट खाण्याचा हट्ट करतात. पण नेहमी नेहमी चॉकलेट खाल्यामुळे दातांचे आरोग्य बिघडण्याची शक्यता असते. त्यामुळे आज आम्ही तुम्हाला सुप्रसिद्ध हिंदी कॉमेडियन भारती सिंग तिच्या मुलाला देत असलेले होममेड चॉकलेट कसे बनवायचे याची सोपी रेसिपी सांगणार आहोत. होममेड पद्धतीने तयार केलेले चॉकलेट लहान मुलांसह मोठ्यांच्या आरोग्यासाठी अतिशय फायदेशीर आहे. लहान मुलांना हेल्दी व पौष्टीक होममेड ड्रायफ्रुटस चॉकलेट्स खाण्यास द्यावे. ज्यामुळे त्यांच्या आरोग्याला पोषण मिळेल. भारती सिंग नेहमीच तिच्या मुलाला घरी बनवलेले पौष्टिक पदार्थ खाण्यास देते. चला तर जाणून घेऊया होममेड हेल्दी आणि पौष्टिक ड्रायफ्रूट चॉकलेट बनवण्याची सोपी रेसिपी.(फोटो सौजन्य – iStock)

वाटीभर नाचणीच्या पिठाच्या वापर करून बनवा चविष्ट केक, वाढलेले वजन राहील नियंत्रणात

See more

साहित्य:

• बदाम
• मनुके
• मखाणे
• काजू
• खजूर
• मेल्टेड चॉकलेट

Chocolate Day 2025: कधीपासून हा दिवस साजरा केला जाऊ लागला? चॉकलेट डेचा गोड इतिहास जाणून घ्या

See more

कृती:

• होममेड पौष्टिक ड्रायफ्रूट चॉकलेट बनवण्यासाठी सर्वप्रथम, कढईमध्ये तूप टाकून ते गरम करून घ्या. नंतर तूप गरम झाल्यानंतर त्यात मखाणा भाजून घ्या.
• नंतर त्यात काजू, बदाम टाकून ते सुद्धा हलकेसे भाजून घ्या. त्यानंतर सर्व ड्रायफ्रूट थंड करून मिक्सरमधून बारीक वाटून घ्या.
• त्यानंतर मिक्सरच्या भांड्यात खजूर आणि मनुका टाकून व्यवस्थित जाडसर वाटून घ्या.
• बारीक करून घेतलेले सर्व ड्रायफ्रूट व्यवस्थित एकत्र करून त्यात मेल्टेड चॉकलेट टाकून व्यवस्थित मिक्स करा.
• बर्फाच्या ट्रेमध्ये तयार करून घेतलेले चॉकलेट टाकून फ्रिजमध्ये 4 ते 5 तास चॉकलेट सेट होण्यासाठी ठेवा.
• तयार आहे सोप्या पद्धतीमध्ये बनवलेले पौष्टिक ड्रायफ्रूट चॉकलेट. हे चॉकलेट लहान मुलांच्या आरोग्यासाठी अतिशय फायदेशीर आहे.