साधा पण चवदार असा गुजरातचा फेमस पदार्थ डाळ ढोकळी घरी बनवून पहा; चविष्ट रेसिपी नोट करा

तूर डाळ आणि गव्हाच्या पिठापासून तयार केला जाणारा डाळ ढोकळी हा गुजरातचा एक लोकप्रिय आणि चविष्ट असा पदार्थ आहे. गरमा गरम डाळ ढोकळीवर तूप टाकून त्याला खाल्ले जाते जे चवीला लाजवाब लागते.

डाळ ढोकळी ही एक पारंपरिक गुजराती आणि मराठी पद्धतीने बनवली जाणारी चविष्ट आणि पौष्टिक रेसिपी आहे. गरमागरम डाळीमध्ये गहू पिठापासून तयार केलेल्या ढोकळ्या घालून ही भाजी बनवली जाते. यामध्ये गोडसर, तिखट आणि आंबट अशा तिन्ही चवांचा समावेश असल्यामुळे ही एक परिपूर्ण जेवणाची डिश मानली जाते. पोटभरीचा, चवदार आणि सोपा असा हा पदार्थ पावसाळ्यात आणि हिवाळ्यात अधिकतर बनवला जातो.

आषाढी एकादशी स्पेशल! उपवासाच्या दिवशी झटपट बनवा चविष्ट राजगिऱ्याची खीर, नोट करून घ्या रेसिपी

अनेकदा असं होतं की आपल्याला साधं गरमा गरम जेवण जेवायची इच्छा असते. यावेळी अतितिखट आणि मसालेदार पदार्थ नको वाटतात. मूड स्विग्स कधीही बदलू शकतात आणि तुम्हाला साधे पण तितकीच रुचकर असे पदार्थ खायला आवडत असेल तर डाळ ढोकळी तुमच्यासाठी एक उत्तम पर्याय आहे. चला लगेच नोट करूया यासाठी यासाठी लागणारे साहित्य आणि कृती.

साहित्य

डाळीसाठी:

• तूर डाळ – १ कप
• टोमॅटो – १ (बारीक चिरलेला)
• हिंग – १ चिमूट
• हळद – ¼ चमचा
• तिखट – ½ चमचा
• गूळ – १ चमचा (ऐच्छिक)
• कोथिंबीर – सजावटीसाठी
• मीठ – चवीनुसार
• लिंबाचा रस – १ चमचा
• तेल/साजूक तूप – १ चमचा
• मोहरी, जिरं – प्रत्येकी ½ चमचा
• कढीपत्ता – काही पाने
• आले आणि हिरव्या मिरच्यांची पेस्ट – १ चमचा

ढोकळीसाठी:

• गव्हाचं पीठ – १ कप
• हळद – ¼ चमचा
• लाल तिखट – ½ चमचा
• हिंग – १ चिमूट
• मीठ – चवीनुसार
• तेल – १ चमचा
• पाणी – मळण्यासाठी

जेवणाची मजा होईल द्विगुणित; एकदा घरी बनवून तर पहा लज्जतदार भरलेली शिमला मिरची

कृती

• गुजराती स्टाईल डाळ ढोकळी तयार करण्यासाठी सर्वप्रथम तूर डाळ स्वच्छ धुऊन कुकरमध्ये २ वाट्या पाण्यात टोमॅटो, हळद, थोडं मीठ टाकून ३–४ शिट्ट्यांपर्यंत शिजवा.
• नंतर ती मिक्सरमध्ये हलकीशी फिरवून किंवा घोट्याने घोटून घ्या.
• गव्हाच्या पिठात हळद, तिखट, हिंग, मीठ, तेल टाकून थोडंसं कडकसर पीठ मळून घ्या.
  १५–२० मिनिटं झाकून ठेवा.
• नंतर त्याचे लाटून पातळ पोळीसारखे करा आणि त्याचे लांबट किंवा चौकोनी तुकडे कापा.
• एका भांड्यात तेल/तूप गरम करा. त्यात मोहरी, जिरं, हिंग, कढीपत्ता आणि आले-हिरवी मिरची पेस्ट टाका.
• थोडं परतून घ्या आणि मग शिजवलेली डाळ त्यात ओता.
• त्यात गूळ, लिंबाचा रस आणि थोडं पाणी टाका. उकळा येऊ द्या.
• उकळणाऱ्या डाळीत तयार ढोकळीचे तुकडे एकेक करून घाला.
• १०–१५ मिनिटं मध्यम आचेवर झाकण ठेवून शिजवा. मधूनमधून हलवत राहा जेणेकरून ढोकळी चिकटणार नाही.
• वरून बारीक चिरलेली कोथिंबीर टाका.
• गरम गरम डाळ ढोकळी एका वाटीत घालून त्यावर तूप टाकून खाण्यासाठी सर्व्ह करा.
• डाळ थोडी सैलसर असावी, कारण ढोकळी शिजताना ती घट्ट होते.
• तुम्ही त्यात शेंगदाण्याचा कूट किंवा कोथिंबीर मिक्स करताना थोडंसं किसलेलं नारळसुद्धा घालू शकता.
• गरम गरम डाळ ढोकळी खमंग तुपासोबत सर्व्ह करा आणि तिच्या पारंपरिक चवाचा आस्वाद घ्या!