चवच नाही तर आरोग्यासाठीही लाभदायक आहे Coleslaw Sandwich, सोपी रेसिपी

Coleslaw Sandwich: सकाळची नाश्त्याची वेळ असो किंवा संध्याकाळची स्नॅक्सची, सँडविच खायला सगळ्यांनाच आवडते. आज आम्ही तुमच्यासाठी कोलेस्लॉ सँडविचची रेसिपी सांगणार आहोत, ज्याचे नाव तुम्ही याआधी ऐकले नसेल. हे चविष्ट आहेच पण विशेष म्हणजे ते बनवण्यासाठी भरपूर भाज्या देखील वापरल्या जातात. जाणून घ्या हेल्दी ब्रेकफास्टची ही सोपी रेसिपी.

कदाचित तुम्हाला सँडविच स्नॅक म्हणून किंवा नाश्त्यात खायला आवडत असेल तर, तुम्ही बटाटा सँडविच, काकडी सँडविच, व्हेज सँडविच किंवा फ्रूट सँडविच, ग्रिल्ड सँचविड, रशियन सँचविड यांसारखे अनेक प्रकार वापरून पाहिले असतील, पण मला सांगा, तुम्ही कोलेस्लॉ सँडविच कधी खाल्ले आहे का? 

अनेक प्रकारच्या भाज्यांच्या मदतीने बनविण्यात येणारे हे सँचविच अत्यंत चवीचे असते. हे स्वादिष्ट सँडविच आरोग्यासाठीही चांगले आहे. ब्रेकफास्टसाठी हे बनवून तुम्ही सकाळची निरोगी सुरुवात करू शकता, तर चला जाणून घेऊया कोलेस्लॉ सँडविच बनवण्याची सोपी रेसिपी. (फोटो सौजन्य – iStock) 

कोलेस्लॉ सँचविचसाठी लागणारे साहित्य 

• ब्रेड – 4 स्लाईस
• गाजर – 1 कप बारीक चिरून
• कोबी – 1 कप बारीक चिरून
• सिमला मिरची – 1/2 कप बारीक चिरून
• कांदा- 1/2 कप बारीक चिरलेला
• लिक्विड चीज – 3 चमचे
• ताजी मलई – 1 चमचा
• मीठ – चवीनुसार
• काळी मिरी – चवीनुसार
• चिली फ्लेक्स – 1/4 चमचा 

कोलेस्लॉ सँडविच बनविण्याची पद्धत 

• कोलेस्लॉ सँडविच बनवण्यासाठी प्रथम सर्व भाज्या सोलून बारीक चिरून घ्या
• यानंतर या सर्व चिरलेल्या भाज्या धुवून कोरड्या करा आणि मिक्सिंग बाऊलमध्ये ठेवा
• नंतर त्यात लिक्विड चीज आणि क्रीम घालून मिक्स करा
• आता त्यात मीठ, काळी मिरी पावडर आणि चिली फ्लेक्स मिक्स करा
• नंतर ब्रेड स्लाइस एका कटिंग बोर्डवर ठेवा आणि त्यावर कोलेस्ला सॅलड पसरवा
• नंतर ब्रेडचा दुसरा स्लाईस त्यावर ठेवा
• तुम्हाला हवे असल्यास तुम्ही बटर लावूनही बेक करू शकता अथवा नुसतेही खाऊ शकता. तुमचे स्वादिष्ट कोलेस्लॉ सँडविच तयार आहे
• टोमॅटो सॉससोबत गरमागरम सर्व्ह करा. तुम्हाला हवं असल्यास हिरव्या चटणीसहदेखील खाऊ शकता